من يقوم بالتسوق للبيت انتي ولا هو ؟؟؟؟؟

السلام عليكم حبيباتي

بغيت اسال من يقوم بالتسوق للمنزل وحاجات اليهال انتي ولا ريلج ؟؟

ومن رايج الحرمة تسير تتسوق ولا الريال خصوصا اغراض البيت ؟؟

انا معتمدة على نفسي في التسوق بس احيانا احس ان ها الشئ غلط ويخلي الريال ما يحس بالمسؤلية تجاه البيت

ما ادري شو رايكن ؟؟؟

بالعكس إختي الدنيا مساعده انا مثلج اشتري اغراض البيت كلها واغراض العيال زوجي يتكفل بالمصاريف والباقي عليه الصراحه كذا مره لاحظته لو اطرشه للجمعيه ولو اعطيه لسته بالاشياء الي نبغيها ألقاه كل شوي يتصل تبغين هذا ولا هذا يعني لو سايره روحي احسن لكن اوقات نسير رباعه ونشتري مثل اغراض المناسبات والعيد وهالامور .
تحياتي لج

..لا الاله الا انت سبحانك اني كنت من الظالمين

أتا عن نفسي أحب أشتري أغراض البيت لأني أنا اللي استخدمهم سواء أغراض المطبخ أو التنظيف أو غيرهم فأعرف الأشياء المناسبة… بالنسبة لريلي مخلية عليه الأشياء الثانية من تعديل وتصليح وشل الأغراض الثقيلة… وها الشي يحسسه بالمسؤولية اتجاه البيت…

بالنسبة لي … دايما نروح مع بعض…

تسلمون خواتي
صحيح ما في مانع من المشاركة
ومثل ما قالوا بعض الخوات ان المراه اعرف بالمطلوب للوازم البيت
يعني من البداية نعلم الريال ان هذي مسؤليته صح وممكن نشاركه
يمكن انا احس اني مضغوطة لان المسؤلية اغلبها علي دوام زوجي اسبوع باسبوع