تجميع نواعم الفلاح

مرحبا بالنواعم ومبروك عليكم البيوت
حبيت افتح هالتجمع عشان نتشارك ونتبادل الافكار في تأثيث البيت شو كسرتوا وشو اضفتوا والصبغ والاثاث
كل شي عشان نستفيد من بعض وطبعا بالصور عشان توصل الفكرة للكل ونفهم ع بعض شو اضفنا في بيت الاحلام
وكل وحدة تقول بيتها اي طراز وكم غرفة
بيتي الطراز الاندلسي 4 غرف في A
وللحين ما حطيت شي ابدا ولا غيرت شي اصلا من الاساس ما رحت الا مرتين ولا اذكر تفاصيل البيت
وحاطة افكار وايد بس مجرد افكار ماسويت شي فالواقع
اهم فكرة اكسر حمام الميلس واسوي ميلس كبير مع غرفة الطعام
اما زيادات ثانية مب محتاجة حاليا الحمدلله البيت يكفيني
وغرفة النوم افكر اسويها كامل ابيض في ابيض ورق جدران والاثاث عشان مستقبلا اقدر اكسر اللون واجدد عن طريق تبديل الستاير ولحاف السرير والاكسسوارات ولا اتقيد بلون السرير او اليدار

هذي بعض الافكار
انتظر افكاركم وانجازاتكم في البيوت

مبروك حبيبتي ربنا يرزقكم خيره ويكفيكم شره ،، اختي ممنوع تكسروا شي وتغيروا في التصميم الاساسي ع الاقل لمدة سنه حسب علمي لانه عليه ضمان لمده عام اتأكدوا واقرأي الكتيب المرفق ،، ع فكرة انا مثلك حاطة افكار بس والى الان ماسوينا شي منتظرين الفرج من الله …
موفقه اختي

مرحبا بج زود اختي
نحن بيتنا شراتكم الطراز الاندلسي و4 غرف

وصح كلام ام انان ماتقدرين تكسرين الحين صح الغرف تحسينها صغيره والميلس مستحيل يكفي للضيوف اذا بتعزمين حد

بس الحمدلله على كل حال بنتريا سنه والله كريم

انا اخترت كم شكل جبس للسقف وللزوايا من النت من الكتالوج بالمحل بس بعدنا ما سوينا شي للحين

ياريت البنات يحطون لنا صور ناخذ افكار يديده

جعله بيت عامر فيه الخير والبركة عليكم

موفقين ان شاءالله

اجمعين يا رب
هيه اعرف ممنوع انا نكسر حاليا
هذا ان شاء الله مستقبلا
بحاول باجر احط لكم صور الافكار اللےْي ‏​فـ♡ـي بالي وعطوني رايكم
مختارة كل شي بسيط وناعم ‏​بِــ̯͡سّ رايكم يهمني وايد

وينكم يا نواعم