بنات شهر رمضان قرب والله يبلغنا اياه ابا كل بنت تقول كيف طريقتا لختم القراّن
عشان الكل يستفييييييد
أنا دبر كل صلاة لااااازم أقرأ كم من صفحة…
في الفجر مثلا كذا عشر صفحات
الظهر عشر
والعصر عشر
والمغرب خمس
والعشاء عشر وبعد صلاة التراويح عشرواكثر..
وقيام الليل أقرأ لين مايأذن الفجر…
وجي أكون تقريبا شويه وأخلص القرآن ورمضان لازال في بدايه الشهر..وأحيانا أبدأ في الختمة الثانية بس ماألحق أختم الختمة الثانية..لإن (………..) تخرب علي للأسف 
وأحيانا ألحق…
وياليت تقولين لنا عن تجربتج إنتي بعد..ونتريا ردود باقي الأعضاء
أكون فيه فاضية
و الظروف مناسبة
اقرأ القرآن
موضوع رااااائع
ويحث على الخير
بارك الله فيج ختيه جـــــوري
بالنسبة لي .. تعودت أختم القرآن من كان عمريه 9 سنين
يعني أول ختمة قرآن كانت في رمضان .. وكان عمريه 9 سنين
واللي شجعنيه .. أنيه أشوف الوالد والوالدة كل سنة وهم يختمون
وغير جيه .. كل نهاية رمضان .. يدي يسأل الوالد وعمومتيه .. يبا يعرف كل بيت كم ختمة ختمنا
فأنا وبما أنيه أكبر وحدة في بيتنا
قلت للوالدة بغيت أختم .. والحمدلله ابتديت أول ختمة في هالعمر
وعقبها كل رمضان كنت أحرص على ختم القرآن
وأشجع ربيعاتي في المدرسة
والحمدلله .. أحياناً أختم ختمتين أو ثلاثة
حسب الظروف
والسنة إن شاء الله نفس الشي
نصيحتي للخوات
اغتمن أي فرصة
يعني أنا يوم كان الوالد يشلنيه الجامعة أفتح القرآن وأتم أقرا لين أوصل الجامعة
ويوم أكون فاضية في الجامعة أقرا
ووقت ما يخلص الدوام .. طول الفترة اللي أتريا فيه الوالد أتم أقرا
بجيه تكونين قريتي صفحات من القرآن بدال لا يضيع الوقت من غير أي فايدة
وبما أنيه متعودة في رمضان أدخل المطبخ وأساعد الوالدة
أستغل الوقت عقب صلاة المغرب وأكمل قراية
يعني يا خواتي
قسمن الوقت صح .. وإن شاء الله بتحصلن فرصة لكل شي
والتلفزيون مب شرط اتتابعن كل شي ينعرض
يعني المسلسلات تنعاد عقب رمضان
لكن رمضان لو فات .. خلاص ما ينعاد
والإنسان مش ضامن عمره ربي يطولي بعماركن
يعني شو الضمان أننا بنعيش لين رمضان اللي عقب؟
اللهم يجمعنا على الخير خواتي
والحين البنات عندنا ايحاولن يختمون مرتين او ثلاث مرات
واهم شي ايكون عندج قرآن فيه شريطة عشان ما تنسين وين بتوصلين ^_^
وفيه ناس يختموووووون يقروون بيوم 60 صفحه وبجذييه يختمون ب10 اياااام هذي طريقه بعد للي يبا يختم اكثر من ختمه
يلي بنات نباا ردوودكم عشان الكل يستفيدددد
