بعد مرور 5 ايام على ولادتي لاحلى بنوته ربي يخليها لي ويكتبها من الصالحات يارب حبيت اني اخبركم بقصة ولادتي والي تخللها ( حلوه تخللها ) وايد من الموقف المضحكه والمبكيه ياله ما بطول عليكن نبد باسم الرحمن
انا في البدايه واعوذ بالله من كلمة انا عطوني موعد 3-5 وبعدين ومع مرور الايام استوا الموعد 1-5 ومن بداية حملي اكتشفوا فيني السكر وفقر الدم طبعا فقر الدم مقدور عليه لكن السكر اااااه وما ادراك ما السكر عله في عله مرض وتعب وحرمان وابرو ودم عزكم الله كل يوم لاذم 5 مرات فحص و5 ابر انسولين وانا طول الوقت ادعي بالاجر والعافيه وان الله يكتب لي حسنات وياجرني في تعبي
الشهر الاول كان برمضان والله لا يراوي حق مسلم التعب الي تعبته باول شهر حتى ريلي كان وايد يرحمني ويقولي اذا هذا بدايته الله يعينج على بعدين مر شهر رمظان والكل كان ينصحني اني افطر بس الحمدلله صبرة واحتسبت الاجر وما فطرة ولا يوم بس الي حز بخاطري اني ما قدرة على الست وانا الي متعوده اصومهن بس الل كان يقولي دام انج متعوده خلاص باذن ربج بيكتبهن لج
ومر الشهر الثاني والثالث والرابع والخامس على خير وما راجعت اي مستشفى حكومي بس الخاص علشان اشوف جنس البيبي واطمئن على صحته ومن عرفت انها بنت استانست لان عندي بنتين و3 اولاد وكنت حاطه براسي انها بتكون الاخيره فكنت اريدها بنت والحمدلله الله عطاني الي اريده
ووصلنا للمرحله الاخيره وهي من 7 الى التاسع وهني عاد بدات معانات السكر ادري بعضكم بيقول اني ابالغ لكن الله الشاهد اني هلكت ها السكر يوم ويرتفع ويوم ينزل مرات يوصل فوق 300 ومرات تحت ال60 كرهت الاكل والسكر والحمال استغفر الله بس كنت دائما احتسب الاجر وكان الي يشوفني بال7 يعتقد اني بربي من شكلي والتعب الي باين علي
ووكنت اعد الايام من دخلت الثامن لانه ياني الطلق اتصدقون من الثامن ياني الطلق كل ليله يعذبني وبالنهار كنت لاذم اشغل نفسي بي علشان تمر الايام بسرعه وببداية التاسع استانست خلاص بربي وكنت بتجمع بنات العين ووايد استفدة من خوتي جزاهم الله خير مع اني مب بجر بس الوقت كان يمضي معاهم واحنا نسولف طبعا ما اريد اذكر اسامي بس اول وحده فتحت ها التجمع ميميه وبعدها اظن ام حمدان جزاهم الله خير وبصراحه ما حسينا بالوقت واحنا نشتكي لبعض ونسولف
المهم دخلة التاسع واليوم السابع من التاسع كانت ملجت بنت اختي واخوي وقبل لا اروح الملجه شفت الله يعزكم دم في البدايه خفت بس بعدين حسيت ان لا بعدني بس بالملجه كنت وايد تعبانه وحاسه اني خلاص موصله وما بقدر اتحمل اكثر
ومر الاسبوع الثاني وانا كل يوم تعبانه وفيني طلق بس كان بارد وثجيل وكن ادعي وخذت ماء زمزم من خت ريلي الله يجزيها كل خير وقريت فيها ورد الولاده وكل يوم كنت اشرب كاس وامسح على بطني واقرء سورة مريم وحاولت اني اختم القران قبل لا اربي بس لاسف ما ختمته طبعا هذا كله بالاسبوع الثاني من التاسع وكان عندي موعد يوم الاربعاء 14-4 -2017 وبالاصح 3 مواعيد مع التثقيف الصحي والتغذيه و3 دكاتره الحمل والسكر
ووصلنا للجد فحصتني الدكتوره وكان مفتوح 2 سانتي وقالت لي ياله هانت الرحم عنج رطب وخلال ها اليومين بتربي رديت البيت وبراسي شي يقولي بتربين يعني بتربين ووصلنا للخميس 15-4 وزاد التعب فيني وها اليوم يوم عائلي يعني لاذم نتجمع في بيت اهل ريلي
بس انا ما رحت ريلي شل العيال وانا تميت بالبيت وما ادري شو ياني كنت مشتهيه روبيان وخذت لي صحن من الملاح وكلته كله وبعد ما كلته حسيت ان الطلق زاد علي استغربة قلت يمكن الروبيان يزيد الطلق وسويت سيرج بالنت ما طلع لي شي المهم طرشة البشكاره تاخذ لي زيت خروع من الصيدليه ويابته وخذت ملعقه وبعده تررررررررررررررررررررا بدا الاكشن
خلوكم معاي بالجزء الثاني ادري طفره بس بنتي قامت برضعها وبسبحها واذا في وقت بكمل القصه اليوم
خواتي لا احد يرد لين اكمل القصه
الحمدلله ع سلااااااامتج ..
