حبيت الخبيرات والمجربات يساعدوني
انا طلع فيني فقر دم بسبب الحمل ودمي وايد نازل! واصل 6 مع ان فالشهور الاولى نسبة الدم كان طبيعي 11 ماعرف ليش نزل فجأة وانا حاليا فالسابع
والدكتورة قالت لااااااااااازم تاخذين حديد
مشكلتي ويا حبوب الحديد انها تسويلي امساك فظيع وغير الطعم اللي يلوع بالجبد !
ابا حبوب مافيها ريحة وما تسبب امساك لاني والله اتعب
ابا شي من تجاربكم وكيف ارفع مستوى الدم من ناحية التغذية بعد بالاضافة للحبوب
بانتظاركم
واستخدمت العسل الاسود المصري من قصب السكر
ماشاء الله تبارك الرحمن ارتفع دمي ل11 ونص في غضون اسبوعين ونص حتى الدكتوره سألتي شو سويت ورفعت دمي بهذه السرعه ^^
كنت اشرب يوميا العسل 3مرات في اليوم ملعقه كبيره و من بعد العسل الاسود لالالالالالازم آكل برتقال او كيوي او اي فاكه فيها فيتامين سي
تنبيه لازم تنسي شي اسمه الشاي الاحمر
للعلم اني كنت اشرب العسل وانا في الشهر الثامن
ربي يسهل عليج ويتمم حملج على خير
وبس ^^
ايزي آيرون
بحاول اسال عن هالعسل وبجربه ان شاء الله
والله يعيني ويرتفع دمي شوي لاني وايد احاتي ويقولون مب زين لحزة الولادة ولنمو الجنين
اختي مبدعة مشكورة عالنصيحة
بحاول اجرب الدبس بعد
بانتظار تجارب باقي الحوامل
السلطات والفواكهة ممتازة لفقر الدم
