اشحالكم وشخباركم ..
كثرماقريت مشاكلكم والحلللوول المناسبة لهاا تاكدت اني بحصل حل لمشكلتي..
فالبداية بخبركم باسااس المشاكل..
نحن ثلااث خوااات باقيات وعندنا اخو مب معرس بعده واخو معرس وحرمته ساكنه وياناا وثلاثه معرسين بس عايشين برع البيت.. وامي منفصله عن ابوي من فتره طوييله ونحن عايشين وياهاا وابوي طبعا مستقر بحياته بس مب ناسيناا دومنا فباله يسأل عناا ويصرف علينا..
والحين بقولكم مشكلتيه…
عندي امي بس هذي مب ام هذي عدوه ادري بتستغربون من هالكلمه وايد تسوي مشاكل وكل شي وتسب وترمس تحب الناس الغرب ونحن عيالها ماتحبناا مرات احس ان قلبها طيب بس هالشي نكتشفه عقب بس اذا صارت مشكلة الله لايراوييكم .. ماتخلي شي يعني حتى لو تقولوون ان حد من عيالج بيموت بتقول عادي الله يرحمه.. وماتحب تشوف حد مستاانس تحب تسيطر ع كل شي.. وااااااااااااااااااااااااااااايد تكذب( سوري على هالكلمه) حتى لو هالشي شايفتنه بعيوني بتكذبج وبتخلي عمرها الصادقه…
واايد صارت مشااكل وابوي كان بياخذناا نعيش عنده لانه ماتحمل الكلام الي امي قالته عناا حتى فشرفناا تتكلم.. وتتضاايق اذا شافتناا مستانييييين..
هذي مشكلتناا ويا امي..
الحين بقولكم مشكلتنا ويا اخوااني… طبعا الي معرسين ماعداا وااحد حليله فحاله وطيب ..
هم ماشاء الله مايخلون مكان ويا حريييييييييييييييييييييمهم حتى المقاهي يسيرون وييلسون ويااهن… بس نحن اذا سرنا مكاان الله لايراويكم يحتشرون وحالته حاله ويعفسون الدنياا..
اخوي العود وايد مشكلجي بس حرمته فحالهاااا.. واخوي الثاني مايصدق يحصل مشكله وحرمته الله لايراويكم مشيتنه ع كيفيهاا وشايفه عمرهاا لدرجة ماتتخيلونهاا تقولون بنت شيخ مب كنه خذاهاا وهي عمرها ماظهرت من بيت اهلهااااا وكانت هي الي شايله البيت تنظف وتسوي كل شي وحتى العزاايم ماتسريلهااااااا ..( لدرجة من كثر ماهي مشيتنه على كيفهاا صار يكره خواني ويذمون الشي ويسيرون يسوون نفسه)
اما اخوي الي هو معرس وساكن وياناا .. صح انه طيب بس حرمته احسهاا غير يعني هي كانت تعرف حرمت اخوي الي اكبر عنه قبل يعني كانوا رباعه واحس ان في طبعهاا نفس طبع هذييج … مايعيبهاا شي وشايفه عمرهاا والله لو اقولكم كيف كانوا عايشين قبل لايعرسون يمكن ماتصدقون والله ان حتى تلفزيون ماشي..
وعلى اتفه الاسبااب يحاول اخوي يظهر من البيت…
والمووت مانسوي شي انا وخواتي الى يقلدونا فكل شي… والله يوم اتم اسولف انا وخواتي قبل لاناام والله انا نكسر الخااطر..
مااندري شو نسوي او شو هو الحل….
احس حياتناا غيييييييييييييييييييييييييييييييييييييييييير ياترى فيه ناس عايشين نفسنا ولا بس نحن..
ووالله لو حد يشوفنا بيقول هذيلا عايشين في احلى عيشه.. بس محد يعلم شو فخاطرناا..
احس انه بيينا حاله نفسيه من كثر التفكييييييييييييييييييييييييييييييير
السموحه ادري اني طولت عليكم بس فخاطري احصل حل ..
شي وايدين مثلج ويمكن اتعس في بنات يشوفن امهاتهن يزنن امج عصبيه والظاهر قاسيه يمكن من قساوه الزمن واهلها عليها
تصبري وكله اجر لج ولخواتج
بس بعد الحمدلله عندكم ابوي طيب ويحبكم والله يعطيه طولت العمر
وامج الله يهديهااا اكييد معصبه من ابووج وانتو العيال اتذكرونها بابوكم الي خلاهاا
ومشكله حريم اخوانج هالنوعيه من البنات والله تضحكين عليهم لانهم يوم كانو في بيت ابوهم مايروم يكسرون كلام اهلهم بس من يعرسون اتحس الوحده انها ملكه وحرة نفسها ومحد يقولها شي لانه عندها ريل تقدر اتزن واتحن عليه ومايردلها طلب مهما كانت لانها حرمته وام عياله
يعني الغاليه انتو تعرفون شو كانوا حريم اخوانج في بيوتهم لاتحرقين اعصابج لو شفتي عليهم شي بالعكس قولي فنفسج انتي شو كنتي بالاساس ووصلتي اهني من اخوي وكبر راسج .. خليج ريلااااااكس اضحكي من داخلج والله
وبعدين كلنا بشر ومن تراب خخخ
وبخصوصكم الغاليه صبروا والله بيعوضكم بمعاريس صالحين وزينين عيشوا حياتكم ومب لازم تسوون مشاكل عشان اشيا مالها داعي سينما كوفي
مردج بتعرسين وبتسيرين ويا ريلج .. هذيله اخوانج يبون يحافظون عليكم ومايبون حد يقول والله شفنا اهل فلان في الكوفي ولا سينما ولا ولا ..
والله يفرجهااا ان شاءالله
الله يعينكم اختي
