الوسم: الحين

المهم يوم تشوفين نفسج فاضيه اعزمي ربيعاتج مب شرط يكونن معرسات او اعزمي خواتج ليله عندج مافيها شي

او استغلي غياب ريلج فترتيب نفسج وبيتج وايد اشياء ترومين تسوينها اوتدللين نفسج بماسكات و مساجات الخ

بس بعد تقدرين تدخلين عيالج حضانه وفي فترة وجودهم فيها سيري معهد أو شي تعلمي شي أو دوره تفيدج وبعد هناك بتتعرفين على بنات وجيه بس أهم شي تشغلين وقتج

أنا ماخليت دوره ماخذيتها ونص ربيعاتي متعرفه عليهن في دورات أو جمعيات نسائيه وما أحس بملل مول شو رايج ؟

اهتمي بنفسج وبجسمج .. وسوي شي يفيدج اشتركي ف نوادي للسيدات .. خذي دورات تعليميه .. طوري من نفسج لا تمين قاعده ف البيت .. وبنسبه لعيالج اهتمي فيهم وحاول تحطينهم ف مراكز للتعليم وتحفيظ القران وطلعي معاهم الحدايق والاماكن العامه ..

الغاليه بالعكس عندج الف شغله وشغله تسوينها

الحين ريلج بيقوم يداوم

و عندج العيال اللي بيسير المدرسه الله يحفظه واللي بيتمّ زين

ممكن ترقدين ساعتين عقب ما يروحون

تنشين ترتبين الحجره

تغيرين استايل مكان او زاويه في البيت

وعقب جهزي الغدى او اشرفي على الطبخ و حاولي انج تنوعين في السلطات

وتقدمين الاكل بطريقة يديده

و عقب جهزي عمرج …تسبحي و تعطري

و بهالشكل بيكون اشغلتي نفسج … و عايلتج برتاح أكثر

و ممكن تسوين جدول وترتبينه … و تسوين يومين للأسبوع تروحين فيه للجمّ …. او تشتركين

في نهضه النسائية …اعمال يدويه مرتين في لاسبوع

احسّ وايد اشياء ممكن تسوينها

بس انتي ايلسي بينج وبين نفسج وشوفي شو تبين

مثل انج تتعلمين اشياء ما اتعلمتيها من قبل

حاولي انج تدخلين معاهد اتعلمين

حاولي ادشين نوادي

يعني من هالامور اللي اتسليج

وا حيانا ادخل ع المنتديات

واسير مدارسهم

اسير السوق

يعني كذا شغلة

بس اكثر شي

رقاد والمنتدى ———— لين الله يفرجها واشتغل

خخخخخخخخخخخخ

كيف حالكن يا الطيبات؟؟؟

دايمن يكون شي في خاااطري ولا اقدر افظفظ حق احد .. ماعندي ربيعه أأمنها على اسراري.. ولا اقدر اقول حق امي تتم تهويس بي و تفكر فيّه … علشان جيه ابغي اظهر كل اللي في خاطريه واتكلم .. لاعت جبدي …
من تزوجت صارلي 4 سنين .وعندي بنتين ( ربي يخليهن لي ) الاولى ثلاث سنين ونص والثانيه توها بتكمل السنة ….ومن دشيت بيت اهل ريلي لااااااااااااااااااااحظت اختلاااف كبير بين اهلهي واهلهم ….
اهلي غير ولله الحمد والمنه والفضل … يجتمعون مع بعض ويشاركون همومهم مع بعض . ويخافون على الغير ويحاتون الشخص اللي معاهم … امي ملاااااك طاهر يمشي على الارض .. عمري ماسمعت منها كلمه وحده تجرح مشاعري , وتخاااف عليه حتى من الصدااع الخفيف ..القاها دايما بجنبي … اشعر بحنانهم , بحنان الاب والام والاخواااان.. اخواني دايما يحسسوني باني صغيره ويهتمون فيه ويدلعووني ومايحبون يزعلوني … دائما حتى لو صارت بينا مزحه صغيره … يجون ويستسمحون مني على بالهم اني زعلت من مزحههم .. لا خليت منهم ,,,

