يحبطووووونــي دوم :-(

اشحالكم خواتي ؟؟

بنات وحريم ،، انتوا يمكن اتشوفون مشاركاتي في وايد من المواضيع في هالقسم بالذات لاني من النوع اللي أحب احل مشاكل او ع الأقل أعطي رآيي للناس ،،،، علو وعسى يستفيدون ،،،،،

واليوم انا عنـدي مشكله ، أو بالأصح هيه مب مشكله كبيرة ،،،،،

مشكلتي هيه ان انا اصغر وحده فالبيت وعمري 20 ،، وبعدي أنا امي حملت 3 مرات وعقت وآخر حمل كان لها في سنة 2024 ،،، اوكيك ،، والناس هني قالوا يمكن انا غيورة مابا حد بعدي ،،،، المهم اني ماما تعبت من سنتين تقريبا وشالت الرحم ،،،، وخلاص ،،

المهم ،،، بعد ما كبرت أنا ،، عاد تعرفون الخطاطيب ،،،

من كان عمري 15 او 16 وانا ما شاء الله كل فتره حد يخطبني ،، والحمدلله على كل حال ما يستوي نصيب ،،

ومن فتــــرة بدت المشكله اللي صدق عقدتني ،،،

ناس اتصلوا انهم يبون ايون : نسيهم اتوفــى >>>> وحطوا اللوم علي اني نحسه ،،

ناس يونا البيت يخطبوني : من طلعوا الناس من البيت اتصلوا وقالوا خلاص اخونا ما يبا يتزوج >>>> وقالوا عني حسه ،،

ربيعة اختي اتصلت في اختي وقالت عن واحد ان يبوني حقه : وأبوه تعب ،، بس قبل لا يكلمون اختي بيومين كان الأبو فالمستشفى تعبان ،،، يعني انا ما يخصني >>>> وقالوا عني نحسه ،،

وناس يوني وخطبوني : وراحت واتصلت وقالت البنت وايد عيبتني بس ولدي حجمه وايد كبير وحرام بنتكم صغيرنه وايد وانا جي مابا أظلمها >>>> وقالوا عني نحسه ،،

صــدق النحاسة جي تسوي ؟؟؟؟؟؟؟؟ ،، وكم مـــره قالولي روحي عند حرمة عشان توسمج ،،،،،،،،،

وأنا الحين قررت ، اني أروح عند أي وحده توسمني ،،،،،، وانا قلت حق ماما وقالت اوكيك ،،،

في حد استواله جي ؟؟؟؟ ووسموها واستوت اوكيك ،،، ؟؟؟؟؟؟؟؟؟؟؟

بلييييييييييييييييييييييييييييييز ردوا علي لاني جي أتحطم أنا ،،،

والسموووووووووووووووحه

وخلي الزواج في صوب ،، بس صدق الكلام هذا ،، ان النحاسه جي تسوي ؟؟؟؟؟؟؟