من ناحية القراءة
والعلوم
والرياضيات
وشو منهج اول ابتدائي
بغيت اخذ رايكم
ولدي درس في روضة ما فيها انجليزي وهو سنه لازم اول ابتددائي
اقدر اجيب له مدرسة خاصة من الحين لين بداية المدرسة تعلمة منهج كى جى 2
وادخلة اول ابتدائي بالشويفات تتوقعون يرضون
ولدي في كي جي 2 الشويفات, اذا محتاجه اي مساعده او اي معلومات عن المناهج انا بالخدمه
بس بغيت اعرف شو منهج كى جى 2
من ناحية
الرياضيات — اذا فيه جمع وطرح شو الاعداد الى وصلوا لها
كتابة الرقم هل تكون بالكتابة مثلا one وعن غيب
العلوم
العربي
الانجليزي يعرفون يقرون خلاص قصص كاملة
والكتابة كيف الخط ممتاز
وهل يعرفون يكتبون كلمات عن غيب
وتسلمين
منهج الرياضيات لكي جي 2 فيه جمع و طرح, و بنهاية الفصل هذا راح يوصلون لحد رقم عشرين. لكن طبعا يعرفون يعدون من واحد لي 100.
و بالنسبة لكتابة الرقم ما عندهم لكن يوصلون ما بين الرقم و الكتابه مالته بحكم انهم يعرفون يقرون . يعني ممكن يحطون لهم قائمتين و فيها اللأرقام بالعدد و الثائمه الثانية الأرقام بالحوف, و يوصلون بين كل رقم والكتابة مالته.
العلوم ما عندهم كتاب خاص فيها, لكن عندهم كتاب فيه مجموعه من الدروس المختلفه و التمرينات. و بالكتاب نفسه فيه دروس عن جسم الانسان و الحواس الخمس و الحيوانات البريه و الأليفه.
العربي ماخذين الحروف كلها في جي جي 1 و الحين مراجعه لها و مع كلمات زياده و قراءه. و عندهم بعد الأرقام و الأشكال الهندسيه و الألوان.
الانجليزي قلت لج عندهم كتاب فيه مجموعه من الدروس و التمرينات, و عندهم 3 كتب للقراءه غير القصص اللي تتبدل مرتين كل اسبوع, اهمه الحين واصلين Level 2 في القراءه. لازم يعرفون يقرون اغلب كلمات القصص او على الأقل يركبون الحروف مع بعض لين يوصلون للكلمه.
و الكتابه عندهم كتاب للتدريب على الكتابه و يخلونهم يكتبون جمل نسخ.
و يعرفون يكتبون كلمات بسيطه عن غيب مثل
Up
Down
Yes
No
و غيرها شغلات بسيطه لأنها ممكن تكون اجابات لأسئله في كتاب التمرينات.
و اذا حابة تعرفين شنو اهو Level 2 ممكن تروحين مكتبة المجرودي اللي في دبي, او اي مكتبه تكون زينه, و شوفي الكتب و القصص الانجليزيه مالة Level 2
اي مساعده ثانيه انا بالخدمه و حياج الله
