معاناتـــي ويا بنتـــي

السلام عليكم ورحمة الله وبركاته ..

هلا حبيباتي ..
بنتي عمرها سنتين و نص و وايد عصبية و تاخذ اغراض غيرها و اتم تصيح اذا ما عطيناها و تضرب و ترفس و اتعق عمرها ..
هي فديتها البجر و ما عندها اخوان او اخوات ..

كيف اتعامل معاها ؟
لدرجة اني يوم ابا اهديها تحاول تضربني احيانا و اطلع حرتها فالبشكارة مع العلم انها ما كانت جي قبل و هي هادية فمعظم الوقت بس هاي حركة انها تاخذ اغراض غيرها ما تعيبني و عصبيتها ><

انصحونـــي

ربي يحفظها لج

لا حول ولا قوة إلا بالله

للرفع

أختي الصبر ثم الصبر

اليهال جذيه مب كلهم بس فيه يهال جذيه

انتي حاولي تكلمينها بالهداوه وتفهمينها انه هاذا الغرض مب مالها خليها تعصب واذا حاولت تظربج امسكيها قلولها غلط تظربين ماما او أي حد كبير بس ماعليه بتهدا مع الوقت
والله يبارك فيها

خليها اتصيح و لا تلفتين لها

لأنج كل ما اهتميتي بصياحه كل ما زادت

بس اذا شافت انه محد معبر صياحه بتودر هالطبع

و اذا ضربتج امنعيها و عصبي عليها .. عشان لا تتعود تتمادى على الكبار

و علميها انه اللي مب لها ما يستوي تاخذه …

لا اتقولين ياهل و تشفقين عليها .. انا ما اقولج اضربيها .. بس شدي عليها … هذا من مصلحتج و قبل كل شي مصلحتها

ما اعرف الصراحة
ان شاء الله حد يفيدج حبوبة
للرفع

——————————————————————————–

الله يحفظهااااااااااااا من كل شرر