واهل ريلي طيبين بعد. لكن ماتجمعهم رابطة الأسرة والعايلة …كل واحد عايش حياته .. قليل مايجتمعون …وبكرهم اللي هو اكبر عن ريلي مزوج وعنده 5 اولاد ماشاء الله ….والصفه اللي في اهل ريلي واللي اكرههاااا انهم يطنزووووون واااايد .. ويتمسخرون على ابسط شي … تعالي وغلطي بس في حرف واحد شوفي كم من طنازة ومسخره راح تحصلينها ..لا وبعد يذكرونج بها وينشرونه ( مايسترون عليك ) ..هذا يظحك عليج وهذاك يطنز… لين ماتمين تفكرين في الجمله اللي بتقولينها عشر مرات قبل لا انطقهااا ….
بنتي ماسلمت منهم .. بعدها طفله وماتيب بعض الحروف عدل .. تنطقهن شوي غلط … تموا يحطون عليهاا ويطنزون … والله انه حتى تميت ما ابغي اشلها معايه صوبهم ….والاحظ بينهم تفرقه وااايد وخصوصا من عمتيه ( جدة بنتي ) دايما تحب عيال ولدها الكبير وتلوا عليهم وتبوسهم وتحظنهم … وبنتي انا مجرد سلام عااادي …. دايما المدح حق ولد ولدها وبنتي لو بتعق المخده احتشرت شوهذا ؟ علميها البنت ما تسوي جيه ؟( ما ادري انا شو شغلتيه في البيت ) ونحن ربينا ولازم تربن بناتكن شكلنااا … زهقت لدرجة اني ما ايلس عندهم وايد … واللي كاسر خاطري انه يوم يتمسخرون على بنتي ابوها قاااعد وفااااتح حلجه من الظحك ولاهمه بنته … ليش ما يحس شراتي ؟ ليش مايسكتهم ولا يقولهم هاذي صغيره حرام عليكم ؟ ؟؟ ولا انا حساسه اكثر عن اللزوم ؟؟؟ ما ادري شوبلاني …؟ كله مظايقه واحس بنقص عااااطفي كبييييييييييير والله العظيم اني اكتب لكم ودمعتي في عيني … ما ادري شو اللي فيني … والله يوم اسير بيت امي الااحظ اختلاف وايد … امي تحظن بناتي وتفرح بهن وابوي كل ساعه يجي ويبوسني يقولي وحشتيني …. واخواني كل واحد من صوب يالسين عدالي يظحكون معاي ويحسسوني اني انسان وليه مشااعر ….

ادري طولت عليكم لكن هذا اللي في خاطري وحبيت اظهره لكن والقى منكن الكلمه اللي تجبر الخاطر …

الله يعين الجميع .. و تحملي وان شاء الله تطلعين بيت ابروحج .. وترتاحين .. و عليج بالدعاء والصلاه

ونسكت لان اي تعليق بسيط ( على اهل الريل ) يزعل ريياييلنا منا ……….

والله الفروق اللي ذكرتيها بين اهلج واهل ريلج بسيطة تعالي وشوفي الفروق اللي بين اهلي واهل ريلي انا

والله فرق السما والارض … من ترابط اسري من طريقة التفكير من المستوى الثقافي .. خليها على الله

بس مع جي انا ما انظر لام ريلي الا انها ام وتستاهل الاحترام والحب والتقدير هي وابو ريلي اما الباقي

سلام في المناسبات.. ( من باب صلة الرحم )لا اكثر ولا اقل ..

على العموم وسعي صدرج يالغالية ولا تتكدرين وقولي لنفسج انا ما بستوي حساسة وعلى كل كلمة بزعل

واذا اي حد تم يعلق على بنتج وطريقة كلامها قوليله بلطف ما يصير تضحكون على الياهل وجي مرة بعد مرة

بيغيرون هذي العادة فيهم ..

الصبر يالغالية الصبر ما في احسن عنه …..

الله يوفقج ويحفظلج بناتج

والسموحه ..

