![55 (5) خليجية](images/smilies/part3/55 (5).gif)
بيت القصيد
بغيضه يالدموع اللي على خدين طفله
بعمر الورد/
وكبر الجرح
حزينه يا الاماني ..ليه ؟ّ
ليه ؟!
انا مدري وش اللي ماخذينه بس!!
انا مدري من المسؤل ؟!
عن الحصه /
عن التلميذ /
وآخر درس
انا مدري ..
انا ليه اكتب حروف اللحين ؟!!
احاول…اشرح ..الحزن الدفين
بثرثرات …حروف …وغصت عين
حكاية من حرم طفله..
تحس بضحكة الاطفال..
صباح العيد
حكاية (آآآآآه )..في حلق حيرتها
ورجفة أيد ..
وتتنهد في جدار القبر…ساعة
كنها ظلم الليالي ..بوحشة بيد
ومع أول دقايق سالفتنا ..
على شارع …حمل ثوب الحداد
وحشرجات ..القبر ..
بسرعه مر …
مع الوعد الذي …ما قدر يوفيه
مع اسماع طفله …ما تعرف الحزن !
لا
لا
كانت ما تعرف الحزن ..
تغرد له بصوتها النعسان ..
وتعزف أعذب الالحان ..
(
يبه ..عمري ..حبيبي
لا تْأخر …
ابي ترجع قبل ما انام ..
ابي اتلحف حنانك…في
تصبحين بخير .. مع بوسه على خدي ..
يبه وانام ..
وقبل ما انسى ..يايبه اسمع ..
ابي دفتر رسم أحمر
وابي اقلام للتلوين ..
وابي فستان …مثل لون
الشموس اصفر ..
وابيك انته ..تلبسني ..
تحمل يا يبه ارجوك ..
تمهل يا يبه ارجوك ..
شوي /// شوي
)
وكان آخر ..وصاياها ..
وعلى غفله …تهور ..
مع سرعة …بدون حساب ..
ينادي هالرصيف الموت ..
ينادي له ..تعال ..
.تعال …
تعال…
تعال..
وانتهت قصة…عمر ..انسان
وابتدت …حيرة…..يتيمه ..
ما اكملت عامها التاسع ..
يضيق بدمعها ..
صمت الشبابيك.. الكئيبه ..
على الجدران ..
تحاول …تنحر اجابة هالسؤال اللي
تفجر …في قصيدة حزن …
بلا..عنوان ..
(
يبه وينك؟!
تعبت انتطر ..
تعبت أتخيل ايدينك ..
يبه وينك …
تعبت أسأل زوايا البيت ..
يبه وينك؟!
تعبت أسأل ثوبك المكوي
تعبت آشم عطرك
واحضن غيابك ..
يبه وينك ؟!
تعبت اكذب على دمعي
وارتب عيني وثيابك …
يبه وينك؟!
الف الدار ..واتذكر ….
هنا ..يمشي …
هنا يجلس ..
هنا يضحك ..
هنا كنا على شانه
نجي نسهر ..
يبه وينك ..
ويقطع حزن هالافكار ..
باب الدار …
واصيح بصوت …واتحشرج ..
منو بالباب ؟!..منو اللي دق هذا الباب؟!
انا مابي لعب ..واقلام …
انا مابي هدايا
انا ما ابي اشوف اصحاب ..
يبه وينك ؟!
يبه .. يرضيك حالي اللحين ؟!
كرهت المدرسه …والدرس ..
ولا حد فيني حس …
تذكرني بغيابك…
شهاداتي ..
معلمتي …
وباب المدرسه …
والدرس
اصحابي
وعلاماتي ..
يبه وينك ؟!
كلامي يا يبه حارق
كلامي مر …
وانا اقرا في الدفاتر
هنا ..
(يوقع ولي الامر )
يبه وينك ؟!
من اللي فرحتي تتكحل بعينه ؟!
وضحكاته
يبه ..وينك ..؟!
نجحت ..وتختنق فرحه
وسط صدري ..
تجيني الناس وتبارك ….
وهذا الحزن بي حارث ..
ولا تدري …
باني يتيمه ..
والسبب حادث)
وبدت تذرف دموع
تشق صدر الليل
سواده …حيل يشبه له شعرها ..
يشبه له غياب…الاب..
غايبه ..
ما وراه غياب..
ولا يمكن يعوضه ..
القريب / الاخ / والاصحاب
ثقيله هالدقايق
اذا كان الوجع..بـ عمر ..أانسان
بغيضه يالدموع اللي على خدين طفله
بعمر الورد
حزينه يا الاماني ..ليه ؟ّ
حزينه يا الاماني ..ليه ؟ّ
الشاعر :إياد المريسي
كلماتك أبكتني
حفظ الله لنا آبائنا وأمهاتنا وأسأل الله أن يجازيهم عنا أفضل جزاء وويحرم النار عن وجوههم
يااااااااااااارب
شكرا … حقا مشاركة لامست وجداني
أنا عندي بهالدنيا قناعة
ألم جرحي ولا أطلب شفاعة
ولا أشكي ودمعي عيبه هلة
ترى الشكوى لغير الله مذلة
بنت ماتت مالها عشرين صيف
همها تجمع اوراق الخريف
لين يبقى حوش منزلهم نظيف
.
!
!
. ريـــمـ ..
