خواتي في وايد اسئلة تخص الشعر حصلتها هني ومالها اجوبة صحيحة لذلك حبيت اساعدكم بناء على تجربتي الشخصية ومعلوماتي اللي دارستنها ..
النقطة الاولى الخلطات
حبيباتي ترى مب كل الخلطات صح ومب اي شي تحطوه على راسكم لان ممكن بدال ما ينفعكم يضركم ياما حريم طاح شعورهن والسبة الخلطات لا تمشن على اي شي غير مصرح به علميا يعني الشركات قبل ما يطرحون اي منتج جديد مليون اختبار واختبار يسونه قبل لا ينزلونه الاسواق ومع ذلك يكون فيه مشاكل احيانا كيف احنا جي نبدع من داخلنا ونسوي خلطات ومب مجربه وع فكرة اذا ما بين الاثار الجانبيه الحين بتبين على مرور الزمن يعني هالله الله بعماركن
النقطة الثانية لشعر صحي الشامبو
يا جماعة مب اي شامبو ينزل السوق معناه هو زين او فائده ترى اغلب المشاكل اللي تستويلكم هي سبب الشامبو لانكم مختارين شامبو ما يخصه فشعركم يعني وحدة شعرها جاف تستخدم شامبو مال شعر دهني شو بيستوي بينشف الشعر اكثر وبيطيح ويضعف الشعر وانتو مب دارين والاتعس من كل ها انكن بدال ما تغيروا الشامبو للاحسن تغيروه للاتعس اختارو الشامبو بحذر
النقطة الثالثه تساقط الشعر
في عدة اسباب لتساقط الشعر ومنها الشامبو او العناية او نقص الحديد ( فقر الدم ) كل هاييل يسببون واضافة على ما ذكر هوه الماء والعوامل الجو والاتربه ولا تقولون احنا محجبات وما علينا تراب او شي لا يجي تعرفون كيف ؟؟ لانكم حتى وانتم فالبيت الهواء محمل بالاتربه يعني ها شر لابد منه
النقطه الثالثه الصبغات
بالنسبه للصبغات ياما حريم يستخدمون صبغات بعمارهن يا جماعة ابتعدن عن الصبغات الرخيصه اللي ما منها فايدة غير انها تنشف الشعر وتطيحه حتى الصوالين اسالن قبل لا تسون الصبغات اعرفن اي ماركة ترى شي صبغات الصوالين تستخدمها ب 3 دراهم وهي شركة اونه بس مب زينننننة احذرن من هالشي
العلاج
لكل ما ذكر سواء الشامبو او الصبغات او اي مشاكل عندج اياها تاكدي انج مسويه فحص وان النتيجة سليمة وما شي اي سبب عضوي فيج لان مهما عالجتي الشعر من خارج بيكون الاثر من البيصله وفروة الراس اذا تاكدي ان ما فيج شي سوي كيراتين
الكيراتين مب (التمليس) في فرق
الكيراتين موجود اساسا فالشعر والبشرة لكن مع مرور الزمن تخف كميته وطريقة احيائه هي عن طريق الكيراتين يعني مجرد بيخليه انعم ( مو سيده ) عن قبل وبنفس الوقت بيردله حيويته ونشاطه للشعر بس انتهبن اي وحدة تقولج بسوي شعرج سيده معناه انها بتستخدم تمليس
فاحذرن يا حريم 
واي استفسار حياكن الله )
هيه صح بسوي موضوع خاص لكن عسب جميع الاسئلة والاجوبة اللي تبون تسالوني عنها …
