سفر الزوج موضوع يؤرقني ويخنقني..
يا بنات ما احب ريلي يسافر بدوني ما احب.. يوم يسافر ويخليني احس الكون كئيب وتضربني ضييجة واحس بحزن فضييع.. ويا ما شرحتله هالشي..بس ما يفهمني..
للاسف موضوع سفره بدا يوم كنت حامل وانا ما كنت اقدر اسافر في هذييج السنة فخليته يسافر لانه هاوي سفر.. واصلا كان بيسير يودي ربيعه حق العلاج ساير وياه..بس ربيعه سو فحص وباجي السفر تحول من علاج لسياحة.. ومن عقبها حلت له سالفة السفر ويا ربعه..
ما كنت اتوقع انه جيه بيصير ودوم بييب لي هالطاري..
اللي يقهرني انه ما اييب هالطاري الا لما حد من ربعه يلمح له ويباه يسافر وياه..
واخر مرة صار تج بخصوص هالموضوع.. ويوم شرحتله شعوري بخصوص هالموضوع قالي تراني سفرتج والحين انا دوري اسير..
قلت له اوكي تبا تسافر بي وياك.. قال: لا .. ابا اسير بروحي ولا ويا ربيعي.. ووالله انه يا بنات هاي الجملة خلتني صدق صدق متضايجة منه لهاي اللحظة.. هالجملة وايد حزت فخاطري..حتى ان قلبي يعورني كل ما اذكر هاي الكلمة..يمكن مكبره الموضوع بس جد هالموقف وايد ضايج بي..
اخر شي قلت له: سافر برايك بس لا تتصل بي وقت سفرك..يقول لا دام جيه مب مسافر..
هو يحس اني اتحكم فيه.. وانا مب ها قصدي.. هو مب حاسس كيف افتقده يوم يسافر..
بنات ساعدوني.. شو اسوي..؟؟ ارضى بالامر الواقع واخليه يسافر..ولا كيف..؟؟
انتوا كيف تتعاملون ويا سفر ازواجكم..؟؟ و شو تنصحوني ..؟؟ 
للعلم انه يسافر بس جيه سياحة.. ما عنده خرابيط وواثقة فيه..
الله كريم 
حاطين في بالهم ان خلاص بنحرم من المتعه والوناســه وكل شي جدي صــار,,
الغلا الريال مثل الطفل يحب يستانس ,,, خليــه يستانس اذا انتي واثقه فيـــه والله مافيها شي
بالعكس عشان يـــوله عليج وتولهين عليـــه
الله يسعدكم يارب,, قوليله انا ما اصبـــر عنـك يوم تروح كله اتم مضايقه بس من مدام هالشي يخليك مستانس الله يوفقك,, هاتيه باسلوب حلوو
موفقه الغلا
لو يسافر بس جيه سياحه خله يروح وياج يستانس وياج مش ويا ربيعه
يوم قلتي وآثقة بريلي ^^
حبيبتي الريآل محتآي وقت يكون ويآ ربعه
لو بتلآحظين إن البنت يوم بتعرس بتنشغل عن ربيعآتهآ وبيكون اهتمآمهآ بييتهآ وعيآلهآ
بس الريآل لآآ
يحب التغيير ، يحب طلعة الربع
لآ تضغطين عليه
ويوم بيسآفر ودعيه بكل حب والإبتسآم’ مآ تفآرقج
هو روحه بيحآول يخفف من سفرآته
بس لو انتي عصبتي بيعآند
ومثل مآ قلتي الريآل مآ يحب حد يتحكم فيه
شوره بإيده ^^
وربي يسخركم لبعض
ووقت سفره اشغلي نفسج بأمور ثانيه
والله يوفقج