اوووووكي الغلااا فالانتظااار نترياااا باقي القصه .. خذي راحتج .. ^_^
وقرة عينج بشوف بنتج^^
وصلنا ليوم الخميس والي ريلي خذ العيال وساروا بيت يدتهم وانا كلت الروبيان وبعدها خذت الخروع (حشى قلب مسلسل مكسيكي ) وبعد الخروع حسيت الويع يزيد وانا مسويه عمري شاطره علشان من اروح المستشفى افتك واربي وانا مب عارفه شو يترياني
وردوا العيال ورقدنا وباليل ما غمضة عيني دقيقه وحده الويع ورا بعضه وقلت الحمدلله هذا الفرج وعلى فكره نسيت اخبركم ان بالمستشفى عطوني موعد للطلق الصناعي يوم 22 الخميس الي هو اليوم
وانا كنت خايفه من الطلق الصناعي وعلشان جذيه استانست بالام وقمت 6 الصبح ورحت برع الغرفه وانا امشي وبعدين رحت حق ريلي الساعه 8ونص وقلت له ياله قوم مب قادره اتحمل الويع وكان بين كل ويعه والثانيه اقل من 5 دقائق وقام بسرعه ودخل الحمام يتلبس ولما طلع شافني راقده من التعب طول اليل مب نايمه قالي خلاص رقدي وطلع برع الغرفه ورد على الساعه 12 الضهر رد الغرفه ولما قمت من النوم لقيت شي حار بين ريولي وكان دم وايد يعني مب شويه انا هني خفت وقالي ريلي ها اروح الصلاه والا اؤديج المستشفى قلت له لا خلى الطلق يزيد روح ويوم بترد بنروح ووصيته يدعيلي بالصلاه فديته قالي ما يحتاي توصيني وراح وهو يركض انزين ليش تركض يعني بيزيد الطلق ههههههههه بصراحه ضحكني
ولما رد كنت انا مجهزه عمري تسبحت وكشخت ونزلت الشنط واتصلة حق امي وركبت السياره وطفت على امي ومن قرادة الحض اخترب تيلفوني وانا افكر الحين اشقائيل ببشر ربيعاتي خخخخخخخ متفيجه وصلنا توام ونزلنا انا وامي من صوب قسم الولاده وراح ريلي يحجز بالخاص ودخلنا قسم الولاده وخذوا بياناتي
ونزلوني على السرير عاد هني الوعه بعد الفحص مبطلين عيونا انا وامي ها كم قالت 2 سانتي امي ما سمعتها عدل واقول حمدالله 4 وانا فيني صيحه واقول لا مب 4 2 بس امي ضاقت فيها الدنيا كل ها الالم و2 وكان كلام النيرس نفس كلام الدكتوره قالت بس النفس طريه وبتفتح بسرعه وين بتفتح بسرعه وها الكلام من امس وعلى فكره كان الدم بعد ينزل مني وايد وخلوني بغرفة الولاده لين الساعه 5 العصر وهو نفس الشي 2 سانتي عاد انا قعدة احلل وعرفة ان ها الويع والدم كله من الخروع والا النفس مب طايعه تفتح ابد
بعدها ودوني طلعوني بغرفه بروحي ويوا خواتي عندي واتصلة بالدريول وخليته ايب كل الاغراض علشان اكون مستعده والويع مثل العاده كله راح وراحوا خواتي عني وتميت انا وامي وطبعا النفسيه داووووووون لا شي ويع ولا ولاده والنفس مب فاتحه وعلى فكره بنتي كانت معاي وراحت مع خواتي وهني خلصت الجمعه ورقدة على الساعه 12 وطبعا ما في رقاد من التفكير هل ياترا بربي باجر او لا
