السياحة في الإمارات Archives - الصفحة 444 من 445

حابة اعزم ريلي بمطعم رومانسي بدبي بس ماعرف وين ساعدوني

حابة اعزم ريلي بمطعم رومانسي بدبي بس ماعرف وين ساعدوني وختارو لي مطعم هادي وجوه يوحي بالرومنسية

اختي مطعم الدوار في فندق حياة ريجنسي

احس اجواءه رومانسية وهادي جدّا

المشاركة الأصلية كتبت بواسطة صورة مخفية

اختي مطعم الدوار في فندق حياة ريجنسي

احس اجواءه رومانسية وهادي جدّا

اتعرفين ذيك اليوم ريلي كان يتكلم عنه يقول وايد حلو

الدوار في فندق حياة ريجنسي

للرفع

للرفع……………………………………… ………………………………………….. ………..

هي الدوار حلو ف ف فندق حياة ريجنسي
وعندج بعد برج الحمام .. جميرا
مطعم دافنشي ..فندق ميلينيوم
مطعم المنتهى .. فندق برج العرب
مطعم المحارة .. فندق برج العرب
مطعم مجلس البحر .. فندق برج العرب
مطعم Pax .. فندق دست دبي
مطعم Vu’s .. فندق ابراج الامارات
مطعم جيفنشي .. قراند حياة
مطعم Eau zone .. فندق رويال ميراج
مطعم Beach Bar & Grill .. فندق رويال ميراج
مطعم Pierchic .. فندق القصر ..مدينة جميرا .. وسط البحر
مطعم Quattro .. ف نادي الجولف في دبي فيستفال سيتي

حبيبتي مب كلهم مجربتنهم بس هالاسامي محتفظه فيهم للمناسبات يعني زي حالاتج احتياط للمفاجات
سمعت وايد يمدحونهم واللحين يوم شفتج ف حاجه قلت بحطهم لج بتستفيدين منهم

الحين الحين تدشون يا بنات العين أدري إن الكل بيدش مب بس بنات العين

السلام عليكم

أول شي مبروك عليكم الحيا والرحمه يا بنات لبلاد ..

ثاني شي

نبا نسير حديقة الحيوان ياخي << ياخي داشه عرض

ونبا نعرف من بنات العين الجو يساعد عشان انسير الحديقه ولا مطر في مطر

وماينفع نسير ونشل يهال بعد

يالله بنات لو الجو حلو أحصلكم كلكم هناك أوكي ؟؟؟ خلاااااااااااص عازمتنكم

وعلى حسابي << يقولون في كافتيريا جديم أحيده وانا ياهل مادري جان غيروه

هههه

صدق بنات تعالو بنركب القطار .. تــــــــووووت تـــــوووت

وبنشوف الحيوانات والطيور والسوالف الطيبه وبنسير السينما المتحركه

وصالة التزلج ههههههه << أوني بقص عليكم

ولا شو رايكم وين تقترحون نسير ؟ خاطري أطلع في هالجو الحلو ابغي

اقتراحات بسرعه بنات فزعتكم

والله يا أختي الجو ما يساعد لانه شكله بينزل مطر <<<هذا والله أعلم
لانه الصبح نزل شوي وشكله بيكمل والجو مغيم

والله الجو كله غيم؟؟ ويمكن يصب مطر عليكم

ولا الحديقة وايد رتبوها وعدلوها

والله يا أختي الجو ما يساعد لانه شكله بينزل مطر <<<هذا والله أعلم
لانه الصبح نزل شوي وشكله بيكمل والجو مغيم

الحديقة واااااااااايد روعه و تفتح لين الساعة 8 فليل و المطعم يديد و حلو و بعد في دكاكين في الحديقة

سيري يوم بيتعدل الجو يوم ما شي مطر

بتستانسون

انا هاك اليوم شليت ولدي و اختي الصغيرة و عيال خالتي و سرت واستانسوا العيال واااااااايد

