خواتي هذي اول مشكله لي وأتمنى حد يفهمني عشاني خلاااااااص ماقمت أفهم شي من إلي يصير حولي
عمري 25 مشكلتي إني متزوجه واحد من الأهل القراب بالغصب وصارت مشاكل عائليه كبيره قبل مايصير القبول وسالفه طويله عريضه ماله داعي أحكيها ..
وعندي منه ولد وألحين حامل وماباقي شي على ولادتي
خطبني ورفضت عشانه كان متزوج ومطلق وعشان يغيضني هو وأهله خطب وحده وملج عليها وعقب رجع خطبني وملج علي وقال إنه طلق الثانيه لكنه بعلم أهله تزوجها وبعد زواجه منها بست شهور خذني وعقب زواجنا اكتشفت إنه عايش معاها فنفس بنايتنا بعد أنا في التاسع وهي في الرابع وعقب ولادتي رجع الأولى .. يعني نحن ألحين 3 إلي عذمته
والله أغلب وقتي في بيت أهلي هو محدد حق كل وحده أسبوع كامل وبجيه أنا إسبوعين أكون عند أهلي وإذا الناس الي مو من الأهل ومايعرفون إنه متزوج ثنتين قبلي سألوني أظطر أكذب وأقولهم طبيعة دوامه جيه أسبوعين عندي وأسبوعين مسافر بس هو يكون عند وحده من حريمه
ألحين خذ بيت كبير عشانه مايقدر على 3 شقق وانقهرت عشان الي مايدري إني حرمه ثالثه بيدري بس رضيت وضغط على نفسي ووافقت وسكنا في بيت واحد كل وحده في قسم بس الله شاهد إنا مثل الخوات قلوبنا على بعض مانتكلم عنه وعن بعض إلا بكل خير فالنهايه كلنا أهل
صرت أحبه وأحترمه بس مابينا تفاهم أحسه في وادي وأنا في وداي عشان فرق السن 13 سنه أحاول أتقرب وأنسيه كل شي ما أقدر .. معنه حاطني في باله من زمان ويحبني صدق وأشوف هالشي في عيونه وتصرفاته بس مشكلته يحب الحريم وايد شهوته مالها حد أبدآ
ساعات أقول يمكن هو جيه طبعه جيه ضعيف قدام شهوته ويخاف من الحرام ويعوضه بالحلال خاصه إنه طيب ومحترم ويحاول قد مايقدر إنه يعدل بينا بصوره كبيره بس سبحان الله مانعرف شو المشكله وليش جيه؟
أمس بالليل يمعنا كلنا فالميلس وقال يبا يعرس وخلاص هو محدد البنت وأهلها موافقين وبس يقولنا عشان يبري ذمته جدام ربه والكلام الي يستغلونه الرياييل إنه الشرع حلل أربع ومادري شو محاظره طويله عريضه
ما أعرف هل يبا يقهرنا أو شو أنا قلتله انته حر والثانيه ماعلقت بس الأولى ثارت وعصبت وهددها بالطلاق وسكتت
أنا الطلاق مايهمني بروحي أباه خاصه إنه ألحين بيصير 3 أسابيع بعيد عن كل وحده منا عشان جيه أحس الطلاق أرحم ومايهمني بس الي قاهرني إني مب قادره أفهم ليش جيه ؟ إنسان يوهمج إنه يحبج ومايشوف فالدنيا غيرج ومستعد يضحي عشانج ويوقف بكل قسوه في ويه نصيبج ويسوي مشاكل عشان ماتاخذين حد غيره عقب أول ماتصيرين زوجته حلاله تشوفين هالنكران؟
مافهمت هل هذا طبعه مع كل حريمه وسوا معاهن نفس الشي وألابس أنا عشان نحن مانسأل بعض عن علاقتنا فيه والله بثلاثنا كنا خوات وأكثر حتا نحاسب نفسنا منو مقصره في حقه معقوله نحن ثلاث مقصرات مافيه وحده فينا عاطتنه كل الحق معقوله؟
الهم الي يجمعنا صار واحد إنه أي وحده فينا معرضه للطلاق في أي وقت من بعد مايتزوج اليديده أول شي عشانها غريبه عنا ونحن الثلاث أهل يعني باب مشاكل سادينه بتفاهمنا وأكيد إنه بينفتح وثاني شي عشان نعرف في قرارة أنفسنا إنه ريلنا يحب الحريم وإنه مادام فكر في الرابعه أكيد بعد سنه أو كم شهر بياخذ الخامسه وبيستمر في مشوار زواجه الي ماله نهايه
حسبي الله عليه .. ضيع عمري وحرمني من حلمي الي تمنيته وكسر نفسي وهان كرامتي
وبكل بساطه ياي يقول الشرع حلل أربع !!!
