مشورتكم في حب المراهقه ؟؟؟؟

خوااتي الغاليات حبيت استشيركم من خلال مشكلة ربيعتي وبنتها وماقدرت ادور الحل لاني ماجربت خواتي ربيعتي عندها بنتها 14 سنه واكتشفت ان بنتها تكلم وااحد عالمسن وتعرفون انصدمت بس ماعاقبت بنتها كلمتها بالهداوه واتفقت معا ماتحرمها بس تترك هاسوالف عنها مع ان البنت ماشالله عليها تربيتها صالحه وشاطره ومب راعيت حركات ومغازل بصراح هذا راي من خلال معرفتي فيها وطلعاتنا بس البنت ماتركت الولد الي تكلمه وعلاقتهم فقط عالمسن وفترات قصيره لان ماعندهم نت دائم والبنت قالت لامها عن الولد وانها متعلقه فيه وان عمره 16 سنه وحتى اهله صعبيين والبنت قالت لامها ماتقدرت تتركه ولاتقدر تغدع امها وتكذب عليها وتبا لعلاقه صداقه ومعرفة امها لانا واايد تلوم نفسها ودايما تصيح بس ربيعتي خذت الامر بهداوه وقالت بنتها اعرف بعد هذا كله بتاخذين النت واللفون وبتحرميني عشان جذيه ما خبرتج بس الحين ربيعتي تفكر وكلمتني وهي منهاره وماتعرف شتسوي تحرمها او تخلي بنتها في هالعلاقه او تخبر ابوها ووايد تعبانه وانا مااعرف شو اتصرف بس من رااي انها تحط قوانين للبنت في استخدام النت وانتو شتقوللووون ردو بلييز واريد خبراتكم كامهات واخواات وسامحوني طولت عليكم

ماعرف شو اقولج
بس اكيد العلاقة ببتعدى الصداقة ..
فهمو البنت ان هالشي حراااااااااااام ..

سبحان الله وبحمده عدد خلقه وزنة عرشه ومداد كلماته….
سبحان الله وبحمده عدد خلقه وزنة عرشه ومداد كلماته….
سبحان الله وبحمده عدد خلقه وزنة عرشه ومداد كلماته….

مرحبآ اختيـ’ه
بصرآحة موقف صعب
بس الأم تآخذ البنت بالهدآوة
حاليآ انتشرت وآيد مواضيع تتعلق بهالأمور
والنت مسوي مشآكل للكبآر فمآ بالج بطفلة مرآهقة
خاصة انه الحين أكثريتهم شغل ع النت
الحين نحن نبآ البنت تودر الولد من غير ما تترك النت
يعني نفسها تكون زينة من دآخل وتعرف انه اللي تسويه ما منه فآئدة وشي يغضب الله خآصة انه هالعمر من النوع اللي عآدي ينجرف ورآئ أشيآء مش معقولة

الأم لازم تقعد مع بنتهآ تسألها كيف عرفته ؟
وكيف صآر الموضوع تخلي بنتها تقولهآ كل شي بس بالهدآوة
تقولها ابا اعرف كل شي عنه
يعني تستوي شرآت ربيعتهآ
عقب تقولها وتتحآور معاها
يا بنتي لو كنتي ام واكتشفتي انه بنتج تسوي شي يغضب ربهآ وأهلها شو بيكون شعورج
لو اهلج وثقوآ فيج وخلوج تستخدمين النت من غير رقآبة شو بتوسين
لو اهلج وفرولجج كل شي وانتي تلعبين من ورآهم شو بتسوين
لو أحد من اهلج او اخوانج دروآ انج تكلمين شآب ع النت هل تتوقعينهم بيبتسمون لج لآ
خاصة مجتمعاتنا العربية
أكون واقعية معآكم بنآت نظرآ للمواقف اللي اشوفها
والله وايد بنآت انحرمواآ من تلفونات طلعات ضحك سوالف عمل فلوس كل شي بسبة هالمواقف
انها تكلم ولد ع النت

البنت هني نآدر ما تنغفر لخطأ بعكس الولد

الأم لآزم تآخذ بنتهآ بالسيآسة
تقولها قصص ومواقف دمرت بيوت وعآئلات
اصلا لو درآ الولد انه البنت انمسكت والله بكل سهولة بيغير ايميله
وخاصة هو مرآهق
عادي تعرفت عليه من احد المنتديات التعليمية او أحد من بنآت السوء عاطتنهآ الايميل

تقعد تتحاور معاهآ
تقولها شو الهدف من ورآئ هالشي
شو الشي اللي زود بالولد مب عندنآ وحصلتيه عنده
بعض البنآت يقولن والله اهلنآ مب مهتمين فينآ نشوف الاهتمآم من برع
وما بتحصل هالشي من برع لو شو ما يصير

المهم الحوآر والسيآسة وتقولها هل انتي رآضية باللي تسوينه بنفسج
تقولها قصص عن بنآت تعرضن لشرآت هالمواقف واخر شي ندمن وخسرن وآأيد اشيآء

لانه لو الموضوع كبر
ما بيكون على البنت
بينفر الموضوع والمشكلة ع لى الأم والأم مسكينة بترآاكض ورآأ منو ولا منو
فلازم متآبعة ونقآش وحوآأر واخذ وعطآأ

في الاول والاخير نفسية البنت من دآأخل لازم تتغير

صعب تنحرم من النت
وعادي الموضوع يكبر ويطور لفونات عقب

الله يوفقهآ ويستر عليهآ وعلينآ يارب
والله يحل مشكلتهآ
قوليلهآ كل شي بالمسآيس بحيث اذا سألتها مجموعة اسالة والبنت عجزت عن الرد
بتكون البنت غير مقتنعة باللي تسويه وحد قاعد يشيهآ عليه
لانه البنآت يبن الكلمة الحلوة والطيبة
في نصهن يزيدن بحركآتهن ع حسب اسلوب الشخص النآصح
فبالكلمة الطيبة ان شاء الله بتتحسن الأمور
^^"

السموحة ع الإطآألـ’ه
وان شاء الله تنحل الأمور (=

موفقة الغلآأ~..

أماراتيه حيل كفت ووفت

الله يعييييييينها ويهدي بنتهآ ..
والله بنآآت هالزمن 13و12 عندهم فونآت ونت وبوي فريند > بعضهم طبعآ.

الله المستعان