مرحبا بنات شحالكم عساكم بخير, فديتكم ممكن تفيدوني انا ناوية اسير دبي مع ريلي ويمكن نحجز في الفندق بس هذي اول مرة اخذ ولدي معاي اريد اعرف شو راح يكون الوضع لما نروح المطاعم يعني هل كل المطاعم يوفرون الكرسي الصغير مال الاطفال لان ولدي الله يحفظه عمره عشر شهور وبعد شو لازم اخذ معاي للفندق لما نتمشى لان اخاف يطفر وريلي يرجعنا الفندق وما نتمشى. اتمنى انكم تفيدوني
أغلب المطاعم فيها كراسي .. فلا اتحاتين
ما فهمت شو قصدج شو آخذ معاي للفندق ؟!؟!؟!؟!؟
طبعا انت بتاخذين كل الأشياء الضرورية اللي بتحتاجينها
وخاصة للبيبي
موفقة الغاليةة وكل شي متوفر بس خذيله اكل بروحه وخليه احتياط يمكن ما تحصلين شي تطلبينه ولا تنسين تحطيله روب بالفواكه أو عصاير متنوعة وغيره
خلي وياج شنطة حق اغراضه والعربة ضرورية عسب ما يلعوزج
الغاليه خذيله وجباته من سيريلاك اذا كنتي تعطينه وبسكويت عشان يتسلي فيه..وألعاب صغيره ..واذا طلعتوا الشنطه خليها جاهزه معاج فيها غيار للبيبي من بامبرز وبدله ومطاره صغيره ماي حار ودبه صغيره ماي بارد وبسكوت ومشاش والحليب. وحق الفندق خذي العاب صغيره وديفيدي صغير تحطيله اشرطة رسوم اللي يحبها وهو داخل العربانه وبيفكج بتقدرين تتسبحين وتاخذين راحتج..واذا سرتوا برع .بس يصيح تقدرين تقعدين اي مكان وتسويله الحليب وتخلينه روحه يشربه ..انا بس اطلع مع ريلي جي اسوي وانا اتسوق اخلي عنده بسكوت يتسلى فيه واذا حسيته يصيح يبا حليب يلست مع ريلي في كوفي وندور مكان مافيه زحمه اسويله حليبه واخليه يشربها روحه ونطلب اللي نباه وارد اكمل اتسوق ومرات يرقد فديت قلبه..والله يوفقج الغاليه ورحله ممتعه وسعيده والله يوفقني انشاءالله مع ريلي..
ما شاء الله الاخوات ما قصروا … وانا استفدت منهم االصراحة …
الخوات ماقصروا
الله يجزيها خير كل وحدة ردت علي.
