حبيت افيدكم في هذا الموضوع عن يومي بالكامل
وكيف احصل وقت لقراءة القران واتابع شغلي فالنت وقراءة الاذكار وغيره
سبحان الله يابنات كنت اتخيل اني ماراح احصل وقت لشي بس سبحان الله كان ربي يسخرلي كل شي رغم انه عندي اطفال
اقوم قيام الليل واقرى سورة الملك والواقعه والزلزله واذكااااار الصباح وبعض الادعية
وانتظر لين ما ياذن صلاة الصبح اصلي الصبح واقرى ايه الكرسي وبعض الاذكار
بعدين اسير اوعي توته من النوم عشان تسير المدرسه واوصلها المدرسه وارجع البيت واتابع شغلي في النت واشوف بناتي الحلوات
وبعدها اشوف شوي تلفزيون وعقبها اصلي صلاة الضحى واقرى قران
بعدين اصلي صلاة الظهر واسير ايب بنتي من المدرسه
واتم يالسه او اطلع او اذاكر لبنتي او اتابع شغلي بالنت لين صلاة العصر اصلي وعقب اكمل مذاكره لها
صلاة المغرب اصليها في وقتها واقرى سورة السجده والادعيه المسائية
وعقب اصلي العشاء
واذا في وقت بين الصلاواااات او انا اطالعه اكثر من الاستغفااااااار
الشعور اللي احسه برااااحه نفسيه وراحة بال
نور في وجهي
احس انه لكثرة قراءة للقران في فراغ ووقتي منظم
حاولوا تقرون القراءن بنات لو مره في اليوم وتقولون الاذكار الصباحية والمسائية وبتشوفون شو الفرق في حياتهم
وكل وحده تقولي كيف منظمة يومها لقراءة القراءن او الاذكار ؟؟
وهل تحسون باللي انا احسه ؟؟
برنامج طيب
الله يثبتج أختي ويزيدج من فضله يا رب
الله يوفقج لكل خير
بس يا اختي مافي سورة اسمها الكرسي
وانما هي آية من سورة البقرة
(اية الكرسي ) وهذا الصواب
واذكار المساء تنقال من بعد صلاة العصر الين قبل المغرب (هذا المكتوب ع كتيب الاذكار اللي عندي
وتابعي تلفزيون الشارجة بتسمعينهم يحطون اذكار المساء بعد صلاة العصر )
ما رأيك لو تفعل أحدها غداً ..
..الدعاء في جوف الليل
.. هدية بسيطة لأحد الوالدين
.. صلة قريب لم تره منذ أشهر
.. التسامح مع انسان غاضب منك
.. نصيحة أخوية ودية لإنسان عاص
.. رسم بسمة على شفة يتيم
.. صدقة لا تخبر بها أحد
.. قراءة سورة البقرة
.. صلاة الضحى
والتنبيه^^
