السلام عليكم خواتي آشحالكم
فديتكم الي مركبه حجر للفله أكيد عنده خبرة من كثر الدوارة من محل لين محل حق الحجر واسعاره وأشكاله ممكن تفيدينا عن اسعار الحجر بالمتر
وانا سمعت عن الحجر السعودي الطبيعي في الي يمدح والي يذم احترت
وشو أرخص انواع الحجر الطبيعي ومن اي محل تنصحوني
في محل بعيمان عطاني سعر الحجر السوري وما ادري الثاني اعتقد أردني بسعر 295 تقريبا النوعين قريب 300 الف الصراحه واااااايد أشوفه
الي عنده خبرة يا بنات تفيدني والله يجزاها خير
وسمعت عن حجر سعودي ألمتر ب 80 صحيح
انتظر الردود ربي يوفقكم
189 مشاركة و لا رد أكيد ما عندكم خلفيه عن الموضوع
بلييييز الي مركبه حجر تفيدنا يا خواتي يزاكم الله خير
إذا قصدج الحجر لي يتركب على واجهه الفيلا أنا أشوف الحجر الصناعي وايد حلو وألوانه روعه. ولا يتغير وسعره اقل
مشكورة أختي ما قصرتي
نحن مركبين الحجر السوري ( طبيعي ) لونه وشكله حلو
وسعره اعتقد غالي
وسعره اعتقد غالي
في محل زين فقط توريد حجر طبيعي
وسعر المتر عنده 65 درهم
واعرف ناس ركبوا من الحجر في العين 4 فلل وفي ابو ظبي فلتين
عنده بني غامق وعنده كريمي
تواصلي وياي ع الخاص اطرشلج كل المطلوب وبالصور
مرحبا حبيبي هى والله صدقج انا من كثر ما درت علشان الحجر يمكن عندى خبره اكثر عن اللى ايبيعون نفسهم هههه اتحمل اسيرين عيمان انا واحد غرانى با الافلوس لانه رخيص والله يهديني سرت من فرحتى عطيته دفعه 70 اللف عقبها ابكمن يوم اكتشفت وحده ويانا فى المنتدى اتحذرنا من المحل انه حرامى وطررت عنده برد الافلوس تم ايقول باجر وباجر لين كملنا 4 اشهور وسرت اشتهى عليه واكتشفت انه ناصب ع وايدين لااسف وقلت خلاص لازم انا افك الناس من شره علشان ما ايقص على ناس اكثر واكثر وتميت اراكظ من بين الشرطه وحمايه المستهلك وعباله وظرابه وقهر لين الله ما خذ حقى والحين هو فى السجن عليه حوالى 3 ملاين بيزات ناس الغلابه اصحاب بيوت العمر حسبي الله عليه وانا كتبت السالفه علشان تتحملون ع اعماركم واسصم المحل الامراء حسبي الله عليه المهم يختى عقب هذا كله وقفنا البيت 8 اشهور وردينا انكمل والله جزانى با محل ناس طيبين وايخافون ربهم يختى سويت فلتى عندهم وماشاءالله تبارك الرحمان الكل يمدحها لانه بس بسيطه مب امسويه حشرت الديكورات ولو حبيتي اتمرين تراها فى عود المظينه عدال مسيد الاهلى المهم يختى اعرف وايد طولت اسم المحل فلورنسا قبل جسر ناشونال ع اليمين والله ايوفقج
المشاركة الأصلية كتبت بواسطة شيخة بوظبي 
