حنا الابي سعد ترجح فعلونا بالموازين
عنا الردي يقصر ولو كثر ماله
بالطيب حكام وثقات وسلاطين
وفي الشر لا قمنا سوات القيامه
تاريخنا معروف أول وهالحين
عدونا ما نلتفت في سهامه
على ظهور الخيل مثل الشياطين
ندعس على الطاغي ونكسر عظامه
نمشي على مذهب ونحمي القوانين
وليا حكمنا حكمنا فيه شامه
نقطف من الاثمار غصن الرياحين
ونخلط معه عود النفل والخزامه
نكرم عزيز القوم وناوي المساكين
ومن ينتخي فينا نشد حزامه
والجارجار الله وحنا له انعين
نجلي عنه ضيمه ونعز مقامه
وخوينا في طرقته يكحل العين
متوشحن درع الشرف والكرامه
يمشي ولا يلتفت يسار ولا يمين
بمان من غدر الزمان وانصرامه
وضيفنا بصدورنا قبل الدواوين
يلقى بها الكرم ويلقى الشهامة
افعال ربعي كما شهق المزابين
يزبن بها الخايف ويجلي ملامه
===
الشاعر / ممدوح العضيباوي
