ممكن مساعدة بنات بخصوص العين أو الحسد

هاي أول مرة أكتب فيها موضوع أطلب فيه المساعدة وبصراحة ردودكم تشجع أنها الوحدة تعرض مشكلتها بثقة وأن الردود بتكون بمحلها ومفيدة..خواتي انا من حوالي سنة تقريبا وأعاني من مشاكل وتعسير بالأمور بشكل كبير يعني من زواج او شغل او حتى سفر كتير شغلات والحمدالله قبل كل شي بصلي استخارة ..بس ما بعرف هل الشي عملي عقدي بحياتي ليش ما عم يزبط معي شي …من ناحية غيرت شغلات كتير بحياتي من طريقة حجابي وتركت حف حواجبي وصرت اهتم بصلاتي وقراءة القران والدعاء وكل هيدا الحمدالله من المواضيع القيمة اللي قريتها هون بالمنتدى جزاكم الله الف خير لهيك مرات بقول الحمدالله يمكن الله عم يبليني لحتى راجع حالي شوي …بس مع هيك كل مقابلة اعملها يقبلوني بالاول تمشي الإجراءات وبعدين يجي الرفض بدون سبب ونفس الشي بالنسبة للزواج وأشياء ثانية ومع هيك بقول الحمدالله وكل شي من الله منيح واكيد هيدا اختبار من الله وبصبر..والحمدالله أخلاقي عالية ورزينة والكل بحترمني لاني بساعد أهلي …بعرف طولت عليكم بس حبيت قلكم مشكلتي من أولها نجي للمهم خواتي أنا من نوع باخد بالأسباب واكيد الله بلاني لشي معين والحمدالله ع كل حال واخر شي بفكر فيه هو الحسد او السحر بس ما بعرف ليش هلا عم فكر انو ممكن هل الشي من عين او حسد لانو الكل بقلي نيالك شو بتضحكي وبضلي مبتسمة ..ما بعرف يمكن تحليلي سخيف بس انا ما بعرف بهيك أمور كتير …لهيك حبيت أسألكم ازا حد مر بنفس حالتي وهل ممكن تكون حسد او عين ؟وازا حسد كيف ممكن اعالجه بالمطوع؟وين ممكن ألاقي مطوع يقرا علي ويكون على ثقة وصاحب سمعة طيبة؟وهل الشي صحيح ولا لا؟؟..سامحوني بنات ع كثر أسألتي بس أنا ما بفهم بهيك أمور كتير وهاي أول مرة بتعرض لهيك شي..مع العلم من حوالي شهرين بدين أقرأ سورة البقرة كل يوم تقريبا وع طول علساني الاستغفار والادعية ومرات قيام الليل ..نفسيتي تعبت وحاسة اني ما رح يزبط شي خايفة أوصل لليأس… أنا سورية ولدت وعايشة بأبوظبي فياريت دلوني عمطوع من هون موثوق…سؤال اخير المطوع شو بيعمل بالضبط ليعرف اني فيني حسد او لا وبس بيقرا علي؟؟
ومشكووووووووورين خواتي مقدما الف شكر صراحة مالي غيركم أسأله ..الله يهنيكم ويبعد عنكم العين