طلعت امي ويات اختي العوده وقلت لها الي صار قالت عيل ياله بلففج المستشفى كله واليوم باذنالله بتربين ولفينا توام بالكامل ورحنا الجمعيه واختي شرت فازلين واتصل فيني ريال وقال ان من القسم الخاص وان الغرفه جاهزه بس لاذم ادفع العربون والعربون قيمته 3500 وما كنت مسويه حسابي واتصلت بالدريول وخليته يوعي ريلي وياخذ منه المبلغ ويابه لنا ورحت عند الريال ودفعت المبلغ ورديت غرفة الولاده وشفتهم معتفسين يدورون علي وشافتني الدكتوره قالت 4ونص ياله ولاده وانا هني قلت الحمدلله اخيرا بشوف بنوتي وبطلة الماء علي ومن بطلة الماء كانه ملك الموت زارني والله يابنات من التعب الي شفته كنت على السايلنت حتى السسترات استغربوا مني يقولون لي ما تحسين بشي لان الطلقه عاليه اقولهم بموت خلاص حتى الالم ما اقدر عليه يعني ما في تفاعل فاهمين علي وطلبة ابرة الضهر في البدايه ما رضوا وقالو خلاص انتي موصله والبيبي دقاته ضعيفه ما بيستحمل اي تاخير جان اصيح خخخخخخخخخخخخ ورحمتني السستر وقالت خلاص البيبي اوكي بس انتي المسؤله قلت لها اوكي بس ادخيلج عطيني اياها قالت بتتحملين تقعدين ونضربج اياها وانتي طلقج عالي قلت لها هي قالت بس اذا تحركتي خلاص ما شي ابرة ضهر وكانت متاكده اني ما بتحمل وبتحرك وقعدتني بس انا خيبت ضنونها ولا تحركت ابد والدكتوره كانت باكستانيه وكل شوي تتمدح فيني وبصبري وتقول انا ما شفت مثلها مريضه وهي ما تعرف ان مجبره اتحمل كل شي على اني برتاح ودخلة الابره اول مره ومع اني ما تحركت بس ضهر دم وطلعتها وردة دخلتها مره ثانيه واول ما دخل المخدر فيني اصبحت بدنيا ثانيه ومن المواقف اختي تكلمني وانا ارد عليها واسولف واضحك واتصلت فيني اختي اقولها اقولج الراس بيطلع شوي بدفع وبرد اكلمج وهي تقولي جذبة عينج هههههههههه ودخل ريلي علي بعد ما خبرته اختي العوده اني خذت الابره وجان يقولي ياله غنيلي قلت اقعد والله بغنيلك بطل عيونه وطله وهذا كله والراس يطلع ارتحت وافتكيت من الالم وانا مب مصدقه نفسي والدكتوره الباكستانيه تقولي انتي يو هابي اقولها يس فري فري هابي وتضحك والسسترات الي كانن معاي وحده اسمها لافيندرا والثانيه نشمي يجنن ما ودرني دقيقه حده بس المشكله بطلوع الراس لاني لاذم انا ابذل جهد اكبر لانه ما فيه الم بيساعد وزجيت ودفعت وسويت بوش والحمدلله طلعت دانه وانا مب مصدقه اني ربيت واحمد ربي صح في النهايه ارتحت بس البدايه كانت متعبه وهلكتني
