الحلقة الاولى
https://forum.uaewomen.net/showthread.php?t=595248
راح رشوود وشل القلب والروح وياه ..يعلني ما خلا من همسك يا بعد روحي ..اااه لو تعرف بهاللحظه شو في خاطريه
.: أحضني حيــل وخل يذوبني الحنـآن .. !
[ والله مشتـــــآق لحنـآنك من زمـــان .. ! ..}
انتبهت مووزه انه اخوها احمدووه واقف وراها ..جان تفز من مكانها ..
احمدووه: شتسوين هني!!
موزه : ما شي كالعاده اذاكر …
احمدوه :انزين شويه وبياذن المغرب حدري داخل
موزه :ان شاءالله خويه ..ودشت داخل وانسدحت على شبريتها تتذكر ايامها قبل سنه
موزه بشهادة الجميع حلووه ومؤدبه وطيووووووبه والكل يحبها ..ومن صغرها والخطاطيب عند باب البيت
بس شخص واحد قدر ياخذ قلبها ويحتل المكان كله ..رشوود
رشوود ولد حارتهم بيته مجابل بيت موزه بينهم شارع صغيروني ..ومن يوم هم صغار والكل يقول موزه لرشود ورشود لموزه لين صدق تعلقوا ببعض…وحبته من كل قلبها وهو تعلق فيها خص يوم شاف كل ما تكبر تحلى اكثر …
هذيج الايام ما شي تيلفونات ولا رمسات ..كانت تشوف رشوود يوم تظهر تسير المدرسه او يوم ترد من المدرسه ولا يوم تلعب ويا خواته ..والنظرات اللي بينهم كانت تكفي وتحكي كل اللي في قلوبهم من عشق وهياام …
كانت متعوده كل ليله تيلس على دكة البيت ورشوود ييلس عند الباب ويشوفون بعض من بعيد وهذا كان يسدها علشان تسير تكمل حياتها لين اليوم الثاني…وفليل يوم تبغي ترقد كانت تسكر ليتات البيت مرتين علشان رشوود يعرف انها ما بتيلس على الدكه وبترقد ….
بيوم وهي سايره المدرسه الصبح كالعاده متعوده تشوف رشوود بس هالمره ما ظهر رشوود!!
تمت تحاتيه وقالت اكيد يوم برد بحصله ..بس ردت ولا حصلته ..ونفس الحاله اليوم الثاني والثالث!!
كلها قلبها من الخوف عليه !! وينك يا رشوود !!اسال منو ؟؟بينقدون عليها لو تخبرت …
وهي يالسه في الصاله سمعت احمدوه اخوها يخبر امه انه رشوود ودر المدرسه ودخل الجيش والحينه مسكوه في الدوره 6 اشهر…
فرررحت موزه انه حبيبها بخير وانه يشتغل.اكيد يشتغل علشان يقدر يخطبني ونعرس…
طار قلبها من الفرحه وقالت عيل لازم انا بعد اشد حيلي وانجح علشان يوم يرد يلقاني جاهزه …
ومرن الشهور والشهور ولا حس ولا خبر عن رشوو د…
في البيت الثاني هناك سعيد اللي بعد كان يموت في مووزه ويلبي كل طلباتها ..كانت تتذكر كيف يوم في خاطرها ايس كريم كان يروح مشي لين البقاله ويشتريلها الايس كريم ..ولا يوم تبغي تلعب في الحاره وما يطيعون الاولاد كان سعوود دوم يوقف ضد الكل ويقول الا بتلعب ويانا بغيتوا ولا لا..ومره واحد فرها بالحصا نش سعود وداس على بطنه لين حب التراب…
بس موزه ما كانت تعرف انه هذا بعد حب..كانت تتحراه مثل الباقي اللي يلعبون وياها ..وهي قلبها وبالها مشغول برشوود …
اه يا رشوود خطفن ال6 شهور ولا رديت ؟؟وينك ….
وخطفت سنه على اخر مره شافت فيه رشوود ..كانت تحس انها بتموت خلاص ..ليش طول هالكثر..؟؟
لين اليوم لما انصدمت فيه واقف وراها يكلمها…..
حست هالسنه كانت مثل الحلم والحمدلله اخيرا شافت رشوود واخيرا ردلها حبيب القلب ودام انه على طول يا وكلمها معناته انه خلاص يباها اكيد ومقرر اكيد ياخذها ..
تلومت انها ما خلته يرمس ويقول شو في خاطره..بس قالت ما عليه لو يباني اكيد هله بيرمسون …
وتمت تطلع من فكره وتدخل فكره لين خذها الرقااااااااد وارقدت ….
انتظروني والحلقه الثالثه
بس مب جنـــه في صورة خادشـــة للحياء !
متـــــــــــــــــــــابعين…………………. …………
متـــــــــــــــــــــابعين…………………. …………
