بسم الله الرحمن الرحيم
هذا تقريري المتواضع لزيارتي لقمة برج خليفة وأرجو أن ينال إعجـــابكم ..
dubai – burj khalifa
طبعاً تم الحجز مسبقاً لقمة البرج .. وبإمكانكم الحجز عن طريق النت .. سعر التذاكر للشخص البالغ 100 درهم .. وللأطفـــــال 75 درهم .. وللرضع مجاناً … وللدخول الفوري بدون حجز مسبق 400 درهم للشخص الواحد … وهذي صورة البرج من الخارج .. ويتم الدخول عن طريق دبي مول الطابق السفلي ردهة المطاعم ….
وهذا عند مدخل البرج
وهني الليفت قبل ما نصعد .. وكان في غضون دقيقة بالضبظ .. ما حسينا فيه .. والإرتفاع كان لين الطابق 145 تقريباً نسيت كم المهم 100 وشي وأربعين .. واتوقعت يوصلون للقمة الحقيقية .. وصلنا تقريباً لين نص البرج .. وأتوقع بعدهم ما فتحوا الأعلى وبيفتحونه جريب
.. وهذي صورة لفندق The address down town و The palace وأتوقع فندق المنزل وقمر الدين
والجو كان رهيب غير مشمس مع أنها الساعة 2 ونص الظهر .. بس كان طايح مطر والغيم ما شاء الله كثيف والتصوير مب واضح ولو كان مشمس بتكون الرؤية أوضح والبنايات بعد أوضح
فندق The address Dubai Mall
فندق برج العرب وجميرا بيتش .. طبعاً بعيييييد بس سويت زووووم عليه
فندق أتلانتس بعد بعييييد وايييد .. بس شكله ظاهر كأنه القلعة المفقودة
جزر العالـــــــــم .. عذراً لعدم وضوح الصورة بس لآنها بعيد والجو مغيم
فندق المروج روتانا بالقرب من برج دبي
فندق رافلز وافي سيتي
فندق روز ريحان روتانا .. واللي تم افتتاحه من شهر تقريباً ويعتبر أطول فندق في العالم ويقع على شارع الشيخ زايد .. ويميزه وجود الكرة الذهبية على القمة
خلصنا الفنـــــــــــادق ولنا تكملة ..
بعض المبيعات
نرجع للمناظر .. وهذا المكان غني عن التعريف
صورة عامة للمكان
وهالبناية شكلها غريب كأنها فقاعات فصوريتها
وأخيراً صورة بانورامية للمكان
وهذي الصورة عقب مانزلنا
صورة جدارية للبرج
صور للأشخاص اللي ساهموا في بناء هذا البرج العملاق ومن مختلف الجنسيات وبتخصصات مختلفة
وصلنا لنهاية المطــــــــــاف .. هذا عند المخرج …
أرجو أن تكونون استمتعوا بالصور .. نصيحة للي حاب يزور البرج ويستمتع بالمناظر الرائعة ومحتار في الزيارة تكون في النهار أو الليل .. انصحكم تزورونه على الساعة 6 المساء علشان تستمتعون بالمناظر الصباحية والمسائية ولحظة الغروب العجيب ..والسموحة على عدم وضوح الصورعلشان الزجاج بعد يتحكم في الصور.. ودمتم بود
دعوة منكم تكفيني وسلامتكم
وهذي صورة بانورامية ليلية لمرسى دبي .. إهداء مني لكم
WO0O0O0O0O0O0O0O0W
أشكرج وايد عشان أتحتيلي فرصة أستمتع بالمناظر عالجاهز 
لأن بصراحة ما عندي نية أسير …. تراني أخاف من المرتفعات 
لكن رغم ان الجو كان مغيم إلا ان الصور واضحة
حبيت وايد الفوكسات
وما كنت أدري بالفندق اللي يعتبرأطول فندق في العالم ومنكم نستفيد
والصورة الأخيرة ما في داعي أقولج انها تجنن
حبيتها وايد رغم اني كل يوم سايرة راده على هالمنظر
كل الشكر لج
ف خاطري اسير بس اخاف شويه ههههههههههههه من حملت صرت خواااافه
الغاليه عندي سؤال…
كان فيني فضول…من عقب ما غيرو اسم البرج لبرج خليفه
بعدها السوفونيرز مكتوب عليها برج دبي؟؟؟
و بخصوص اللي ساهمو في البنا شي منهم مواطنين و مواطنات؟؟
موضوعك شامل والصور حلوة
لك جزيل الشكر
الدمـــــــــاني ……………. الشكر موصول لج الغالية … وأنا أشكرج بعد على تقاريرج الرائعة مثلج .. اسعدني مرورج ..
أمورة ……………… أنتي الأروع .. مشكورة الغالية .. الملاحظة اللي لاحظتيها كلنا لاحظناها في بعض الأماكن ما تغير اسم البرج .. وخاصة الليفتات في دبي مول .. واللي ساهموا في وايد مواطنين طبعاً مب في البناء أغلبهم في قسم المبيعات .. الإدارة … والأقسام المختلفة
النجمة اللامعة …….. شكراً لإضاءتك لموضوعي
