السلام عليكم ورحمه الله وبركاته
شحالكن بنات عساكن بصحه وسلامه
اليوم نزلت تجربتي بالقسم اللي نزلت فيها 5 كيلو ونظامي كان اكل صحي مع تخفيف ورياضه ووصلت ل 63 كيلو ، ولله الحمد 
وان شاء الله بكمل ع نفس المنوال لين ما اوصل 55 كيلو او لين ما احس انه وزني حلو بالنسبه لطولي
بحط هنا مختصر عن يومي ، شو كليت – شو سويت – الرياضه – معلومه
يعني بالمصطلح المفيد يومياتي ❤ 
وأي بنت حابه اني اشجعها بس تقرب وتكلمني هنا وانا بنصحج ع حسب معرفتي و اشجعج لين ما نوصل للهدف اللي نبيه ❤ 
من باجر ان شآء الله تعالى ببدأ ، اتمنى تفاعلكن فديتكم 
ربي يحفظكم ❤
اختكن .. عوآشه 
منوره قسم
ماشاءالله نزلتي ٥كيلو ان شاءالله اتنزلين أكثر فديتج وأكيد بنشجعج
موفقه فديتج
وان شاء الله توصلين لهدفج
وان شآء الله اوصل للوزن اللي ابيه
تقرير اليوم 28/8/2016م
………………………………..
# أكلي لليوم :-
1|| ريوقي ♥
بحجم الكف بلاليط + خوخه وحده + موزه وحده + كوب حليب
2|| الغدا ♥
ملآس 1 من العيش + فخذ دجاجه مشوي + روب
3|| سنآك ♥
خوخه وحده + تفاحه وحده
4|| العشى ♥
ملعقتين اكل من عيش وتونه
……………….~♥
# رياضتي :-
* ماسويت رياضه فعليه اليوم لانه اليوم اول يوم من الهذيج 😳 واتعرفون العوار 😋
اقتصرت اليوم على شغل البيت يعني من الصبح لين الحين وانا حركتي مستمره الحمدلله
………………..~♥
# كميه الماي :-
شربت اليوم لتر ونص الحمدلله ، ولين موعد النوم اكيد بكمل النص الثاني وبكون خلصت لترين ان شآء الله
…………….~♥
وجيه خلصت تقريري لليوم
اختكن .. عوآشه
بسس ابا اعررف كم يوم نزلتي ال5 كيلو و شو كان اكلج ؟؟ ورياضتج ؟