كانت تحس بالم
وهي تكابر ماشتكت
وهي تكابر مابكت
فيه امل انها تطيب
لين طاحت
ايه طاحت
وودوها طبيب
قال حامل توها باول شهر
لاتشيل اشياء ثقيله
وامنعوها من السهر
كيف حامل والبنت عذراء؟
قال انت ابوها وانت ادراء
يمكن اخطت مع حبيب .
واسالت ريم بخجل
يايبه ضيعت بيتك
وقف الموتر وحول
ثم مسكها مع شعرها
ومال عنها ثم نحرها
وغرقت ريم في دمها
واضلم اليل وقبرها
يوهـ كانه ماعرفها
شك فيها وفي شرفها
ياقسى قلوب الرجال
صدقت حتى الخيال
حتى ماتت مابكوها
مادرت كيف اضلموها
وماسالت ليه وانكروها
وماسالت ليه اطعنوها
وليه يقتلها ابوها
وبعد ماماتت بيوم
وقبل يذن لاالظهر
رن هاتف بيتها
رد ابوها . قالو بيت ريم
ابشرك طلع تحليل بنتك سليم
بس غلطنا بالاسامي
وشف ملف بنتك امامي
بنتك معها زايدهـ
مادرى ان ابوها قتلها
يوهـ لو انه سالها
.. ريـــمـ ..
هذا وانا اكتبها ماتحمل
كيف من صارت له تحمل
ياكبرها من مصيبه
ماعرفت معنى حبيبه
وكانت الحظه قريبه
واخذوها وماتهنتى
شفتو وش كبر لمصيبه
.. ريـــمـ ..
وانا اسمع سالفتها
اتخيلها سعيدهـ
وقول ياليت الها
اخو
وياليت الناس بقصتها
عرفو
يـآ ريــــــــم
هو صحيح انتي انظلمتي
لكن بدمك رسمتي
احلا لوحات الطهاره
ياخسارتنا خساره
.. ريـــمـ ..
وانا اسمع قصتك ساكت
لين قالو ريم ماتت
ماقدرت انطق بحرف
بس سال دمعي
من بعدها ابتسمت
الله يرحم هالشريفه
اطعنوها في عرضها
وهي عند الله نظيفه
.. ريـــمـ ..
وكثرت فصول الروايه
والشرف مثل المرايه
لو ينخدش صعب يتصلح
وكل من يخطي عرف
ان الشرف هو الشرف
ماراق لي
بس يا حيها الحين اكيد بتكون قي الجنة ،
اللهم حسن خاتمتنا يارب
بمناسبة التقرير الدولي بان شعب الامارات اسعد شعب
https://www.youtube.com/watch?v=eybzsDHuTuA
يبقى الأمـــل كذب وغياب
والياس شمسٍ شــــارقة
مأساة يا دنيا العـــــــذاب
وروحــــــي بهمي غارقة
الجــــهل ودروب العتاب
فيها الجُمــــــــل متفارقه
وبيت الأمـــــاني فيه باب
مجفـــــــي وضدي طارقه
القاع وركـــــوم السحاب
والفرق نارٍ حــــــــــارقة
يا واقـــــعٍ وسط السراب
عذبه زمــــــــاني سارقه
زهــــاب يا شوفي زهاب
واشجار فكـــــري وارقة
ضباب يا قــــاري الكتاب
والـعزم يلـــــــــعج بارقه
للشاعر : عمر بن عبدالمحسن
الشاعر : سعد البوادري
https://www.youtube.com/watch?v=ubr6q4wsDAI
يقولون يا شاعـــــــر قصيدك كثير احزان
واقــــول الشقى نبضي واحاسيس خفاقي
سألت القـــــدر مرة .. متى ترحل الاحزان
وقـــــــــــال انت ما تبرى ولا بالأمل باقي
فلا عــــــــاد ياتيني من اصحابنا شرهان
وينشد عن الفرحـــة وسيع الفضا ضاقي
انا الياس والحسرة وانا موطن الحرمان
وانا الوجــد والعبرة على ساقي اشواقي
تواريت عن ذاتي وانا حاضــرٍ لي شان !
اسوق الصبر نوبٍ وهــــــو نوب سواقي
واشد النضى حــــــربٍ على ظالمٍ ما كان !
ولا نلتقي ظــــــــــــــالم ولا جفت احداقي
تمثنى النكـــــد روحي وانا واردٍ عطشان
برمضى الغبن حـــافي مع النوح ميثاقي
عـــــــــــــزومي تقدّيني وانا ميّسٍ بحلان
خـــذ الروح ياربي ترى الموت لي راقي
هــــــــلا بالكفن دامي على دنيتي شفقان
ولا ذقت من ماهـــــا ولا الوقت بي لاقي
للشاعر : عمر بن عبدالمحسن
بنات بغيت كلمات نثور لانه بنتي مشت ومب عارفه شو اكتبلها عالنثور بليز ساعدوني
على هونه على هونه=مشى والخطوة موزونه
على هونه بدا يمشي=مشى ويا زينها اعيونه
" هدا هدا يالهادي .. ( اسم الطفل ) يمشي وينادي "
أو
++++++
هدا هدا .. ( اسم الطفل ) اسم الله عليه .. بدا يمشي بدا
*[سورة الأعراف ]
بحور الشوق اشكرج كل الشكر ويزاج الله خير