يوميات الام العاملة وشو يستوي في بيتها .

تنش تتريق وتسير الدوام ومنو يقوم عيالج منو يريقهم منو يريق ريلج <<<الشغالة

سالتي عمرج كيف تنشش عيالي تعصب عليهم ولا لاء يتريقون ولا لاء يعني وايد يهمها الشغالة ريوق عيالج

والبنت الصغيرة والطفل الرضيع اللي في البيت تاكلهم تجابلهم كيف تتعامل معاهم اذا صاحوا اذا طاحوا!!!

سبحان الله الام تطفر من عيالها وتعصب وتضربهم ساعات وين الخدامة شو تتوقعون منها !!!

وبعدين ترد البيت وهي تعبانة بتتغدا على السريع عسب ترقد لان العصرمواعدة ربيعاتها مال الدوام بتظهر بتسير تفصل عبي حق الدوام وبترد الساعة 8 عيالها رقود عندهم مدارس وهي طبعا تعبانة من الحواطة والدوام مب متفيجة تتعدل وتتريا الريل

سبحان الله كم ساعة هي برع البيت وكم ساعة جابلت عيالها ويلست معاهم

العيال يبون الام تاكلهم وتيلس معاهم وتسولف معاهم ويمكن يبون رضاعة ووووو

والزوج المسكين الطيب زيادة عن اللزوم اذا ما لاقى راحة وحب واهتمام الشارع متروس بنات ما بيي يترجاج عسب تعطينه حب وحنان

في الاخير

خسرتي بيتج والاجر من الله

خسرتي زوجج

خسري ابناء صالحين قياديين متميزين وربما تخسرينهم ايضا

كم طفل مات بسبب الشغالة واهمال امة؟؟؟؟ حبيبتي يوم القيامة ربج بيسالج انتي عن سبب موتة واهمالج وبيحاسبج

انتي قلبج بيتقطع اذا استوا شيء بعيالج
( ابوظبي)ما سمعتي عن الولد اللي يته حمى وارتفعت حرارة وااايد وهو طبعا عند الشغالة والحين من سنين يتعالج بالمانيا ماحصلوا له علاج لان اعصابة تلفت وما عنده كنترول على شيء اعضاءة تتحرك لا اراديا

صاحت وندمت وبعدين شو استفادت مع انها مدرسة يعني مربية اجيال ما قدرت تربي ولدها الى ان ضاع عنها
(دبي_ندالحمر)ما سمعتي عن الولد اللي كل ما طلب شيء من الشغالة حطت له سمسومة في اذنة زين ما فقد سمعة

والفيديوا اللي راووه في التلفزيون اللي يقطع القلب الولد يبغي عصير تضربة ضرب عسب ما يخرب عليهم الفلم

وغير وغير وغير قصص تقطع القلب

اختي الغالية لا تتشكين وتقولين ريلي خاين لانة ما لقى الحب والحنان والاهتمام منج

صحيح انا نبغي طبيبات ومعلمات واداريات نراجع عندهم بس خلي الشغل للشخص اللي ما عنده اهتمامات مثلج او ودري عيالج عند امج او عمتج عند حد ثقة …

نحن ما نقول لا تشتغلون اذا حبيتي انج اداومين رتبي جدولج اليومي حاولي تتفرغين حق بيتج وعيالج من تردين

عوضيهم بالوقت اللي كنتي برع وحذاري حذاري تودرين عيالج عند الشغالة

واذا ما كنتي بحاجة العمل وما كان راتبج للخرابيط والكماليات ليش تتعبين وتعبين عيالج وزوجج

كوني اميرة في منزلك تدللي ودللي اصحاب البيت من زوج واطفال ربيهم تربيه صالحة

تقول الدراسات ان ابناء ربات البيوت اكثر انجازا واقدر على تولي المناصب العليا واكثر ثقافة من ابناء المتعلمين وابناء العاملين سبحان الله نسب تخوف لان من كثر اشغالهم ما عندهم وقت لعيالهم

اختي الغالية نحن ما نعمم ولكن هذة شريحة موجودة امبينا وفئة حقيقة مخوفة

اتمنى الاستفادة لاني والله اشاهد هذة النماذج حواليي وقلب يتقطع على هالابناء

اختي الغالية اهتمي في بيتج وزوجج وابناءك لان اموال الدنيا وما فيها لن تعوضك عن ابناءك ولن تشفي قلبك اذا جرح بالخيانة ولن ترمم شرخ ابتعاد ابناءك عنكي

راجعي نفسك الغالية وحطي النقاط على الحروف

اللهم احفظ لي زوجي وابناءي ولا تحرمني منهم يارب وقدرني على تربيتهم تربية صالحة وزوج راضي عني ان شاء الله

اختكم