شحالكن خواتي عسااكن بخييير ..
الصراحة ماعندي مشكلة بس صارلي موقف وحبيت اشوف رايكن فيه الله يسلمكن امسات كنت
سايرة السوق انا واختي اللي اصغر عني بسنة ويا الدريول ترى الوالدة مسافرة فقلنا نسير ناخذ
اغراض البيت وانزين وجان نسير صوب السفير اللي صوب هدايا العين اكيد بنات العين بيعرفنه
قلنا لانه جريب منا مافينا نروح كارفوور ولا مكان ثاني المهم واول ما خطفنا جدامنا سيارة وحدة
بنت اللي تسوقها ودريولنا هرن كم مرة بس ماعرف شو ياها وريوست ودعمت سيارتنا بقو ونحن
فيها واهتزينا طبعا وعاد دريولنا نزل يهزبها هاي يوم ما تعرف تريوس حق شو تسوق سيارة اصلا
صدق انها ناقصة عقل والمشكلة تضررت سيارتنا ورقم السيارة دش ع داخل بس حتى ولو تخيلوا
صابنا شي من تهورها ووقفنا ع ينب وظهرت الحبيبية كاشخة وتمت تتحرطم اونه ما صار شي الا رقم
وعقب دقينا حق الشرطة عشان اييون وهيه ردت سيارتها تترياها وجان يرز ويهه واحد وتم يقول انا
شرطة وهو شو يخصه وتم يقول ما فيها شي السيارة لازم شاف بنات اللي داعمين فقال اسوي عمري
شي شكله ياهل توه داش مدرسة الشرطة وقال شرطة المهم يانا الشرطي اللي من ساااعد وتم يطالع
السيارة والمشكلة في السالفة طلع ربيع اللي رز وييهه وتم يسولفون ويضحكوون ويقردنه شكله لو
انه ما يخصه في السيارة اصلا يعني ما يعرفهن ماعرف لين جيه رزة المهم دريولنا دق ع اخوية
وقاله الشرطي هات برمسه واخوي اصلا قايل عطونا ورقة البنت دعمت منو بيصلحه ولا تبونا نحن
تخسر جان يقوله خلاص اوكي وسكر عنه ورد يقول حق الدريول خلاص سير ارباب قال مافي مشكل
وروحوا بدون لا يعطونا ورقة ولا شي والحرمة روحت لو انا فيني جراة جان نزلت اهزبهم كيف
يقولون الشرطة في خدمة الشعب وما يساعدوون حتى لو شمخ في السيارة المفروض هو يعطي
ورقة وتعوض البنت عن غلطها وعشان تتعلم مرة ثانية ما تدعم وتتعلم كيف يسوقون سيارة صدق
الغلط من اللي عطاها الليسن وانا تميت مقهووووووووووورة دعمت ونحن تضررنا وسارت ولا جنه
صار شي وكله من الشرطة التعبانة يعني لو تضرر اللي في السيارة بيكتبون ورقة ؟؟؟؟؟؟؟؟؟؟؟
وخرط علينا وذلف واصلا اخوي قاله لازم تدفع اللي خربته وهو قال حق دريولنا ارباب قال خلاص
برايه ليش يجذب انزين ؟؟؟؟؟؟؟؟؟؟؟؟؟؟
السمووووووحة حبيت اظهر اللي في خاطري من حرة
ترى مب كلهم بخدمه الشعب الا من رحم ربي
واذا ع تصليح ضنتي ماتبون من عندها شي انتوا تقدرون وخلها تولي ربج فوق وبيحاسبهم كلهم بس رفعي ايدج لربج
دمتي بكل ود
ودايما عندهم اللي ورا غلطان !!
المشاركة الأصلية كتبت بواسطة فديتني ريماني 
ترى مب كلهم بخدمه الشعب الا من رحم ربي
واذا ع تصليح ضنتي ماتبون من عندها شي انتوا تقدرون وخلها تولي ربج فوق وبيحاسبهم كلهم بس رفعي ايدج لربج
دمتي بكل ود
الله يسلمج الغالية الشر ما ايييييييييييييج
والله مقهورة منه يعني لو صاير شي قوي بيتصرفوووووووون ؟؟
بس الله فوق وين بيروحون
تسلمين عالمرور
المشاركة الأصلية كتبت بواسطة كيم كارداشيان ودايما عندهم اللي ورا غلطان !!
الله يعينا الصرااااااااااااااااحة
تسلمين عالمرور
بسير الشرطه وبشتكي على الشرطي
وما بظهر غير الورقه في أيدي
لا حول ولا قوه إلا بالله
بس لانها بنت سوا لها كل هالحركات
المشاركة الأصلية كتبت بواسطة نور_العيون بسير الشرطه وبشتكي على الشرطي
وما بظهر غير الورقه في أيدي
لا حول ولا قوه إلا بالله
بس لانها بنت سوا لها كل هالحركات
رايي من رايج ختيه نور العيون 
