وصلت على حافة الجنون من تصرفات ريلي

السلام عليكم بنات

اشحالكم

اطلب منكم الدعاء
احس عمري بتخبل من هالريل
من اول ما تزوجنا كان شوي بخيل و عنيد و ما يسوي لي سالفة مووول و تصرفاته تجلط تجلط تجلط

و انا ماخليت شي ما قريت و اتعدل و تعلمت احلى الطبخات و عيالي الحمد لله هادين بشهادة الكل و ريلي تغير وايد وايد للأحسن و ريلي من زود الوناسة يقول لربعه حرمتي مدلعتني و حرمتي معززتني و حرمتي و حرمتي
و يوصل لي الكلام من حريمهم و صرنا عائلة مثالية و ما علينا كلام

بس المصيبة اني كنت ضاغطة نفسي علشان كل شي يكون تمام
و مضحية براحتي حالي حال اي ام تبغي تحافظ ع بيتها علشان أمور البيت تمشي بسلام
ويكون بيتي هو الملجأ الآمن لريلي و عيالي

و لكن الفترة الأخيرة احس ريلي تغير و رجع لطبعه الأولي
يعني صار يعلي صوته و يبخل شوية شوية
كل يوم تحقيق و على كل شي تحقيق
حتى لو رايحة بيت اهلي ابا اشوف امي يسألني شو عندج
كيف يعني شو عندج ؟ ابا اشوف امي
ربيعتي بنفس فريجنا لو رحت لها تحقيق

كل شي بطنشه بس انه يرفع صوته عليي قدام اللي يسوى و اللي ما يسوى لاء

ف انا طفرت و لو قلت لها انا متضايجة من شي يقول لي خلاص لا تطلعين وايد عطيتج ويه
انزين شو خصه و يوم اناقشه يقول لي لا تجبريني احلف يمين
ف اسكت

يعني اللحين رجعنا لنقطة الصفر و رجع لطبايعة الكريهه ف بداية زواجنا
ما توقعت ف يوم ترجع هذيك الايام السودا

ما اقدر ارمس لانه الكل يشوفنا مثاليين و عاقلين و بالعكس يطلبون منا نصلح بين الناس و هم ما يعرفون انه حالتنا صارت حالة

دعواتكم بنات تتعدل الأمور انا نفسيتي تعبانة

بس مسحتي الشخصيه!!!!! دلعتيه والدلع مب عيب بس الرياييل يوم يشوفون الحرمه ساكته خلاص ومب بس هم اي انسان يوم يشوف الطرف الثاني مسالم على طول يطلع عقده فيه!

عادي مااعرف شو اقول هههههههههه لو تاخذين اجازه منه هههههههههه بيعرف قيمتك

ردي القساوة بالحنان وراح يلين لو هو حجر ولا تجبري عليه يحلف يمين صدقيه وامنحيه الثقة وحبيه اكثر وهتمي فيه اكثر وحنين عليه ومافيها عيب لو دلعتيه اكثر واكثر لا تخجلين هذا زوجك حلالك سوي ال يحبه وكوني فعينه انتي إمرأه فيكي كل الصفات
وربي يوفقك ويسعدك ويقر عينه بكي يارب ويهدي سركم

حلو الرد إلى قبلي فعﻻ الكلمة الطيبه

بتخليه غصب عنه يحترمج ودووم ادعي

ربي يسخره لج ويهدى سركم

وماحد يتم على حال

الغالية يمكن محسودين , حاولي ترقين نفسك وزوجك وعيالك وبيتك وعليكي بالدعاء والصدقة

حبيبتي هو تقاعد؟
احيانا هالتصرفات ترد على الكبر ويكون هو الامر والناهي في البيت لا تعانديه ولما يحقق معاج قوليله حبيبي اشرايك انت توصلني
لما بيهدا رمسيه وايد صرت تعصب علي وعلى أسباب انت شو رايك تستاهل تحلف يمين؟
خليه يرمس اسمعيه يمكن عنده مشكله او ظروف