اشحالكم عساكن بخير ..؟
مشكلتي الله يسلمكم ولدي يسهر في الليل و من ما يطلع الفجر خلاص يرقد ؟
الحين كمل شهرين و كمن يوم ، حاولت ما ارقده النهار و الهيه و من ما ايي الليل يتم يصيح وما يرقد و يتم لين الفجر كالعاده عطوني من خبراتكم يا امهات ؟؟
و السموووحه
فديتج اتعودي هذيل العيال ومب زين ما تخلينه يرقد .. خليه يرقد على راحته واي وقت لانه فديته عمره شهرين ويوم بيكمل 4 شهور بيرقد عدل والله يخليه ان شاء الله
صدقج والله الغاليه .. بس يقولون لي عدلي رقاده حاولت و ما قدرت .. و انا احس اني صغير بعده .. و في نفس الوقت انا اتعب من السهر لاني مب متعوده قبل فاهمه علي ..
الله يعافيه بس و يحفظه ..
و تسلمين عالرد
متى ما بيرقد خل يرقد ومتى ما ينش ينش مب مشكله ,,
ها بعده صغيرون ومن يكبر كم شهر بيعتدل رقاده ,,
اصبري عليه كم شهر وانشالله بيعتدل رقاده ^^
بس ممكن فليل اذا تبين يرقد شويه فتره حطيه مرضعه حليب لانه يشبعهم اكثر من حليب الأم فما ينش يصيح فليل يوعان
