صبــــــــاح الخير لأحلـــــــــــى كرووووشات
فديتكن خواتي أنا دخلت تقريبا ف نص الخامس وأعاني يوميا من قلة الرقاااااااااااااااد
يعني انا ما ارقد وبطني مليان بالعكس اتعشى من وقت واكون ع السرير ع الساعة 9 الفليل واحاول ارقد بس للاسف اتم جيه لين الفير
عاد انتو اتخيلو انا اداااوم واسير الدوام وانا سهرانة
يعني رقادي يكون بس ف النهار لان الفليل عيوني مول ماتغمض
وجربت اني اشرب حليب دافي ونفس الشي ما ياني ارقااااد
وجربت اتسبح بماي دافي قبل ما ارقد ونفس المعاناة
وايد تعبانة من هالشي
منو عندها الحل المناسب لمعاناتي وبدعيلها من كل قلبي
دخيلكن خواتي
طبعا انا اضطر اني ارقد ف النهار لاني ارد من الدوام هلكانة
وجيكت ع النت لقيت ان الحامل ف الشهوووور الوسطى تعاني من قلة النووووم … بس عاااد لين متى والله تقريبا شهرين وانا ما ارقد ف الليل ….
شو الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وانا بعد نفس الحاااااالة.. عااااااد بالذات اني متعودة ارقد ع بطني خخخخخ
والله عذاب الصرااحة.. ما اييني رقااد. او ارقد ساعة وانش..
الله يعينا 66
حاولي من اييج الرقاد ترقدين .. ولو اتعودين عمرج من عقب صلاة العصر اتحطين راسج و ترقدين لين المغرب .. ووو حاولي انج اتريحين عمرج حطي موسده امبين اريولج .. أو مثل اللي بالصورة .. أنا واايد ريحتني ابصراحـــه .. اصبري و الله يآجرنا و يآجرج
متعوده ترقدين ع بطنج او بطريقة معينه وبحكم انج حامل الحين ماتقدرين
انا يوم مايجيسني رقاد احط مخده بين ريلي ولاتمين اتفكرين وتحاتين انج ماترومين ترقدين عادي تمي من الساعه 9 وبييج الرقاد صدقيني
المشاركة الأصلية كتبت بواسطة m@rzouqia 
وانا بعد نفس الحاااااالة.. عااااااد بالذات اني متعودة ارقد ع بطني خخخخخ
والله عذاب الصرااحة.. ما اييني رقااد. او ارقد ساعة وانش..
الله يعينا 66
اوووويه يعني في حد شراتي …. فديتج والله
اكيد عيونج تورم ع الصبح شراتي خخخخخخخ
والله حرام تعب تعب تعب
مستويه خفاش
مارقد غير ف النهار ورقادي بس 5 ساعات
ما خبرتينا شو سبب عدم ارتياحج هل لأنج متعودة ترقدين على بطنج؟ اذا جذه حطي بين ريلج مخده و ارقدي لأنه الحامل تعاني من الضغط على منطقة البطن فالرقاد على الجنب مع وضع شيء مريح بين الرجلين يخفف الضغط
و اشربي لبن فرش قبل الرقاد بدال الحليب يمكن يساعد
و خففي من السوائل فليل عشان تقللين حاجتك لدخول الحمام
المشاركة الأصلية كتبت بواسطة Fafi حاولي من اييج الرقاد ترقدين .. ولو اتعودين عمرج من عقب صلاة العصر اتحطين راسج و ترقدين لين المغرب .. ما باليد حيله
عاد كل رقادي بيكووون ف النهار ؟؟؟؟!!! تعب والله
مشكورة فديتج ردج عيبني
