حبيت اطرح هالموضوع عشان الكل يستفيد
انا متاكده كل وحده عندها ياهل عمره اقل من سنتين قد كان يعاني من الالتهابات
المهم انا ولدي الله يسلمكم صارله اكثر من شهرين و هو يعاني من هالالتهابات
في بداية الامر كنت احطله بودرة اطفال وماكنت ادري انها ما تزيد الطين بله عند الالتهابات
وبعدين سرت مستشفى الواحة وكتبتلي الدكتورة كريم اسمه (سودوكريم) يلست اسويله الكريم لمده اسبوعين على امل تخف الالتهابات بس ما فاد الامر, وبعدين سمعت عن كريم ( كينا كومب) انه اوكي وقمت استخدمه كان فعال بس يوم خلص المرهم ردت الالتهابات وسرت الصيدلية ادور عليه قالولي انهم منعوه لانه خطير ويسبب ضمور في الجلد و قلت ماعليه بسيرلي مستشفى ثاني عند دكتور اطفال ثاني , عقب سرت مستشفى العناية التخصصي وقلتله يكتبلي ( كينا كومب) بس ما طاع وقالي ام الكريم هذا خطير على جلد الاطفال ويسبب ضمور في الجلد على الرغم انه موجود وحصلته فصيدليتهم بس ما خذيته خفت, وبهدين كتبلي الدكتور اسم غسول ( بيتادين) وقالي غسلي منطقة الحفاظ بها الغسول وعقب نشفي المكان زين ز كتبلي اسم كريمين عبارة عن مراهم الاول يكون ضعف الثاني عند الاستخدام
الله يسلمكم الاول اسمه ( Aveeno Baby) هذا يكون ضعف المرهم الصغير واللي اسمه
(Quadriderm)
وقالي اذا خف الالتهاب بس استخدمي الاول واتركي الثاني
الحمد الله هالكريمات واااايد نفعت ولدي الغالي عسى الله يحفظه من كل شر ويحفظ عيالكم يارب
ومنطقه الحفاظ كان طالع لها مثل حبوب حمره !
واستخدمت كريم بوردو مادري شو ومافاد ! واستخدمت سيبا ميد بعد مافاد !
جان اشاور اختي الغلا وقالت لي شي فازلين للاطفال وايد اوكي
سرت الجمعيه وماحصلت منه وحصلت بيبي جونسون بس شكله مثل الفازلين مكتوب عليه جل للاطفال
اشتريته والحمدلله الحين راحت الحبوب وكل شي تمام .. 
تسلم ايدج اختي على المعلومه بسجل اسم الكريم عندي عشان مره ثانيه اشتريه …
وما يشوف شر بيبيج ان شاء الله ..
أنا ولدي صار له التهاب في منطقة الحفاظ لدرجة إنه اتقطع وتم يطلع دم
ماخليت شئ ماأستعملته له ومافية فايدة
إن شاءالله بجرب هالكريم ..
المشاركة الأصلية كتبت بواسطة روح مرسى الاحزان 
سيم سيم كلام انا بعد استعمله حق ولدي من زمان وخواتي بعد بس ماشاء الله روووووعه مفعول سريع واستعمله كل ماأبدل البامبرز