بس ماقول غير الله فوقه وفوق أهله وأشوف فيهم يوم عاجل يارب
الله يحقق اللي فبالج ياااااااااااارب العالمين ويهدي ريلج .
لا تخافين ربي بيعوضج بأحسن ما تمنيتي ، بس خلج مثل ما أنتي وصدقيني الدنيا فانية ، وكلنا باجر تحت التراب
……وأغلب الرياييل جي يفكرووون بس في نفسهم ….وانتي ضحي عشاان عيالج وإن شاء الله تفرحين فيهم ويكونون بارين …وبتنسين كل شي بوجودهم…وفرحتهم بسدج..
المشاركة الأصلية كتبت بواسطة غلا الوصل 
الله يحقق اللي فبالج ياااااااااااارب العالمين ويهدي ريلج .
يارب مشكوره أختي عدعواتج والله يهديه
المشاركة الأصلية كتبت بواسطة :.غرور.: مهما صار هذا أبو عيالج
الله يهدي الجميع
قاهرني عشان جذه ادعي عليه أول شي أنا رفضته عشانه متزوج ومطلق ثاني شي أوهمني إنه صارت مشاكل مع أهل زوجته الثانيه عشان جذه طلقها ثالث شي إحساسنا نحن الثلاث بالكذب والغش والإستهتار فينا وفعواطفنا
الأولى والثانيه خليجيات أهلهم فبلد ثاني وأنا الوحيده الي أهلي حولي ولو كنت أعرف انهن عذمته ماكنت خذته لو أموت بس انغصبت
كل وحده فينا مخدوعه بشكل وعشان جذه مالنا الا ندعي وبس الله يسامحه شو أقول الله يسامحه
المشاركة الأصلية كتبت بواسطة بنت الغول لا تخافين ربي بيعوضج بأحسن ما تمنيتي ، بس خلج مثل ما أنتي وصدقيني الدنيا فانية ، وكلنا باجر تحت التراب
……وأغلب الرياييل جي يفكرووون بس في نفسهم ….وانتي ضحي عشاان عيالج وإن شاء الله تفرحين فيهم ويكونون بارين …وبتنسين كل شي بوجودهم…وفرحتهم بسدج..
إن شالله والوحده شو يصبرها غير عيالها وبس
بس الله يسامحه شو أقول بعد
اختي نوره اسمج حلو على اسم بنتي
*********
ودام الريال مب مقصر معاكم انتوا الثلاث خلوا اييب لكم الرابعه ونااسه والله في فريجنا ريال متزوج اربع الله يرحمه مات
بعدين انتي ليش تفكرين بعد الرابعه يمكن يفكر يطلق وحده منكم عشان ياخذ الخامسه انتوا من غير حسد قلوبكم على بعض وهو يفكر اللي بيتزوجها بتستوي شراتكم مب يمكن تطلع له قرون ويعيف الحريم وايامهم
لا تقهرين عمرج ومحد يدري الايام شو تخبي وان شاء الله تخبي لج كل خير وسعاده
ودام الله المحبه بينج وبين حريم ريلج وابعد عنكم اهل الفتن والحسد
