خواتي الغاليات نقس ماقريتن من العنوان ..
نحنا كنا ربع خمس بنات من ايام الطفوله لنا احلامنا ومشاريعنا المستقبليه على المستوى المهني والاجتماعي والعلمي ..ولله الحمد كلنا تحققت امالنا وخذنا الشهاده الجامعيه واشتغلنا احسن الوظايف ولله الحمد اتزوجنا والله رزقنا بالذريه الصالحه (نحسبها كذلك) 
..لكن وحده منا واللي هي كنا نظن انه نصيبها راح ايكون احسن عنا الحمد لله اتعلمت واشتغلت لاكن الله ما رزقها بزوج للحين وعمرها صار 32 سنه !!!!!!
تتخيلون مع انه مب ناقصنها شي بنت عرب وحلوه ومدينه منقبه وخلوووووقه واجتماعيه وناجحه فحياتها والكل يحبها …طبعا هي فحياتها ما شكت لنا الحال ومتوكله على الله ..بس والله تغمضنا وايد قلبها متشفق على اليهال وتموت فعيالنا وتييب لهم الهدايا فمناسبه ومن غير مناسبه …وابد نحنا ما فاتحناها فالموضوع …
لكن نبغي انعرف السبب هل عشان امها هنديه ؟؟؟ هذي مصيبه لو الناس اتفكر جيه ؟؟انا والله لو عندي قرايب او اخوان فسنها جان والله ماترييت دقيقه اخطبها لهم …ليش الناس اتفكر جيه مع انه والله متربيه احسن تربيه …
الغاليات بس حبيت افضفض واكتب قصتها عشان كل حد شراتها ما ييأس ويعرف انه فيه ناس اتحبه واتفكر فيه وتدعيله ..
ياااااارب ادعوك بصالح اعمالي ان ترزق الغاليه بالزوج الصالح الذي يعوضها مافات من عمرها هي وخواتها وبنات المسلمين ياااااارب
يبون وحده مثل ويهم ..
الله يرزقها بزوج الصالح اجلا غير عاجل
وكل تاخيره فيها خيره ^^
الزواج قسمة ونصيب
لا اتعقون ع انسانة مالها ذنب ومهما الام بتم ام وهيه شو غلطتها وشو يعني هندية مب انسانة هيه .! ومنو اللي يشتغل في البلاد ويبني و يتحمل حرارة الشمس ووغيره الا هم الهنود
يعني غلط انه انقلل قيمة جنسية معينة والتكبر والتفاخر هذه مالها اي معنى وانا اسميه تخلف عقلي لا اكثر ولا اقل
وياليت لو كل الناس اتفكر شراتج جان الدنيا بخير الحين
الله يوفقها ويزرقها بالزوج الصالح
المشاركة الأصلية كتبت بواسطة ابتسامة قمر 
الزواج قسمة ونصيب
لا اتعقون ع انسانة مالها ذنب ومهما الام بتم ام وهيه شو غلطتها وشو يعني هندية مب انسانة هيه .! ومنو اللي يشتغل في البلاد ويبني و يتحمل حرارة الشمس ووغيره الا هم الهنود
يعني غلط انه انقلل قيمة جنسية معينة والتكبر والتفاخر هذه مالها اي معنى وانا اسميه تخلف عقلي لا اكثر ولا اقل
وياليت لو كل الناس اتفكر شراتج جان الدنيا بخير الحين
الله يوفقها ويزرقها بالزوج الصالح
خلها تدعي ربهــا فصلوآتها وادعولهــا فكل حزه =)
