شحالكم يابنات وكل عام وأنتم بخير طرحت موضوعي كل وحده فيكم تخبرنا عن جدولها اليومي في رمضان من وقت صلاة الفجر لغاية السحور
أنا عن نفسي أصلي صلاة الفجر وأقرا الأذكاراليومية وبعدين أقرا القران وأصلي ركعتين وأروح أقوم ولدي علشان يروح المدرسة وأعطيه يأكل الريوق بعدين أتريا الدريول علشان يأخذ ولدي المدرسة وأروح أرقد لين الساعة 11 أنش علشان أروح اسوي الفطور وأصلي صلاة الظهر وبعدها العصر وأكون بالمطبخ وما أطلع منه قبل لا يأذن بدقايق أكون مخلصة كل شي ويأذن المغرب ونفطر وأصلي وأروح أتلبس علشان أروح الدوام وأصلي العشا والتروايح في الدوام وأرد البيت الساعة 12 وأريح شوي وأنش قبل وقت السحور بنص ساعة وأتسحر وأتريا لين صلاة الفجر علشان أصلي
يالله كل وحده تخبرنا شو جدولها اليومي في رمضان
أنش الصبح الساعة 7 أتجهز واسير الكلية واصلي الظهر في الكلية وارجع الساعة 3 واصلي العصر في البيت وادخل المطبخ واسوي الفطور ويا البشكارة وعقب الاذان أفطر واصلي المغرب واريح وايلس ويا بنتي لين صلاة التراويح اصلي وارجد وعقب انش قبل الاذان بساعة اتسحر واتريا الاذان واصلي واقرى قرآن وارجد ساعتين وانش للكلية
اول شئ انا ف رمضان اكره التلفزيون ما اشوف المسلسلات احس تاخذ وقتي اقول بتنعاد بعدين المهم انش اصلي الصبح واقرا الاذكار واستغفر واسير اداوم وارجع ادخل المطبخ و اطلع قبل صلاه المغرب اسير اتسبح واتجهز و بعدين بعد الفطور ع طول اسير اترتب و اسير المسيد و ارجع و اقعد اقرا قرا و ارقد و انش مرات حق السحور و اكثر وقت الفراغ اقرا قران و اصلي القيام بعد
