معاملة المطلقة في بيت الاهل

سلامن عليكن
بنات المطلقات ابي اعرف كيف معاملة الاهل مع المطلقة مع ان انا اشوف اهلي مايطيقوني ولا يطيقون عيالي بعد والله يهديها امي ماتحترمني ولا تعاملني كأني بنتها .. تعاملني كأني عديلتها في البيت الله يهدي اليميع ان شاء الله ويصبرني على كل شيء لا ليلي ليل ولا نهاري نهار بس ولله ان يالسه اصيح وانا اكتبلكن …
في حد مر ب لموقف …

الله المستعان لاتضايقيين هوني على عمرج كثري من الاستغفار

لا تضايجي عمرج ولاتقهريها, وإذا مب قادرة تتحملي العيشه معاهم من حقج شرعا يوفر لج طليقج بيت إذا الحضانه عندج واطلعي عنهم, وإذا ما تقدرين تطلعي من عندهم اتأقلمي وايد امهات جيه مب بس أمج نسمع من ربعنا العجب بس شو يسون والديهن وراضاهن من رضا الرب, اشغلي نفسج باعيالج واقري البقرة كل يوم وطنشي قد ما تقدرين ,وإذا في حد صاحب عقل وحكمة في البيت خليه يكلمها , وعلى فكرة الحريم الكبار مالهم بارض حتى على عمارهم كيف اعيال اعيالهم فلا تتغصصي.وخليج قريبة من ربج وبيفرجها لج
ولا تنسي إنه بيتها فلا تتدخلي في أمورها أو في نظام حياتها وتحاولي تغيرينه.إذا مب عايبنج شيء من تصرفاتها سكتي, وادعيلهامردها بتفكر وبتحن عليج, وحاولي تشاركيها في مصروف البيت
والله يآجرج في مصابج ويلهمج الصبر

صح ام معايه الحق في ان طليقي يوفرلي بيت .. بس الاهل بعد مب راضين اني اطلع عنهم ولا يخلوني في حالي دووومهم يدورولي دقه حق المشاكل .. الله المستعان

لا حول ولا قوة الا بالله
الله يكون في عونج
ليش المعامله القاسيه يحملونج سبب الطلاق و كانها جريمه او عيب
المفروض يوقفون وياج ويكونون لج سند
تكلمي ويا هلج قولي لهم لي في خاطرج فالنهايه انتي بنتهم
بس اذا تشوفين مافي فايده لا بكلام او مابتتغير المعامله
اتمنى هني البنات لي يعانون نفس ظروفج انهم يقترحون و يشورون عليج ^^

حسبي الله ونعم الوكيل اسوي كل شي علشان ارضيهم بس لا حياة لمن تنادي الام هي ال مخربه كل شي الله يهديها

مايصير
بتمين طول عمرج جي ؟؟ !! حرام
لج حق اتغيرين جو وتبتدين اتعيشين حياة جديدة مع عيالج ..
اذا هم يعاملونج معاملة ما ترضيج ..
خليه يوفر لج بيت بدل المذلة
وخذي قرار حاسم ومهما اهلج يقولون مايصير ومن هالكلام سوي اللي يناسبج حبيبتي ..