افزعوا لنا يابنات دبي

اللة يوفق كل بنات الامارات سبق وكتبت موضوع اني ابي فندق بس للاسف ردت علي امووون اللة يوفقها وقالت عن فندق نوفتيل وللاسف فل بليز ابي فندق محترم بدبي يكون سعرة بحدود550درهم بليز مستعجلة وادا فية عروض يكون افضل

شيكي في فندق الكروان بلازا الفستفال سيتى … وعنده عروض اعتقد تدفعين ليلتين والليله الثالثه ببلاش …ونفس الشي فندق الانتركونتنتال اللى حذاله بس هذا اغلي اشوى ع 750 ونفس العرض تدفعين ليلتين والثالثه ببلاش … والغرف اللى عليها العرض سبيريور …اتمن اكون افدتج ولو اشـــــوى خليجية

الصراحه صعب تحصلين فندق نظيف ومحترم في دبي هالايام بهالسعر

بس في فندق يديد وسعره مقبول في دبي يمكن في حدود الالف درهم اسمه The Westin Dubai Mina Seyahi Beach Resort & Marina

بس روعه ويطل على البحر وغرفه واسعه و مطاعمه واايد اوكي

انصحج تروحيله ما يطوف

حبيبتي دشي موقع بوكينج booking.comوبتحصلين فنادق حتا ب 200 والله يوفقج

ماعندي فكره,,,الخوات بيساعدونج

موفقه الغاليه ^^

الخوات ما قصرووا معاج..

وحياج

اللة لايحرمنا من بنات الامارات مشكوووووووووووووورة

بنات شو رايكم بفندق هيلتون اليديد الي في راك

السلام عليكم

بنات ابا اسألكم منو جربت فندق هيلتون اليديد الي ف راس الخيمة؟؟؟ افيدوني بليز

ويزاكم الله خير

❤❤❤❤❤

ولا رد ؟

حبيبتي انا ما سكنت فيه بس حجزت حق ناس شفته حلو في فلل وفندق حبيت الفلل
انا اقصد الهيلتون اللي في المعيريض

لو سالتيني على فندق هليتون جده يمكن افيدك يالغالية مووووووفقه اختي

ان شاء الله يفيدووونـج خليجية

السلام عليكم ورحمة الله وبركاته

عزيزتي انا جربته
وكنا ماخذين سويت
وااايد حلووو صراحه و هو يطل على البحر

انصحج تحجزين فيه

بنات الفجيرة لو سمحتن

السلام عليكم ورحمة الله وبركاته

بنات الفجيرة اريد اعرف كيف الجو عندكم اليوم السبت لاني
اريد ايي عندكم باجر ان شاء الله

الجو باااااارد وايد …

بس ما شي غيوم…

عاده باجر مادري كيف بيكون الجو خليجية

رمضان في دبي دار الحي

السلام عليكم
رمضان على الابواب، اللهم بلغنا رمضان
آآآآآآآآآآآمين
شو رايكن انا بغيت في رمضان اسير دبي يومين اتقضى للعيد
وبنفس الوقت اغير جو انا وابو الشباب لاني اعرف ان اسعار الفنادق وايد تهبط
اول سؤال
تقترحون علي احجز فندق صوب المرسي والجميرا أو صوب السيتي سنتر و الفستفال ستي
انا عندي فكره عن الفنادق الاوكي لكن اسير هالصوب او هالصوب هاهاهاها
وثاني سؤال
وين مكان يكون اوكي للفطور والسحور غير الفاست فود ويكون محترم وعائلي
بليييييز لا طنشوني ، واي وحده تدخل وما ترد ، عليها غرامه
وسحب الكمبيوتر منها هاهاها

بما اني في بر دبي يعني انصحج صوبنا خخخخخخخ

لان اكثر المراكز عندنا واحلى الاماكن عندنا خخخخخخ مغروره الاخت

فانصحج صوب جميرا وهالاماكن

وبالنسبه للفطور والله ما ادري يعني ماجد تفطرت في مطاعم الا مره وحده وكانت تجربه فاشله بعد وللاسف

