والله ما عرف شو اسوي ماشاءالله ولدي اول سنه له كجي ون وما يحب يسير المدرسه يتم يصيح لانه متعلق فيني وايد واطر اني اخليه يصيح وروح عنه تقول المدرسه يتم يدورني ف الصف والصغاريه اللي وياه ماشاءالله عليهم ساكتين الا ولدي يصيح اتلوم ف المدرسه يوم تقولي ويتم يقول حق المدرسه بطني يعورني عشان يروح كل يوم معاناه ما يطيع ينش الصبح الا بضرابه واخاف يتم طول السنه يصيح شورن علي والله مرات اقول خلني اطلعه من المدرسه وخليه السنه اللي عقبها وما اقدر اغيبه لان مدرسه خاصه وبدوا وياهم التعليم احترت ارد البيت وانا مضايجه يوم اشوفه يصيح يغمضني لان بجري عشان جذه شورن علي يا امهات اللي عندكم اعيال ف الروضه نفس حاله ولدي شو اسوي
والسموحه منكم
عيال اختي واحد كي جي ون و الثاني كي جي تو
والله يمكن تموا شهر تقريبا كل يوم مناحة الصبح و بالذات الكبير كان يزاوع و حالته حالة يوم يروح المدرسة
بس بعد شهر تقريبا ما شاء الله ينش بروحة و يسير المدرسة و يوم يي يتم يسولف كيف المدرسة حلوة و ماعرف شوه..
فعادي حبيبتي انتي قوي قلبج و ان شاء الله بيتعود
والله المستعااان
المشاركة الأصلية كتبت بواسطة روزي حمرا 
والله المستعااان
والله حاسة فيج…لاني امس تميت اصيح من قلة الحيلة والحيرة…والله بعد انا ما كنت اعرف شو اسويبه…
ولدي توه هالسنة يروح اول روظة…ونفس قصة ولدج وايد متعلقنا…حتى انه فالبيت يتبعني ولا يتبع ابوه…وما يروح عند حد
وانا اطرشه فالباص لانا فمنطقة نائية و الباصات انظمتهم حلوة و مأمنه…
عانيت لين ما طرشته فالباص بروحه…وعور قلبي و تميت اصيح وياه…ولحقته و استقبلته عند باب المدرسة…
ثاني يوم نفس الشي…وثالث يوم (اللي هو اليوم) طرشته الروضة بروحه…بس كلمت مدرسته قبل ووصيتها عليه قبلها بيوم… وشرحتلها وضع ولدي كامل…عشان اطرشه وانا مطمنه…
يعني باختصار داومت مع ولدي اول 4 ايام ..وكنت بالتدريج ابتعد عنه…وحفظته وين صفه و هيأته شوي عالوضع..
مع اني لاحظت انه وجودي فالمدرسة وووااااااااايد يخرب و يتم يصيح…بس ما قدرت اخليه من اول يوم…
الحمدلله يوم قويت قلبي و خليته يروح بروحه … اتعلق بمدرسته وقام يتبعها و يعتمد عليها….و اتأكدت ان وجودي كان يشتته وايد…
واكيد برد اعاني يوم الاحد مرة ثانية…لان نفس السالفة يوم يقوم الصبح يتم يصيح ما يريد يروح المدرسة و لايريد يركب الباص…بس يستسلم فالنهاية
