محتارة بين جامعة ابوظبي والتقنية

السلام عليكم ورحمة الله وبركاته
خواتي ممكن تخبروني شو الافضل جامعة بوظبي والا التقنية ومن اي ناحية افضل

up up up

ليش ما في رد

السلام عليكم ورحمة الله وبركاته

شوفي غناتي .. الاثنين اوكي

الانجليزي في الجامعة اقوى من التقنية وهذا من تجربه ..

التقنية مجانا وجامعة بوظبي كلها بيزات × بيزات .. بس بمسألة الراحة الدراسة فجامعة بوظبي احسها أريح

ترتيب دوامج يكون حسب مزاجج .. غياباتج مب محددة ومنربطة بالطرد او غيره ..

التقنيه يبالج تشدين حيلج فيها من البدايه .. عشان اذا مثلا كنتي دبلوم عالي ما ينزلونج دبلوم

طبعا هذا يتوقف حسب درجاتج في المواد او اذا كان شي رسوب ..

جامعة بوظبي تتخرجين فيها بشهادة بكالوريوس .. اما التقنية بدبلوم او دبلوم عالي ..

والشهادتين حلوات بس البكالوريوس منطقيا افضل ..

في مشروع في الجامعة ممكن تحصلين منه على خصم عندهم ..

وطبعا الدراسة بالجامعة مكثقة اكثر من التقنية ..

هذا اللي يحضرني حاليا ولو متحايه اي شي انا في الخدمه ..

واستخيري اختي .. ترا ما تدرين وين الأخير لج في النهاية ..

الله يوفقج ويسهل عليج ان شاء الله

والله انا اشوف التقنية احسن

من ناحية لغة و من ناحية تخصص

لان تقنية بوظبي فيها تخصصات حلوة

و جامعة بوظبي ارتفعت عليها الشكاوي آخر الأيام

والله انا اشوف التقنية احسن

من ناحية لغة و من ناحية تخصص

لان تقنية بوظبي فيها تخصصات حلوة

و جامعة بوظبي ارتفعت عليها الشكاوي آخر الأيام

نفس راي الاخت ….