وبالتوفيق وحياج الله اختيه

همممم
انصحج ب منطقة المرسى ….لان ديره شوي معقده وتضيع اكثر عن قبل….
يا اما اتلانتس ..لانه عدالكم مول الامارات وممشى جميرا و السوق ف المرسى ودبي مارينا … و 15 دقيقه دبي مول هذا اذا ماكان فيه زحمه ع الشارع …. وشارع جميرا ماشاءالله كله مراكز (( ميركاتو . تاون سنتر . قرية جميرا . جميرا بلازا , مركز الشاطئ .بالم سترب مجابل مسجد جميرا الكبير .)) … بعد يبعد عنكم 15 دقيقه او اكثر ما ادري خخخ
وممكن اتسيرون الفيستفال سيتي تخططيله يوم كامل بروحه للزياره…. وممكن تسيرين العربي سنتر …بعد يباله يوم بروحه ….

بالنسبه للمطاعم ……
شي وايد كوفي شوبز ….. سواء ف المراكز او ف الفندق نفسه الي بتسكنون فيه ….. ماعندي وايد فكره عنهن

مشكورات يا بنات دبي علي النصيحه
شو رايكن افطر بقرية البوم انا من زمان
ما سرت لها ولا يكون صعب وقت الفطور

فوووووق

أنا أنصحج اتروحين

فندق العنوان أو ذا بالاس

اللي حذال مول دبي

بنوتاات العييين . بليييز شوي شقق فندقية ؟؟

مرااااحب بنوتاااات ..

سواء من العين او الي عندها خلفية ومجربه …

بغيتكم تنصحوني بشقق فندقيه زينه ونظيفه واهم شي آآآآآمنة وسعرها زين مب وايد غالية ..

ضروووري وفاسرع وقت الله يخليييكم …

ومشكورااااات

للرفع

الماسة عند مستشفى النور غرفتين وصاله 600 درهم

للرفع

الماسه في نص السوق وااايد ازعااج …………. دقي حق البداله وساليه عن الشقق الفندقيه

شو احسن فندق في الشارجه ردوا علي بسرعه؟؟

السلام عليكم

شو احسن فندق في الشارجه ردوا علي بسرعه؟؟

ملينيوم احسن فندق

Millennium Hotel Sharjah‏
and
holiday inn hotel

ماعرف ، ، تصدقين ماعرف ولا شي عن الشارجه !

إذا أصبح العبد وأمسى وليس همّه إلا الله وحده |،’
تحمّل الله سبحانه حوائجه كلّها |،’
وحمل عنهُ كلّ ما أهمه ،’وفرّغ قلبهُ لمحبته , ولسانهُ لذكره , وجوارحهُ لطاعته

ممكن بنات عيمان

السلام عليكم
شحالكم خواتي

الغاليات انا سمعت انه في سوق صيني مفتوح قريب فعيمان
ممكن تدلني بالضبط وين مكانه

انا من العين ياريت تدلوني بدقة

مشكورات مقدما

روحي للي في دبي اقررب
في عيمان ما اعرف

اعرف اللي فدبي وسايرتله
بس ابا اعرف عن اللي في عيمان
مشكورة ختيه

ربي يوفقج اختي

يمكن قصدج مول نور الكوثر ؟

لكن هذا مب بس صيني !!

على العموم هذا قبل سيتي سنتر عجمان

السوق الصيني في منطقة الجرف بعد اتصالات بشوي
في لوحات يوم توصلين لمنطقة الجرف خليجية

هي فديتكم فاتحين في عيمان اتكملين من الستي سيييدة ومكتوبلج لافتات تدلج شوي بعيد بس بعده مب كل المحلات مفتوحة مب حلو وايد

رحلتي الممتعه الى كيدز بارك ودبي مول وبرج خليفه اتفضلوووو

”السلام عليكم ورحمه الله وبركاته
تقريري اليوم عن حديقه كيدز بارك وبرج خليفه وحوض الاسماك المائيه في دبي مول اولا معلومات بسيطه عن الحديقه

كيدز بارك” في منطقة الباهية، وهي أول حديقة حيوانات في مدينة أبوظبي، تضاف إلى العاصمة وجهة سياحية جديدة ستكون عنواناً مميزاً لكل من يقصدها من الداخل ومن الخارج.