لان في ناس تحب تتطنز ع غيرها لكن ما تحب حد يجرحها ابد

فعامليهم بالمثل

ولا تعطينهم مجال يضحكون ع بنتج وفهمي ابوها ان اهله اذا استمروا ع هالحال معاج فانت ما بتسيرين لهم الا في المناسبات ولمدة سويعات قليلة

لان اللي ما بيحترم مشاعري ما عندي استعداد ايلس وياه

الله يهديهم

اختي ام هيااااااااااااا……….. انتي اولا واخرا حسااااااااااااااسه وايد……….من طرية كلامج مبين هالشئ ……. الحلو فيج انج حابه تفضفضين عندنا …..خذي راحتج……بس بعد نحن مابنقولج الله يعينج وسوي جيه وسوي جيه…. لازم نشوف حل عشان ترتاحين انتي ………صح ولا لا

شوفي دايما اقول لنفسي واذكرها بالايه الكريمه (( انك لاتهدي م احببت ولكن يهدي من يشاء)) يعني مساله سكوت ريلج علي يصير مساله اصلا عاديه… هاي اسرته وهو ربى على هالشئ .. جو كله تعليق وطنازه …..بس هم يشوفونها دعابه وخفة دم يعني لا تلومينهم ابدا…..
انا اعرف ناس من كثر مايحبون يعلقون ويطنزون حتا اعمارهم ماسلمت …يعني لو مالقو شئ مايعلقون عليه بيعلقون على اعمارهم..هالشئ اكيد حاصل في اهل ريلج …. انتي حاولي تشوفينها من باب ثاني .. يعني ريحي اعصابج علاخر… خصوصا يوم يعلقون على بنتج تراها بنتهم بعد …لاتنسين اذا انتي حاولي تعقدين الامور بينج وبين هل ريلج عادي يقلبون عليج ومايشوفون اي داعي للسوالف وياج او ويا عيالج …انتي روحج محسسه من مساله عمتج ويا تعاملها ويا عيالج اتقولين انها تتعامل معاهم بطريقه غير………. جربي عيالج منها اكثر … واتقربي من هل ريلج من غير ضغط ولا نرفزه …حسسي ريلج انج انسانه تحب المرح …اعرف هالشئ مب طبيعتج… بس هالي الله كتبلج اياه انج تعيشين مع ناس جيه ……. وريلج لا تضغطين عليه من هالناحيه…لانه مب بايده الا انه بس يحاول انه اول مايشوفهم يعلقون عالبنت يركض لبنته ويحضنها جدامهم ويبن الهم انه هيه عنده بالدنيا وطاف لاي تعليق من تعليقاتهم من دون ضغط .. من دون نرفزه… من دون عصبيه ولا زعل وجيه بتمشي الامور بس انتي هونيها وبسطيها لنفسج ياالغاليه

انا عندي فستان حلو بطرشلج اياه عالخاص

واذا حابه ع ذووقج او شي معين ممكن تفصلين عند هزار ولا اروشي في جميرا

وعندج بعد المصمم حموده كفارنا في مركز الهنا ..

وفي فريج المرر وايد خياطين ومصممين وايد روووعه خياطتهم ..

بس ليش ماتشترين جاهز حلو انا اشتري فساتين جاهزة من البستان والمنال وايد حلو شغلهم

وعندج حمر عين فيه فساتين لمصممين وايد رووعة ان شاء اله البنات يفيدونج

واذا تبين شي عادي وبعد حلو في مركز البستان في دبي حق الفساتين الزاهبه والقطع عندهم قطع روعه
وبعد حمر عين ومركز المنال صوب السوق نايف في دبي

ولدي عمره ثلاث سنوات ومن خمس شهوووور وانا اعلمه عالحمااام لين الحين ما يقولي ابا اسير الحمام يسويها فعمره يكون سرحان فاللعب ولا الرسوم ويسويها على عمره العوده كان زين يسويها فالحمام ما ادررري شو ياه من اسبوع رجع يسويها على عمره ييياربي شو اسوي فيه هيلب مي انا البسه الحفاظ الفليل يمكن عشان جي يعني اشله عن نهائيا

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

خواتى بغيت الرقم الى من خلاله اقدر اطرش بيت شعر لموبايل ثانى

لو عندهم موقع على النت احس بعد

علشان اشوف شو القصايد الى عندهم

محتاجه الرقم او الموقع الحين

خلالالالالالالالالالالالالالالالالالالالالالالاص انتهى الوقت

اسمحيلي..

