مدونتي الخاصة

مرحبا انا مكانه في قلبي سابقا حاليا شواخي او شويخ مثل ماتحبون
رجعت للمنتدى الغالي بعد غيبة ورجعنا لها القسم بايامه الحلوة والجميلة وذكرياته الاحلى مع العضوات
رجعت عشان ابدأ من جديد ومااستسلم مثل كل مرة
من اليوم ببدأ اطرح عليكم يومياتي الخاصة بالدايت بحلوها وبمرها وبشارك معاكم واتريا تعليقاتكم وانتقادكم لي واتقبله

البداية بسم الله الرحمن الرحيم

الوزن :- 83.5
الطول :- 166

اتبع نظام مركز الريم للرشاقة برأس الخيمة … تابعوني عشان تعرفون نظامه

ان شاء الله توصلين لهدفج

بالتوفييق . .

بتشجع معااج

وزني اليوم الصبح 86.1 ليش انا بقول لكم ليش .. لاني اتعالج عن الاعصاب وعندي رهاب اجتماعي من الاثار الجانبية لدواء الاندريال زيادة كبيرة في الوزن عادي توصل 5 كيلو اسبوعيا وخمول في الغدة الدرقية او كسل ولي تجربة سابقة معاه فاني اخفف وزني واسوي دايت مع الاستمرارية فيه لكن للاسف كل مرة افشل هالمرة قررت اوقف الدواء انا انسانة كاملة ليش اخاف من الناس واستحي لازم اواصل حياتي وانا مابتم طول عمري اخذ عشان اتجنب خوفي من الناس .. من اليوم قطعته وبصارح اخصائي التغذية اللي اتعامل معاه بخصوص الزيادة
وبستعمل القسط الهندي وحبة البركة مع عسل السدر الاصلي
وكوب زنجبيل قبل النوم

البداية اليوم لقبل رمضان بيوم باذن الله بغير نظامي

قبل الريوق :- حليب قليل الدسم مع نسكافيه وغرشت ماي
الريوق :- خبزتين مع بيض وجبن وخضار مع عصير اناناس خفيف السكر
سناك :- شاي اخضر بدون سكر ولبان بدون سكر