الوسم: Wollongong

مراحب خواتي الغاليات، هالغرفة بتكون مخصصة لطالبات جامعة ولنغونغ الاسترالية في دبي و اللي عندها اي استفسار ممكن تحطه هني و البنات ما بيبخلون في الردود ان شاء الله، هالملتقى سويته خصيصا عسب نتعارف عبعض و نسمع من بعض و نساعد بعض في حال واجهت وحدة منا مشكلة او سؤال و بغت المساعدة فيه…

و حياكن الغوالي

انا ابا ادرس في هالجامعه بس للاسف ماقبلوني..بحكم ان المعدل اقل بدرجه ع قولتهم…

عموما بغيت اتخبرج..شو احسن تخصصات هالجامعه؟

انزين خبرونا اكثر عن الجامعه موقعها
اسعارها
مختلطه او لا
شو التخصصات
ووووووو الخ

طبعا خواتي انا طالبة ماجستير Strategic Marketing

بالنسبة للخوات اللي يتخبرن عن البكالوريوس الجامعه مختلطة و موقعها في قرية المعرفة في دبي block 15 الاسعار فوق المعقولة و في متناول اليد و فيها وايد تخصصات من البيزنس بكل فروعه و تكنولوجيا المعلومات و الهندسة و غيره، اي معلومات تخص المعدل او الايلس او التوفل بتحصلونها في موقع الجامعه ، ادخلوا جوجل و اكتبوا اسم الجامعه و افتحوا موقعها و بتحصلون كل المعلومات حتى الية الدفع و المبلغ المخصص للبرنامج ككل بتحصلونه في موقعهم و احلى ما في الموضوع انكم ممكن تكملون اااخر سمستر في استراليا في الفرع الرئيسي و تستلمون الشهادة من استراليا نفسها و ان شاء الله اي استفسارات اخرى باكون متواجدة للمساعده

انا ما عرف شو ميولج؟ اذا بيزنس عندج وايد فروع و كل الفروع متوفرة و اي معدل اللي تقصدين ما قبلوه؟ الايلس و لا الثانوية؟!

اب اب

السلام عليكم ورحمة الله وبركاته..~

شخباركم بنات عساكم بخير..~

فديتكم حبيت اسوي هالتجمع للبنات الي يدرسون في جامعة ولنغونغ الاسترالية..

وفيه بنرمس باي شي في خاطرنا.. المساقات..نظام الدراسة..ألحياة فالجامعة..الخ..~

ان شاء الله تتفاعلون ويا الموضوع وحياكم الله خواتي ^_^

مبرووووك التجمع ^_^
موفقين ان شاء الله

تسلمين حبيبتي ^_^

حلوة الفكرة …إن شاء الله أنا هالسنة ناوية أسجل ماستر عندهم في نفس الجامعة والله ايسر الحال

الله يوفقج يالغلا ^_^

أم عبد العزيز اي تخصص ماستر

انا ابا تخصص معين و موجود عندهم

بس المشكله انه ما شي باركنات عندهم و بعد المكان بعيد عني وااااااااااااايد

يالله بنات شدوا حيلكم وخلونا نشجع بعض

انا بعد ان شاء الله راح ابدا ماستر