مجوهرات المطلقة

مسا الخير خواتي شحالكن ..

البنات اللي يشاركني نفس الألم ( الطلاق ) …

حبيت اساألكن بعد إتمام إجراءات الطلاق و رجعتي لبيت هلج او تميتي بيت بروحج
شو سويتي بمجوهراتج و ذهبج .. ؟

انا عن نفسي خليته عند أمي الله يحفظها لكن ما اقدر ألبسه ابدا .. خصوصا طقم العرس الرئيسي و طقم الخطوبة طايح ف الخزنة لا اقدر ابيعهن لأن ما بييبن لي شي و لا اقدر ألبسهن من الغصة

اما عن دبلتي .. بعتها بـ5000 مع انها تسوى اكثر و اشتريت بالمبلغ هدية لأمي فديتهاا ..

فكرت اني اخذ الاطقم الكبيرة عند صايغ اسوي لهن إاعادة تصميم بدل ما أبيعهن و اخسر فيهن وااااايد
يمكن لي سويت جي أقدر ألبسهن مرة ثانية ….

خبرني عن تجاربكن و السموحة ..

يا رب ترزقنا الأزواج الصالحين قرريب

الله يرزقج الزوج الصالح ان شاء الله

الله يعوضج خير يا اختي

انا ملبستهن وانا عروس بالبسهن وانا مطلقه ههههههههههه

في الخزنة ذخر لي ما نعرف شو الزمان يخبي لنا

والعوض قدام ان شاء الله ههههههههههه المرة الياية عسى الله يرزقنا رجال من ذهب

الله يرزقكم بالزوج الصالح لعلو خير

بالنسبة للدهب اختي لاتبيعينو الدهب نازل كثير بتخصرين اكثر من نصف السعر الاصلي

احس المجوهرات سواء مطلقه و لا متزوجه ما افضل انها تنباع ..
لانها ذخر و بعد بتكشخين فيها في مناسبات وجي ..
يعني اوكي اذا تخلينها عندج الا اذا تذكرج بشين الحلايا و انتي كارهتنه .. تبيعينه و لا الارف النفسي ..

انا اجوف الوحدة تبيعهم و تبيع كل شي يذكرها بالماضي
بس دام الذهب نازل خليه و يوم يرتفع بيعيه

آلحمدلله بيعني إياه قبل لا يطلقني. و بقى. طقم خفيف بعته
وشريت لي لبس يديد