بنات انا عندي مشكلة مع الكيك ، واتمنى القى الحل عندكم..
مشكلتي انه الكيك والحمدلله يطلع مضبوط في اي طريقة اسويها وطعمه وايد حلو لاني اتبع كل التعليمات بالحرف والواحد لكن المشكلة انه سطح الكيكه يطلع فيه نفس النقط الصغار يعني مب انتفاخات مجرد نقط غامقة اللون ( على قولت اختي الضغيره جنه فيها جدري الماء خخخخخخخ ) .. ، قلت يمكن الغلط اني استخدم سكر حبيبات ، جربت اسوي الكيك مرة ثانيه بالسكر الناعم اي المطحون ولكن المشكله لازالت …
اتمنى انكم فهمتوا علي و اتمنى انكم اتساعدوني ..
تحياتي…..
انا مرة سويت كيكة وضربته بخلاط العصير شوي وعقب طبيته في الصينية وخبزتها وما طلعت انتفاخات ولا جدري .. بس عقبها سويت نفس الكيكة وخليتها تضرب في الخلاط واايد لدرجة سوت فقاعات ولما خبزتها ونضجت بينت الانتفاخات عليها
يمكن من تجربتي ضربت المقادير واايد في الخلاط وخاصة انها استوت سايله وايد
فجربي انج ما تضريبينها في الخلاط وايد .. وشوفي النتيجة يمكن تطلع صح
اللهم بياض البيض هو اللي اخلطه لحاله و بعدين استخدم السباتيوول و احرك الخليط في نفس الاتجاه
عشان ما يكون فيها فقاعات كثيرة
هاللي اقدر اقوله لك
لكن انتي جربي ما تضربيها بزيادة في الخلاط او اخلطيها بيدك و شوفي اذا تغير شي
او يمكن قللي من كمية الباكنج بودر