على بعد 35 كيلومتراً من أبوظبي باتجاه الطريق الأساسية المؤدية إلى دبي، تتربع ”كيدز بارك” على مساحة 5 هكتارات .

وتضم ما يزيد عن 100صنف من الحيوانات الأليفة. وبالرغم من أن اسمها يدل على أنها بيئة ملائمة للأطفال، إلا أن الأهالي أيضاً يقصدونها برفقة أبنائهم، ولهم أن يقضوا فيها وقتاً ممتعاً، متنقلين بين أرجائها وفي استراحتها التي تضم جلسات عربية مجهزة بكافة وسائل الراحة. وبمجرد الوصول إلى المفرق المؤدي إلى منطقة الباهية، لا بد من اتباع إشارة المواقع السياحية التي تدل على اتجاه ”البارك”. وللزائر أن يفرق بين حديقة الحيوانات التي تحمل عنوان ”كيدز بارك” وبين حديقة الباهية التي تبعد عنها نحو كيلومتر ونصف الكيلومتر.

الشي الحلو اول ماتدخلون تلاقون حرمه تبيع حشيش للحيوانات الي حاب يشتري لعياله وياكلوون الحيوانات منها يستمتع الطفل ومنها ياكلون الحيوانات
اتركم مع الصور

شورايكم في الصوره هههههههههه كان ولدي ياكله ومتحمس مطلع راسه ياكل

بصراااحه حبيت الحيوانات هناك الحلو انه تنسيقهم اماكن الحيوانات وللحواجز حلو ومن غير تكلف وممتع يعني تشوفين زين مو مثل بعض الحدايق كله حواجز وشبك
وتجوفين الحيوانات على طبيعتها وبكل عفويه ههههههههه مثال

لاحظتوووو وحلييله مااعرف شو سالفته ولا بخبركم ههههههههههه

الله كله ولا مسبح البط والله حسيت اني في دووله اوروبيه

من جهه ثانيه

البوووووووووووووووني امشط القدله سلمت وحيااااني خليجية

يتريوووون الصدقااات

مسح جوي تخيلت الكاميره تطيح عندهم هههه اسميني توورطت

الحلو انه الحيوانات قريبه وواضحه يعني تتاملين فيها زيييين
وفي ممر يودي للطيور كله افاعي بس صورت واحد

اسميه هيبه ملوك

الله لاحظو بيضتها عدالهااا

اماهالديكين الوااانهم رووعه سبحان الله طرا فبالي قطع الشيفووون ههههه مااعرف ليش

حبييت صوره الدب كانها رسمه

شفتو الحرمه وين يالسه من هناك مدخل الحياه المائيه ووهالكلب مااعرف شو يبون فيه بس يخووف الناس خليجية

هههههه والثعبان الي حاب يتصور معاه

وبس خلصنا الحدييقه من وجهه نظري الحديقه جدا جدا جدااااااااااااااااااااااا جميله انصح كل حد يزورها وطبعا انا مانقلت لكم كل شي هاي مقتطفااااات بسيطه خليجية

المهم طلعنا من الحديقه توجهنا للشارقه عاااصمه الثقافه وبالتحدييد فندق روتانا ماحطيت لكم صوور لانها كلها عائليه بس صورت لكم الريوق طبعا طلبناه في الغرفه وكااااان روووعه

وعقب توجهنا لدبي مول خليجية

حوض الأسماك في دبي يعتبر الأكبر في العالم ، ويحتوي على أكثر من 33 ألف من الكائنات البحرية تتوزع على 80 صنف من الكائنات.. يذكر أن أكثر من مليون شخص زار حوض الأسماك في دبي مول منذ إفتتاحة
وهاي صوره لحوض الاسماك المائيه من فوق

