شحالكم على قولت اهل الامارات
انا كويتيه ساكنه الامارات تو مع زوجي وعيالي
في مشكله يابنات صارت لي من بعد ولادتي
جتني حاله هلع شديد وخوف رحت للطبيب ومافي شي الحمدلله ضيقه مو طبيعيه احس ان الناس كانها حلم تروح وتجي ولا وعي باللي حولي قالو فري صبخت راسي قالو معده كليت ادويه جرثومة ولا خليت شي
المشكله يابنات اني بعد النفاس هالحاله ملازمة فيني حب العزله رهاب اجتماعي كل احس اني راح اطيح اتلعثم بالكلام اخاف من الدوام تصورو صرت ماداوم ولا اركز بأحد* احس الناس كانها حلم ولافي شي يفرحني مع اني مؤمنه وشاكره وحامدة ربي
وطول ما انا بوسط الناس ع أعصابي بس ودي الناس تروح او ارد بيتي والله يابنات انا كنت إنسانه قويه اجتماعيه لساني حلو وجريئه* ومرحه
انا معلمه وزوجه ناجحه وام ي رب لك الحمد
ودي اعرف شنو هالحاله اللي فيني مادري انا وفيت حقها بالشرح او لا بس فعلا انا الحين احس بضيقه وملل من عمري كرهت نفسي وطول الوقت خامله وتعبانة كله احس بموت حتى اللي يشوف وجهي يقول شهالكئيبه* واعيش في قلق دايم بس ودي اهرب من شنو مادري ساعات افكر اروح طبيب نفساني ورحت استشاريه ومدربه وقالت هذا حاله تجي للامهات وارتحت لها وقالت هذي انفجار من ظروف مريت فيها اضافه اني من ناحيه الرقيه والعباده الحمدلله وماطوف حصن المسلم
تكفون في احد صارله نفس حالتي مع العلم لي الحين من ولادتي سنتين ولا خفت هالحاله والله حتى عيالي مو حاسه فيهم رغم اني حملت عقب بطي وسنين حرمان
احس نفسي مريضه واي مجهود يرهقني ولاني قادره اقدم خطوة
والله يابنات احس ساعات عقلي بيطير مني واكره اطلع من بيتي احس بخوف وان طلعت طول الطلعه متخوفه
مدري من الضغوط والظروف والغربه
انصحج بقراءة سورة البقرة يوميا،، داومي عليها والله لها فضل عظيم
وبعد انتي بروحك تقدرين ترقي نفسك حطي الرقيه الشرعيه من العن والحسد بسماعه الاذن ويوميا اسمعيها
بس لا تقطيعها استمري وقت طويل عليها كل يوم بتحسين انك احس من اليوم الي قبل بأذن الله
مممممممممم هذا يمكن يسمونه اكتئاب مابعد الولاده بسبب خلل في الهرمونات يمكن
اتصور محتاجه طبيب نفسي مب مستشار عشان يوصف لك ادويه اللازمه للحاله
بس!
والعلم عند الله
لان الوصف مالك هو اكتئاب واذا انتي اكيد مب معانيه من ضغوطات او مشاكل من قبل معناها الحاله طبيه يعني ادويه وتنعدل الامور
والخوف الجسم يطلعه عشان الجسم يرتاح من الضغوطات يعني حالة هلع في ناس تجيهم حالة بكاء شديده فجاءه
ويركضون ويصارخون السبب الضغط النفسي
بس انتي اتصور اكتئاب مابعد الولاده عشان الحمل والولاده تسوي اتصور ضغط نفسي وجسدي كبير
لكن الله يشفيج ويعافيج
ويردج مثل واحسن ..
دوم اذكري الله وكثري من الدعاء ولو تقدرين سوي عمره
تغسل القلب وتريح النفس باذن الله
والله يفرجها ع الجميع
او خلي شيخ يقرا عليج. هذا مس والله اعلم
وان شاء الله ماتشوفي شر