السلام عليكم ورحمه الله وبركاته
خصصت هالموضوع خاصه للمستجدات في جامعه زايد
طبعا كلنا كنا في يوم من الايام مستجدات ودارت في بالنا وايد اسئله ما لها نهايه
عن الجامعه شو نظامها كيف الكلاسات والمواصلات
أول شي ابارك لكل وحدة انقبلت في الجامعه
واقول لكم شدو الهمه الحياه الجامعيه مب لعب 
طبعا ببتدي بشرح كل شي وان شاء الله اكفي وأوفي
قبل ما تدخلون الجامعه طبعا امتحنتو في الثانويه العامه امتحان اسمه السيبا
والجامعه تعتمد ع علامات هالامتحان في اللفلات او مستوى الانكلش اللي بيحطونج فيه
ويسمون هالمرحله في الجامعه ACADEMIC BRIGE PROGRAMM
طبعا فيها اللفلات من 3 لـــين 8
1- لفل 3 الوحيد المختلف ويكون سمستر كامل يعني 20 اسبوع تقريبا
وغالبا يدخلن هاللفل البنات اللي مستواهم ضعيف في الانكلش وتكون نتيجه السيبا لهم
اقل من 160 وغالبا ما يعتمدون ع الرايتنق اللي هوه الكتابه في تحديد المستوى
2- بعديه ايي لفل 4 وهوه اللفل شوي اعلى من 3 في هاللفل تكون الدراسه سهله
وتتعلمين تكتبين موضوع شرات اللي نكتبه بالمدارس واللي ما تاسست عدل في المدارس بتتعلم صدق في هاللفل وغالبا اللي تكون نتيجتها في السيبا فوق 160 تدخل هاللفل بس ارد واقول يعتمدون ع الرايتنق في هالشي في بنات يايبين 176 بس دخلو لفل 4 لانه الرايتنق عندهم ضعيف
3- لفل 5 في هاللفل تبدون تكتبون الاسي او المقاله ووايد سهل بس فيه امتحان الاكيورسي اللي هوه امتحان القرامر عشان تعدينه
طبعا الكلاسات في لفل 3 و 4 و 5 يكونن نفس الاوقات غالبا
بس سمعت انه السنه غيرو هالشي وخلو لفل 6 نفس دوامات3 و 4 و 5
4- لفل 6 تقريبا نفس لفل 5 ما يختلف عنه وايد
5- لفل 7 هاللفل يعتبر اهم لفل في الجامعه تمتحنين فيه امتحان امتحان الاكيورسي اللي هوه امتحان القرامر عشان تعدينه
وفي هاللفل ايظا البنات لو يابو فيه الايلس بعده يمتحنون سيده الاكلوفنسي ويعدون لفل 8 ويدخلن جنرال
وفي هاللفل غالبا يدخلنه البنات اللي نتيجه السيبا عندهم فوق 170 جيه
6- لفل 8 نفس لفل 7 بالظبط ما يختلف عنه شي
بس اذكر امحنا فيه بعد الاكيورسي امتحان القرامر بعد
بس في هاللفل اهم شي فيه امتحان الايلس عشان تعدين اللفل
وطبعا اللي بتنجح في لفل 8 وما بتنجح في الايلس بتدخل NG CLASS يدرسونها ايلس واتم تدرس لين تنجح بالايلس وخلاص مبروووك افتكيتي من اللفلات عقب
————————-
طبعا مرحله الجنرال اللحينه انيي وهيه ويا الميجر تكون عباره عن 4 سنواات طبعا هالشي بتحصلونه مكتوب عن كل سمستر والمواد اللي فيه في كتلوج الجامعه وبتعطيه اياكم الادفايزر مالكم في كلاسها
وبتخبركم عن كل شي فيه
طبعا في الجنرال 1 و 2 تدرسين عادي المواد
بس في سمستر 3 راح تدخلين التخصص اللي بتختارينه
وايد بنات يسألون عن التخصص اللي بيدخلونه وهل مطلوب او لاه
اسئلتكم هذي اللي بيفيدكم فيها يوم الميجر دي اللي بيكون في سمستر 1
وماده الكرير في سمستر 2
——–
اللحينه انيي للدوامات
طبعا لو كنتي من بنات الباصات تكون الباصات توصل الجامعه الساعه 8 وتروح الساعه 5
وفي باصات تروح 4 ع حسب ااتفاق البنات ويا راعي الباص
سمعت انه في باصات بتروح الساعه 2 في الجامعه بس هالامر مب اكيد لحد اللحينه
طبعا لبنات السيارات واللي اتيي بروحها تقدر اتيي وقت ما يبدى كلاسها وتروح متى ما يخلص
تقدرين تروحين متى ما تبين لو عندج GREEN CARD وهوه لازم تحصلينه من موافقه ولي امرج
وغالبا يكون عند البنات المتزوجات وبناات الجنرال والميجر
——-
ومممممم
وبعد شووووو هاه كل شي
عاد لا تنسن يوم الارشاد اكادمي دي بيفيدوكم اكثر
وذبحوهم من الاسئله ما اوصيكن بنات
وجيه يعني
وهاه اللي عندي اتمنى فاديتكن
واتمتعن بالاجازه خواتي لانه بييكن الكراف عقبها
المشاركة الأصلية كتبت بواسطة رواحل 
