(((@))) موضوع حلو عبارة عن تجهيز مكياج عروس ونصايح مفيدة (((@)))

[QUOTE=الغـ كله ـلا]

المشاركة الأصلية كتبت بواسطة so_cool

سلام عليكم الغلا،،،، اشحالج؟ ان شاء الله بصحه وسلامه،،، من كم وانا ادورج علييييج امتسحت عني الرسايل علشان اتواصل وياج بخصوص المكياج المناسب لي وكيف اختاره؟؟
الغاليه في البدايه انا ان شاء الله بعرس جريب ولازم آخذ مكياج يومي وللسهرات، وابغي منج مساعده في الإختيار الماركات الزينه وتدرجات كريم الأساس والبودره والأدوات والأغراض المستخدمه للمكياج،

نوع البشره: عاديه ساعات تميل إلى الجفاف مع منطقة الأنف والذقن والجبهة دهنيه،
لون البشره: أبيض وسط مصحوب بصفار
محيط العين: أحيانا توجد هالات سوداء نتيجة السهر لكن إذا ما في سهر الحمدالله الوضع تمام

واي استفسار انا جاهزة وجزاج الله خير

هلا عيوني
قبل كل شي لازم تاخذين + fix من ماك
وهذا ينحط قبل الاساس و بعد الاساس
وبعدين كريم الاساس:
الاساس اليومي انا افضل انج تستخدمين اساس شانيل يونيفيرسال الي ايي في علبة مثل البودرة بس هو كريم و الدرجة المناسبة لج 20
وهاي صورة الكريم وصورة الدرجة:

و كريم الاساس مال السهرات عندج اما ماك او كانيبو:

الي فوق في الصورة كريم اساس ستيك
مناسب تستخدمسنه حق يومي و الدرجات موجودات تحت
وانا افضل انج تستخدمين 25
والي تحت صورة كريم الاساس الي تقدرين تستخدمينه حق السهرات
والدرجة المناسبة 25
اما كانيبو:
كريم الاساس وايد حلو و ينفع للسهرات
والبودرة بعد ممتازة و انا استخدمها للسهرات

درجة كريم الاساس 102
و البودرة 102

البودرة الاساس:
انا الصراحة وايد احب استخدم بودرة ماك

وانصحج بالدرجة 30

——————————————
اسئلة و اجوبة
1- البودره اليوميه بتكون شو؟ إذا انا بستخدم كريم الأساس شانيل.
ممكن تستخدمين بودرة ماك استوديو لانها خفيفة و بعد عند ماك بودرة لوز اسمها بلوت باودر هيه تعتبر مثبت لكريم الاساس و خفيفة تنفع مع كريم اساس شانيل للاستعمال اليومي و ممكن تستخدمين بودرة غيرلان ممتازة
——————————–
2- بودرة ماك الأساس رقم 30 مب شوي داكن؟؟
بالعكس اذا شفتها على الطبيعة بتحسينها وايد فاتحة شوفيها على الطبيعة و احكمي
——————————-
3- شو أنواع المرطب الممتاز للوجه قبل المكياج؟؟ وشو هو البيس؟؟
انا احب استخدم + FIX من ماك ممتاز انا احطة قبل المكياج و بعد و فيه بيس بعد عند ماك اسمه ستروب كريم و من غيرلان بعد بيس بالذهب مثل الجل يشد البشرة قبل الاساس و هذا انا ممكن ايبه لج ارخص من باريس غاليري
—————————–
4- انزين عندي منطقة الأنف دهنيه، كيف اقد اطفي اللمعان؟؟
تقدرين تطفين اللمعان بمستحضر اويل كونترول من ماك انا حاطة صورها فيها صور الكريمات و البودرات الي انا اتكلم عنها
——————————
5- الكونسيلر وخافي العيون ما تنصحيني فيهم؟؟ ساعات يكون عندي ارهاق أو تطلع حبه بالغلط؟؟ فشو اسوي؟؟
انصحج بكونسيلر ماك رقم 30 و يكون في علبة مدورة مش معصار ولازم يكون الكونسير اغمج من البشرة و بعدين انحط عليه الاساس ( اكبر غلط انحط كونسيلر فاتح لانه بيعكس لون الهالات و بيصير لون الكونسيلر رمادي )
—————————-

6- لو أبغي احط highlight على الخدود شو الماركه الحلو للمناسبات؟؟
اما عن الهايلات فيه وايد ماركات
انا احب احط بودرة ماك المضغوطة LIGHT بعد ما احط البلاشر . احطها في المساحة الي بين العين و اعلى الخد و احط منها على عظمة الخشم
ومن الماركات الي احبها MAKE UP FOR LIFE – KRYOLAN – BEN NYE
واحل شي حق الخدود ويعطيج على اللمعة الذهبية من BEN NYE
————————————-
7- البودره اللي تنحط تحت العين شو هي؟؟
اذا قصدج عشان ما يعلق المتناثر من الشدو انا احط بودرة كازانوفا رقم 002 و ممكن اتحطين البلوت باودر من ماك
————————————
8- أحلى وانعم فراشي من وين؟؟
اذا تبين انا ابيع العلبة الي فيها 18 فرشاه
واذا تبين شي بروفيشنال عليج بالعلب الي من عند ماك
يوم ايسون عروض ايبعون كل 5 فرش ب 250 درهم و اذا بتاخذين هالفرش بروحهن بيكلفنج اكثر من 1500 درهم
——————————-

9- الماسكرا اللي تعطي كثافه وطول؟؟
احلى ماسكرا لانكون هيبنوس هيه الماسكرا رقم 1
وممكن اتجربين من برجواه البلاك حلوة ومن ماك عندج ZOOM LASH للاستخدام حق المناسبات PRO LASH للاستخدام اليومي
——————————-
10- والكحل الفاحم الأسود من وين ؟؟ ولو أبغي ألوان بعد من وين آخذه؟؟

احلى الكحل الاسود عندج BEN NYE الكريمي الاسود و ريفيلون الاسود و ديانا اوف لندن و نيفيا
والالوان انا انصحج ب BEN NYE عندهم الالوان وايد ثابته في العين
——————————
11- والآيلاينر الأسود من وين؟؟
اذا اتحبين العادي حلو من برجواه الايلاينر السائل واذا على المضغوط حلو BEN NYE و كريولان
——————————
12- والأيشدو بشو تنصحيني؟؟
انصحج ب علبه BEN NYE ام 12 لون و ممكن تستخدمينها عادي او مائي وانا ممكن اني اوفرها لج
واحلى الاي شدو و الي وايد ثباته ممتاز
MAKE UP FOR LIFE
—————————————
13- ولو أبغي آخذ مكياج برونزي يعني أسوي في عمري صرعه هيهههه، شو الحلو؟؟
عند البودي شوب وايد اشياء حلوة للبرونزاج من كريمات و بودرات تقدرين اتسيرين و اتطالعين بنفسج
———————————-
14- شو رايج بماركة غليريان؟؟ في ناس يمدحونها،
ما ادري شو قصدج غيرلان او كريولان !!!!!!!!!!
—————————–
هاي صورة اتبين بعض الاشياء الي ذكرتها:

انتهت الاسئلة بحمد الله
اتمنى لك النجاح في الحياه الزوجية
وانا في الخدمة اذا تبين

[/QUOTE