انا ربي مبتليني بمرض الحمد لله رب العالمين ومن شهرين حللت ولقيت حالتي شوووي حرجة وقالي الدكتور قبل لا نبدأ بالعلاج بتركج شهرين يمكن حالتج تتحسن لان لو بدينا بالعلاج ما بنقدر نوقفه
ومن شهرين وانا لا ليلي ليل ولا نهاري نهار … وفي هالفترة اتقربت واايد من رب العالمين وكنت استغفر الحمد لله واتصدق
واختي كانت تجمع صدقات لبنت مريضة من دولة فقيره وكنت واعداتنها اني اساهم … وكنت كل يوم اقول اليوم بسير اسحب من البنك البيزاات باجر بسير اسحب البيزات يعني فيني عيازه اسير البنك
ويوم الاحد اللي طاف الدكتور سوالي الفحص اللي على اساسه بيقرر اذا كنت ببدأ العلاج والا حالتي ما تحتاج وفعلا سويت لافحص وقالي النتيجة الاحد الياي وانا هالاسبوع على اعصااابي وتعبانه وااايد نفسيا وقلت للدكتور مافي مجال الفحص يخلص اسرع قالي لا هالفحص بالذات واايد ددقيق ويطول
ويوم الاثنين سرت البنك وسحبت البيزات وسرت عطيتهم لاختي والعالم الله اني هالشهر محتاجه للدرهم لان ريلي فنش من دوامه بس ترااا اللي عند الله ما يضيع سبحانه
ويوم الثلاثاء يعني بعد يومين من الفحص دقولي المستشفى قالولي الفحص جاهز قلت كيف خلص بيومين انتو تقولون اسبوووع قالوا ما ندري المختبر يابه بس الدكتور مب موجود سرت على طول المستشفى وشفت الفحص الحمد الله احسه وااااااااااااااااااايد زين واتريا يوم السبت الياي دكتوري لان عيادته بس سبت واحد عسب يبشرني
ترااااااااااااا يا بنات صدق للصدقة اسرار وما ادري لو تم الفحص للاسبوع الياي كيف بتكووون حالتي الحمد لله الذي لا يحمد على نعمة سواه
دعواتكم لي بالشفاء
https://forum.uaewomen.net/showthread.php?t=669521
وسبحان الله الصدقة مفعولها عجيب
وما تشوفين شر غناتي
عندنا سالفة شبيهة ،،
ولد اختي في الله ،، انقلب من فوق سيكل موتر ،، وانشرح راسه ،في البر ،، وشلته هيليوكبتر
عقب ساعة من تبطيل الراس
وابوه مطوع وماعليه قصور ،، وهات ياصدقة ،، ليل ونهار ،،
والحين الولد بخير واللي شافة ماقال بيعيش ،،
تعزيزا لموضوعج الطيب