اخيرااااااااااااااااااااااااااااااااااااا حد عرف

مشكووووووووووووووووورة

بقولج تجربتي انا بناتي احلقهن في السابعه ويوم يكملن 6 ستور ارجع احلقهن بالمواس يعني مرتين والله الحمد والشكر،شعرهن حلوو وكثيف..

نصيحتي لج حلقيها ما دام انها صغيره ،وكل يوم سبحيها بيطول شعرها بسرعه…وعندج الموس ممتاز يكثق الشعر وما يخلي فيه مسامات..

وربي يوفقج ان شاء الله.

يمكن كل مره انتي تسكتين عنه عشان جذي يتمادى

لازم تيلسين وياه جلسة مصارحة (في الوقت المناسب)
وتكلمينه بالعقل : ليش يسوي جذيه ؟
هل في تقصير منج ؟ والا ما يلقاج مرغوبة ؟
اسئليه كل اللي في خاطرج وحطي النقاط على الحروف

ياتعقون عيالكم على الخدم ولا اهل امج ولا اهل ريلج .. الي يألمني الانانية الي مستوية .. تراكن محاسبات امام الله شوفن عيالكم وحترموا امهاتكم وعيالكم لاتمون تفلسفون اعيش حياتي اوين مع ريلي زين حبيبتي في ناس تعبوا عليكم يبون يرتاحون لا يكون على بالكم العرس كتشات والخ عنبو عيالكم كيف يتعلمون منكم سرتوا سوق حطيتوهم سرتوا عيادة هم بعد حطيتوهم سافرتوا هم بعد حطيتيوهم وتقولون بعدين ولدي او بنتي ماعرف شفيهم يا تلاقون خدامة تضربهم ولا حد يضربهم او الله اعلم شو يسوون بهم

تعرفون تلاقيت ويا حرمة قالت اليوم حرمة ولدي غيبت عيالها قالت بغيبهم بوديهم دبي للعلم فقط الحرمة ماسكه عيال حرمة ولدها لا وتخليها ترقد بعد ماتيي للدوام .. للأسف مع ضمن الكلام عرفت انها ماتعرف انه عندهم اجازة تمت يحليلها ساكته جنها تقول ليش تخبي عني وانا زاخه عيالها؟!! تعرفون شو ردت الله يهنيهم .. وربي انقهرت بقمة الحقارة والانانية والنذالة نفوس وصخة وصخة

طبعا هالفئة من الحريم مب حريم

للعلم فقط اذا انتن تملن من عيالكن وتتأففن لاتلومون غيركم

اللي بقوله كل راع مسؤلا عن رعيته

اللي مب قد المسؤليه تستريح ههههه وفعلا اللي قلتي صح …وواقع نعيشه

شو نقول بس الله يعيننا ههههههخخخخخ

واخر شي اقول لفئة هالحريم وياكثرهن هههه حشرتونا بعيالكم الله يحفظهم

خلونا نرتاح ملحقين على العيال يوم بعرس بيبهم عن اللي كانت تحط عيالها عندي ههههههه ابا ارتاح مثلكم خهههههههههههه

نقطه مهه عشان نكون منصفين حبيبتي

الحين اللي تروح المستشفى او تروح السوق او مكان تقضي فيه شغله مهمه وعندها ماشاء الله 3 او اكثر من اليهال كيف توديهم معاها بذله يختي الله يعين في هاي معاها حق تحط اليهال عن اهلها

بس اللي مالهم حق فيه يوم تروح هي ورياها يستانسون ويخلون اليهال انزين وعيالج مالهم نصيب فهالوناسه ياماما . اهنيه الانانيه وشعور الامومه تروح عشان وناستكم انتيي وريلج ياعروسه ,,, الحين عصبت هههههههههههههههه

اشكرج مره ثانيه على الموضوع

نحن الأمهات نتعب من عيالنا فما بالكم بالغير حتى الخدامه لا تأمنون لهم

احيانا نبا نطلع نتفري مع الريل او نخلص مستلزمات البيت ومواعيد المستشفى بدون صدعت اليهال لانهم يعطلونا عن اشغالنا مرات

بس هذا مب دليل ان امه ما تحبه وما تهتم فيه بالعكس أحي ام ريلي الله يحفظها لنا وايد تستانس يوم ايونها الصغاريه وما تقصر معاهم فديتها