شخباركن يا حلوات ؟
كل عام وانتو بخير و عساكم من عوّاده
و بما انه ما باقي غير يومين عن العيد قلت بخبركم عن ماسك طبيعي رهييب ^_*
اخر مره كنت سايره القرية العالمية دخلت القرية المغربية و حصلت منتجات مغربية طبيعة للجمال والعناية بالبشرة
و سمعت واايد عن الطين المغربي و فوايده عشان جيه اشتريت من عندهم طين أبيض طبيعي + ماي ورد مغربي ..
و نسييته ما استخدمته بس من فتره طلّعته و قلت بجرب لان بشرتي تعبانه كالعاده و معاناه مع الحبوب الصغار والدهون والرؤوس السودا !
المهم حطيت ملعقة طعام طين مغربي ابيض + ملعقة طعام حليب طازج + ملعقة صغيرة ماي ورد بااررد
و هاي صورة الطين الأبيض من قرييب
يوم تخلطينهم تكون الخلطه ساايله مثل الماي ..
بس عادي حطيها على ويهج بالتساوي و بعد ما تنشف بتستوي شرات الماسك و بتحسين ويهج مشدود بالقو لدرجة انج ما تقدرين ترمسين 
لازم تخلينها ساعة كاملة و تنسدحين يعني ريلااكس و لا ترمسين وايد خخخخ لازم عضلات الويه تكون مسترخيه هههه
و بعد ما تغسلينها هاتي قطنه حطي فيها ماي ورد بااارررد وامسحيها على ويهج او مكعبات ماي الورد المثلج ..
و بتشوفين النتيجة الفتّاكه و السرييعة من اول مره !
الصراحة نظاافة و بياض و شلت لي الرؤوس السودا و تمتص الدهون من البشرة و حسيت ويهي نظيف و صافي و مشدود كأني مسويه فيشل ^.^
ان شاء الله تستفيدون منها و مابا منكم غير دعوة طيبه في ظهر الغيب
واذا تبغين فايده اكثر عقب الماسك امسحي ويهج بقطنه مبلله بالحليب الطازج واتركيه نص ساعه عقب اغسليه
الحليب بيثبت مفعول الماسك ويمد البشره بالرطوبه بدرجه تخلي بشرتج نديه وايد وبتلاحظين هالشي على طول لو استخدمتي المكياج
و الطين عني بس كنت ابا اعرف كيف استعمله و مشكووره حبيبتي
الله يحققلج يلي تبينه
اللي تعرف تراسلني ويزاها الله الف خير
سوري بس تعبنا من هالدعايا الفاضيه
من متى خاطري ف الطين المغربي ودااار راسي وانا ادوره بالجمعيات
يعطيج الف عافيه .. واتكون بشرتج مشرقه وحلوة دايما ..
