سواء من ضياع الشنط …. الجوازات … اشياء مهمه …. تعرضتي للسرقه … الغاء الحجوزات … مشاكل مع المرشد السياحي …. احد العاملين بالفنادق …. الاسواق او اصابك مرض 000000000الخ
افيدينا لنستفيد
ببدا باخر سفره لي وهي لماليزيا قبل السفر عملت بحث عن ماليزيا ولقيت ضالتي بجدول لعضو بمنتدى سفاري بعدد ايام سفرته والاماكن الي زارها وسعر التذاكر المهم اساجرنا مرشد سياحي عربي الجنسيه كان ياخذنا اماكن عاديه ومايعرف احسن المطاعم وصبرنا على بلوانا لان صديق زوجي هو اختار المرشد ولان كانت طلعاتنا مع بعض اقترحت على زوجي الاستعانه بالجدول لتحديد الايام واماكن الزياره والحمدلله عدت الايام على خير
فنصيحه اعملي دراسه للبلاد الي بتزورينها اول مره والاسعار اهم شي
وثاني موقف
ونحن راجعين للبلاد وفي المطار اكتشفنا ان ولدي ما عنده تذكره يعني ورقه الرجوع مو موجوده بالتذكره وما نعرف الغلط من مكتب الحجوزات او من المطار غلطو وقصو التذكره ولازم نحجز تذكره يديده دبل تذكرته والحمدلله كنا رايحين المطار قبل الاقلاع باربع ساعات وزين عدنا بيزات والله حراميه خذت منا سعر التذكره وزياده يوم قلنالها وين الباقي تمت تماطل وتقول بسرعه الطياره بطير صدقناها وركض للبوابه واكتشفنا باقي ساعتين على الاقلاع ومارضى ريلي يرجع ياخذ الباقي تحسبنا عليهم
لالالالالالالالالالالازم تتاكدون من كل شي
تروحون وترجعون بسلامه
مشكوووووووورة
انا الله يسلمكم كنت اتريا هذه السفره من اربع سنين وانا احن على ريلي لين رضا يودينا. المهم كنا سايرين ماليزيا وتايلند
المهم في (بوكيت) تايلند .خذنا تاكسي وقلنا له نبا نسير التاون يعني سوق المدينة وهو يبا يحوطنا على كيفه وودانا متحف او مصنع المجوهرات ونحنا مب متفيجين نشوف هذه الاشياء فعصب ريلي وودانا التاكسي المول وهو معصب وقالنا عطوني نص المبلغ وبترياكم في الباركنات فعطيناه ونحنا حسينا انه يجذب فنزلنا وسار.ويوم بغينا نرد الفندق ماحصلنا تاكسي تمينا موقفين في الشمس انا وولدي حرقته الشمس لين حصلنا تاكسي.
والسالفة الثانية انه نحنا سوينا شيك اوت بنطلع من فندق الهوليدي ان عطونا فاتورة الغرفة 36000الف بات.
قلتلهم مال شو قالو.قالولي حق الغرفه , قتلهم انا دافعين من قبل ما ني كل شي . عقب شيكو وقالو سوري غلطانين.
وبعدين ونحنا في التاكسي سايرين المطار اتصلو وقالو انهم يبون رقم الكرديت كارد عشان الغرفه.ردو على نفس السالفه وقلتلهم مابعطيكم لانا نحنا دافعين للمكتب ومارضو.وعطيتهم رقم صاحب المكتب الي في الامارات وسكرت وردت اتصلت وقالت عطيني رقم الكرديت كارد وقلتلها نفس الشي . عقب قالت عطيني رقم الموبايل وعطيتها وسكرت.واتصلنا في صاحب المكتب وقال انه دافع كل شي وانه بيتصل يتفاهم وياهم حتى كان راقد الساعه عندهم كانت 5 الفجر.
وردت اتصلت وتمينا على هذا الحال لين وصلنا المطار. وانا مب راضية اعطيها الرقم .ونزلنا المطار عشان انسير كوالالمبور ومن هناك من سير بيننج على طول بس ترانزليت قالولنا في المطار في ورقه من الفندق الي كنو فيه لازم تملونه عشان تسافرون لازم
فعصب ريلي وفي الورقه كانو بس يبون بس رقم البطاقه .وكتب رقم الكرديت كارد.
ويوم وصلنا كوالالمبور اكتشفا انه الطياره طارت وانه الوقت الي في التذكرة غلط يعني منهم وردوا الشنط الي المفروض تنزل بيننج. وبهدولنا لين عطونا تذاكر ثانية على حسابهم .
ابصراحه هذه السفره بهدله في بهدله وخاصة انه كان ويايه ولدي عمره 5 شهور صدق اتلعوز فديته.
وسلامتكم
المشاركة الأصلية كتبت بواسطة شما المحيربي 
مشكوووووووورة
فعلا ومن الحين اقول لزوجي حدد وجهت السفر للاستعداد لاي طارئ
الله كان بعونج على السفره صدق شفتي منها الويل
ولاتنسين بان التجارب تعلم الواحد لاخذ الحيطه والحذر
الحمدلله الامور كانت كلها تمام وعال العال
بس صار لنا موقف عمري ماراح انسااااااااااااااااااااااااااااااااااااااااااااه اهئ اهئ
نحن كننا اسبوع ف بيننق
ومن بعدها رحنا كوالا
ولما دخلنا الفندق وعطيناهم كل الاوراق
قالو لنا كل شي تمام
بس لازم تدفعوون 12017 ضمان للغرفه
ونحن ماكان ف ايدينا الا 5 الاف
دفعنا 2024 وماطعنا نعطيهم الباقي لان ورانا طلعات
واخترب السستم عندنا والفلوس طارت ف يومين
وعمي حط ف حسابنا فلوس
ولما نروح حق كل الصرافات مب راضيه تطلع لنا الفلوس
وقعدنا يومين على 150 تخييييييييييييييلو شهر عسل وماعندنا الا هالمبلغ
ومره كننا نتمشى فالمول وامالنا متحطمه خخخخ باقي لنا اسبوع وماعندنا فلوس خخخخخخ
الا نشوف واحد صومالي يتمشى الا ريلي يزقره
ويرمسه ويقول له السالفه
الا هالريال حليله ودانا حق صراف هو دوم يسحب منه
تخيلو اول تجربتين ماطلعت لنا الفلوس والصومالي مستغرب يقول غريبه ليش ماتطلع الفلوس صدق نحاسه
الا قال بنجرب اااااااااااخر مره طلعت طلعت وان ماطلعت خلاص <<< خخخ
الا تلاقون الانواط تطلع من المكينه اسميه هذاك اليوم افتليناااا خخخخ
والحمدلله عدت على خير
بس عشنا كابوس 3 ايام عمري مابنساهن
ياويلي بلاد غربه وبشهر عسل وما في فلوس والله حوسه
نحن كان عندنا فلوس بس سبحان الله ماكان لي خاطر اشتري صوغه والله كتب نحتاج لتذكره لولدي
والحمدلله على سلامتكم
