هالفتره احس بهالمشكله .. ربيعتي تقولي انتي تتحسسين وهالامور تافهة ..
المهم يا جماعه الخير ..
انا انسانه بسيطه .. احب اعيش ع قدي .. صح اني اداوم الحمدالله وعندي راتب .. بس انا مو راعية ماركات عالميه ..
ادش محلاتهم اجوف شو منزلين .. بس ما اشتري شنط وشوزات غاليه .. الا اذا ابا اكدها كد .. وهالشي نادر .. واذا ابا اخذ ماركه شنطه .. احب ماركات الي ياخذونها الاجانب اكثر .. مثل longchamp>>
المهم في الدوام يوم البنات يتكلمون عن الشنط و الاستايل موووول ما يتكلمون معاي .. يسولي طاااف .. جني ما افهم .. مع اني كل اسبوع مرتين او 3 طايحه في مولات دبي .. يعني اروح واجوف .. بس لاني ما اتكلم و لا اتفشخر .. اروح عشان نفسي ..
احس يسولي طااااف وحتى يوم ادش المكتب يسكتون ؟؟؟؟؟؟؟
حتى وحده تتكلم عن انها خذت مدس من بربري ع 2500 حق ولد اختها خبرتها عن موقع جلدرن صالون ان يبيع ماركات ارخص ب 300 درهم عن المول سوتلي طاااف .. واليوم زميلتي ( كله تراوينا اغراضها الماركات وجي يعني وتحط ديبيات هدايا ريلها وجي بس هي طيوبه ) المهم يوم قالت حق البنيه عن جلدرن صالون .. البنت ع طوووول قالت اوووه صدق بجيك الحينا .. مع اني يوم خبرتها سوتلي طااااااااااااااااااااااااااااااااف ؟؟ حسستني اني بعطيها موقع تقليد ..
مادري احس عمري غلط ؟؟؟ ادري هاي تفاهة .. بس شو اسوي احسهم يحسبوني ماعرف حق الموظه .. انا بسيطه بطبعي ..
حتى يوم اتكلم عن الشعب مول .. البنات كلهم يقولون ولا مره رحنا هالمكان @@ يحسسوني اني طالعه من العشوائيات !!! مع ان وايد احصل اشيا حلوه عندهم … ( الشعب مول مثل معرض ملا بلازا بس دائم في الشارجه في نادي الشعب )
حتى السوق الجديم .. نفس الكلام ..
مادري يا بنات هل انا انسانه غلط …
اطلع اروح مولات مطاعم فنادق بس ماعرف اتم اتكلم عن هالاشيا .. بدون هدف ..
كيف اتغلب ع هالشعور الزفت .. ما ابى اغير طبيعتي .. بس ابي اواكب البنات بالسوالف ..
مع ان كل حد يحب يلستي.. بس في موضوع الموظه ولبس واغراض اطفال وجي يسولي طاااف جدا .. مع اني اشتري اغراض بنتي بروحي و تكون كيوت ؟؟
ربيعتي تقولي لازم تزعلين اذا حد تكلم في مجال الثقافة والدين وانتي ما تعرفين ؟؟ بس بعد احس عمري غبيه بوسط زميلاتي بالدوام ….
حلات الشي ببساطته
فديتج فاهمه عليج انا بس حبيت اوضح لج نقطه دام انتي عايبنج جيه خلاص وعن نفسي انا مااحب ماركات والفشخره وهالمواضيع حرام اعق فلوسي ع شنط او شوز او من هالقبيل سوالف ماركات وجيه مب زين التبذير
حبيبتي تمي ع نفس ماهو طبيعتج خلج ذا احس وعن سوالف البنات خلج منهم هم بروحهم بييوون لج عقب بياخذون رايج او بيسالونج تعرفين موقع فلاني او مكان فلاني ومن هالشي
لاتزعلين ولاتتغيرين كل الناس لها ذووق
واهم شي القناعه اذا اقتعنتي بنفسج وبذوقج راح ترضين بعمرج
ربي يوفقج
ما عليج منهن ، نفسيات!!! خلج واثقه وقنوعه بنفسج ،، وخير يا طير ماركه!!
So????
بس شكلهن نفسيه او ما تعرفين شو في خاطرهن صوبج ، يمكن يغارن منج او لانج حبوبه ومتواضعه !!
طااااااااااااااااااااااااااااااااااااف
لا تتضايقين وخلج نفس نك نيمج احلى بعفويتي ..العفويه شي نادر فهالايام ..
ربي يحفظج
يعني بصراحه مالها قيمه! خاصه في عصرنا الحين
ممكن تلاقين بدائل عن هذا الشي
بس في ناس مسوين لهم قيمه بهذا الشي
ماختلفنا بس
كل واحد وراحته
بالعكس انتي ياختي متواضعه وتفكيرك عملي
سوي الي تحبينها وطنشي
وهن مادامن يحبن يلستك خلاص
مواضيع الموضه قولي لهن مااعرف وسمعي وتعلمي منهن شوفي يديد بس
يعني سايري العقول
خليكي على طبعك وبساطتك
انتي مثلي حبيبتي
هدول البنات هم التافهات مو انتي
صايرين اغلب الناس همها المظاهر وبس
لذلك حستي نفسك غريبة عنهم
شوفي لا تعودي تدليهم ع المولات اللي تروحي لها
بس تابعي الموضه بلبسك وبس حتى لا تصيري غريبة عن الناس
