موظفة البنك وايميلات العملاء والفيس بوك

السلام عليكم ورحمة الله وبركاته ..

طبعا بحكم المعاملات وغيره .. موظفين البنك يطلبون من الكستمر أو المتعامل ايميله الالكتروني كمعلومات يحتاجها البنك عشان يقدم فيزا كارد مثلا ..

الموقف اللي صار ويا ربيعتي.. انه موظفة بنك في احد البنوك .. شلت ايميل ريلها .. وطرشتله انفايت للفيس بوك أكاونت مالها .. على ايميله الخاص ..إإ

لا واونه كاتبه من اهتماماتها .. الصداقة ..

شو رايكم في هالموقف بنات .. ؟ طبعا ما يحق لها تاخذ ايميل خذته بحكم شغلها في البنك واستغلته للتعارف وتطرش انفايتات حق خلق الله ..

بس لهالدرجة البنات صارن يتصيدن الرياييل والصداقات على قولتهم إإ

شي عجيب ..

صدق شي عجيب

قليلات ادب وفااضيات
الله يهديهن بس

الله يهديهن بس لو ريلها سار لمديرة الرفع وخبرها بالسالفه بتصطلب ههههه
اكيد كل ما عيبها واحد من الكستمر خذت ايميله <<<<< الله يهديها استغفر الله العظيم

الي مب جايفات خير ومحد امسوي لهم سالفه يسوون هالحركات . . الله يهديهم

شووووو وين عايشه هاي …اونه صداقه ؟؟؟ هاي مكانها اتدور فالمولات والله قهر

اتخيل شو هالمصاخه بعد
اوكي اذا هي حركات لازم تلاقي الصد من الريايل عشان تتادب