شحالكن عساكن بخير
اختي وصلت الـ 40 وللحين ما تزوّجت
بعرض لكم موضوع وأرجو من الله ثم منكن انلاقي لها حل
اختي ولله الحمد متعلمة وخريجة جامعة وتشتغل شغلة مرموقة
تعرّفت على شخص أصغر عنها بسنتين
المشكله انه (عماني) ومتزوّج وعلى قد حاله
هالشخص على طول عرض عليها الزواج وشرح لها وضعه بالتفصيل وما خش عنها شي
ووعدها يكون متفهّم لطبيعة شغلها
هي شرطت عليه تسكن في بوظبي مقر شغلها ولو انها من العين
على أساس السكن يكون علها لأن عندها بدل سكن من الدوام
وبنفس الوقت تحط ايدها بيده وتساعده
مشكلة اختي انها تعبانه في حياتها ويا اهلي
تحملت المسؤولية من صغرها وما لقت الحنان
وتحس ان هالريال بيعوّضها عن كل شي
هي محتاره وخايفة من كلام الناس وكلام أهلي انهم يعايرونها انه عماني
وهذا غير ان شكله مب بذيك الوسامه وأسمر
أنا عن نفسي وحرمة أخوي شجعناها وقلها عادي ما فيها شي
خاصة وانها وصلت لهالسن
هي خايفه من رفض أهلي
ولو وافقوا بيوافقون مب من خاطرهم لأنها بتقنعهم بظروفها
وحاطه في بالها لو ما وافقوا راح تملج بدون موافقتهم
هي محتاره وايد وايد
تبي الراي والمشوره
أرجو من خواتي تعطوني رايكن في حالة اختي
ويزاكن الله ألف خير
خلها تستخيير ،، ولا تستعيل -_-
ولا هي مو بشر ومو لازم تحاتون مشاعرها!
الله يكتبلها اللي فيه الخير
ولا جان عشكل وغيره مابينفعها ها كله اهم شي شخصه واخلاقه ..
المشاركة الأصلية كتبت بواسطة NoOone 
ولا هي مو بشر ومو لازم تحاتون مشاعرها!
انا معاج ، صج وين زوجته من الاعراب خسارة يوم الواحد يفكر في روحه وينسا مشاعر غيره للاسف الحرمه لو تاخذ واحد معرس تقول شو فيها انا مب اول واحده تجي ضره وغيرهذا نحنا نحب بعض وهو مب مرتاح مع حرمته الاولئ ولا شاف منها الحنان تدو ر لها ستين الف عذر واذا العكس ريلها بيعرس عليها تقلب الاول والتالي وتهدد ويمكن تحرق خيمة عرسه ،، يعني ياجماعه حسو في مشاعر الناس حطو نفسكم مكانهم شوفو شو بيكون شعوركم ، الواحد لازم يرضا بقدره وما يخرب حياه غيره ويبهدلها الا هي دنيا ماتسوى ، اختج اذا ماعرست فيهالدنيا انشالله بيكون لها ريل مضمون في الاخره بدال ماتحرق جبد الحرمه الب بتاخذ ريلها منها .*