القرش القرش القرش اول مره فحياتي مابيني وبينه شي المهم فضت الكاميره من كثر ما اصوره حسيته يقول ارحميييينييي

وهاي اخر صوره لصديقنا القرش ادري تبون بعد هههههههههه بس خلاص لازم اغير خليجية

هاي صوره للغواصين الي ينزلون في الحوض

سرطاااان البحر كبييره وااايد ماتوقعته بهالحجم

ها كانه ثعباان سبحان الله شكله غرييييييييب

الحين بخبركم رايي عن الحوض بصراااحه واااايد حلوووو متعه للكبار والصغاار انصحكم تجربووووون ماتندمووون ابدا وطبعا الكاميره فضت ولا كااان في اشياااء واايد خاطري اصورهم ووطبعا هالصور ولا شي من المناظر هناك هيه نسيت اقولكم اول ماتدخلون يصورونكم وعقب ماتخلصون وتطلعون يعطوونكم صورتكم ب 200 درهم هههههههه مفاجاه لكم خخخخخ على حسابكم طبعا واخر شي تمرون على محل قبل ماتظهرون للمول يبيع هدايا ت للحوض هدديه منهم ب 30 الي تبيوونه وبس
وعقب توجهنا لبرج خليييييييييييفه برج خليفة ناطحة سحاب تقع في إمارة دبي بالإمارات العربية المتحدة ويعد برج خليفة أعلى بناء شيده الإنسان وأطول برج في العالم بارتفاع 828 متراً.[4]
بدأ بنائه في إمارة دبي بالإمارات العربية المتحدة في 21 سبتمبر 2024 وتم الانتهاء من الهيكلة الخارجية في الأول من أكتوبر 2024، وتم افتتاحه رسمياً في 4 يناير 2024، ليصبح البناء الأعلى في العالم حالا محل برج تايبيه 101 في تايوان.

طبعا دخلنا في اي بي 400 عالشخص والاطفال فري في ممرات طويله تمشون فيها من المول للبرج ودرج متحرك والاصنصير حكااايه ماشاء الله سريع وحاطين موسيقى وعرض صور ويسكروووون الضوء يعني ظلام وموسيقى وانتي معلقه ههههههههههههه الله يستر بس في اجانب كانو معانا في الاصنصير ومتعجبين من سرعته وهو طالع وطبعا يقولون وااااااو واااااااو كان خاطري اقولهم قولو ماشاء الله خفت يحسدووونه ويطيح نكديييييه هههه في عالم صح
ونظامهم نفس الشي صوره لو تحبون قبل ماتطلعون وعقب تستلمونها ولو تبون سي دي بالصوره زيدو 100 خليجية

وهني وانتو تحت قبل ماتطلعون لاحظو الداتره تطالعون في النص بالضبط عالبرج ها بيكوون الطابق الي تنزلون فيه

وهني نزلنا فوق

كتاكيتي الله يحفظهم خليجية

هني ظل البرج روووووعه

ماشاء الله عالحس والابداع يالسه اصور بقيه البرج شطوووره صح

بالتوفيق اختي بارك الله لكي
( اللَّهُمَّ اغْفِرْ لِي، وَارْحَمْنِي، وَاجْبُرْنِي، وَارْفَعْنِي، وَاهْدِنِي، وَعَافِنِي، وَارْزُقْنِي ).

هني صوره واحنا نازلين ماشاء الله سريع

وناااويين ان شاء الله زيارته ف الليل اتووقع بيكوون شي رومنسي خليجية وبث

هاي كانت رحلتنا الحلوووووه مثل ماشفتوها طبعا المناظر في الواااقع شي ولا اروووع الله يحفظ بلادنا الغاليه من كل شر ياااارب والله يديم الامن والامان ويرحم الغالي زايد خليجية
الي له الفضل بعد الله في كل الي احنا فيه …….
تم بحمد الله