الوسم: العطور

وحاطين السلعه جديده

منو جربت عندهم

هل هي اصليه ولا

ادري انكم ماتقصرون وانتو اهل خبره في العطور اتمنى منكم ان تعلموني خلطات عطور للفراش

او اي شي بس يكمون سهل ابي افلح في شي واهدي اهلي شي من ايدي وانتو ماشاءالله عليكم فنانات

في الامور هاي ورجاء ذكر المحلات اللي تشترون من عندهم العطور

انطركم ولكم الاجر والشكر

شوفي حبيبتي تروحين اجمل وتطلبين منه عطر غزال او اي عطر فرنسي يعيبج

واطلبي منهم كحول

واخلطي في علبه خاصه بخاخ

وضيفي ماء الورد ويكون نوعيه ممتازه

والسموحه الغاليه

ريحتهم خباااااااااااااااااااااال .. وفي أنواع ..

بس وين ينباع مدري ..

سوي رحلة لدبي وبالمره خطفي جبل علي وخذي مناك ^^ خخخخ ولا تنسيني بالمره ^^ لول اسولف معاج

ان شاء الله تحصلين غناتي

والله يرزقج باللي تتمنينه

وين ممكن احصل غرش العطور الصغيرة للتوزيعات .. ؟؟؟؟

ويكون سعرها معقول ؟؟؟

وحلو شكلهاا بس انتي من وين عسب اخبرج

ياليت الي عندها فكرة عن وين مكان تعباة العطور بالكبس والطباعة عليها نفس المحلات
الي بتفيدني بكون شاكرة لها

ماعندى فكره

شحاالكم بنـــات ؟

بخبركم سالفتيه استوت قبل اسبووعيـــن ..

مره كنت ادور فالنت عن عطوور فرنسيه , وجان احصلي واحد يبيع عطور فرنسيه
واي عطر اختاره بـ 100 درهم ..
انا استغربت يعني فباريس مايعيبونهم جي !

خذيت الرقم ودقيتله يرمسني وشكيت من رمسته انه زلمه لنه امسوي عمره مواطن .. !
المهم سألته عن عطوور قالي انه عنده كل انواع العطور ..
قلتله ابا العطر الفلاني وووالخ ..

طلع مايعرف ولا اسم عطر وحتى يوم ينطقهم غلط جنه اول مره يبيع عطور ..

قلتله انت ليش اتبيعهم بهالسهر ! وايد رخيص

قالي انا مب شرات باريس جالري حراميـه
انا اشتري من مصنع جبل علي وابيعهم على 100 واستفيد بس 20 درهم .. مشالله الريال صادق .. هع

المهم طلبتلي عطور انا وخواتي طلعن بـ 1500 ..

قلتله كيف بتوصلني اياهم قالي انا روحي بييج البيت وبيبهم لج ..

المهم سرت المول فيوم من الايام وقالي انه ياي بوظبي وياحرمته ..

جفتهم والصراحه من اشكالهم يبين عليهم انهم طيبييييييييين بشكـل !
والحرمه استغفر الله ريحتها مادري كيف بس مب قصدي اتشمت يعني مشالله عليهم يبيعون عطور وجي ريحتهم !

دفعت حق الحرمه المبلـغ 1500 ..

وطلعت العطور من الجيس وطلعن نفسهن بالظبـــــــط بس ماجفت من داخل . !

وروحو الجماعه وهم ساكنين فعيمان معنه ريال قالي انه من الشارجه .. هههه

المهم سرنا انا وخواتي أريـج اختيه قالتلي فجي العطور ابا اجوفهم فجيت عطر من العطور اول شـــــي ! العطر شكله غير ملمسه غير بلاستك ويوم رشينا والله العظيييييييم .. مــاي !!! و لونه غرييييييييب

فجينا عطر ثاني البلاستك مسكر مادري كيف .. ولون العطر برتقالي قلنا حق اللي يشتغلون فأريج نبا نفس العطر عسب انجوف الفرق من بينهم ..

والحرمه اللي تشتغل في أريج قالت من يبتو هالعطر ؟ منو قص عليكم ..

انا انصدمت من اللي جفته وشميته

سيده اتصلت بالريال قلتله اخويه يعني نحن شارين من عندك 15 عطر واخر شي جي ..

قال والله انا وايد زباين يشترون من عندي نحن اول مره حد جي يقولي ..

قلتله لو سمحت تعال وخذ العطور .. اول شي ماوافق من بعد ماعليت صوتي وافق ..

المهم و ياالريال وياحرمته امسوين اعمارهم مايعرفون شي .

فجيت العطر وراويته , قالي عادي مافي شي

وتم يعطيني امثله عن المواتر اونه السياير الامريكيه غير عن الخليجيه فلازم يكون في فرق بسيط

قلتله شو يخصــــــــــــــــه !!!

قلتله طالع البلاستك كيف مكسور وطالع وشم ريحت العطر فرق ! ..

تم ساااااااكت متقفط .. قلتله اتفضل يود الجيس
وخليته يردلي بيزاتي ..

المهم عقبها بنص ساعه اذكرت اني حطيت عطر من العطور فشنطتيه لني نسيته بالغلط ..
دقيتله قلتله اخويه ترا عطر من العطور نسيته فشنطتيه انت وين وبعطيك اياه

قالي لا اختي عادي خليه عندج .. > ها دليل انه العطر اي كلام !

وخفت بزياده يوم جفت هالـشي ..

https://www.youtube.com/watch?v=Rbv_zS93M5U

المهم خوااتي انتبهن على عماركن ..

والسمووحه ع الإطالـــه ..

كيف توثقين بالغرب !

ليش يعني يبيعون هالعطور جيه . .

انا مول يوم اسير مكان ابا اشتري عطور ماشتري الا من اماكن معروفه

هب من اهنيه والدرب اشتري

تسلمين الغاليه ع التحذير

بارك الله فيج اختي الغالية

والصراحه محد يوثق بالبياعين هذيلا

على العموم …انا ما احب اخذ إلا من الاماكن المعروفه ..وما اخذ وايد .يا دوووب عطر عطرين 3 …يوم بيخلصن بخذ غيرهن

بغيت مساعدتكن في شي انا محتاره فيه

يالسه ازهب مندووس عطورات عربيه وبخوور لعرس اختي

ولان مالي خبره في العطورات العربيه وماعرف وايد فيهن

بشوو تنصحني به يعني شو اسامي العطورات الحلووه والبخوور الغااوي

والعوود المعطر والمخمريه

واذا اي شي ثاني ينضااف عسب يكون المندوس متكامل لاتبخلن عليه فديتكن

اتريا ردودكن^_^

بس بصراحه وااايد غاليه اسعاارها

ومن ناحية التزيين والترتيب ماشي خلاف عندي واحد بينسق بشكل حلوو ودوم اهلي عنده يسوون

بس بغيت انواع العطوور والبخوور اللي حلووه والمخمريه بعد

تسلمين الغلا على مروورج

وبليز بنات ساعدووني ^_^

تسلميييييييييييين فديت رووحج ساعدتيني واايد ف الاختياار وان شااء الله بمشي على نصيحتج

افاااااا وقفتي على دووري اهئ

بس ان شااء الله متى بديتي بااخذ منج

^_^

بااربي

شيكي على الخاص

ببوكس ملكي راقي مخملي

وتقدرين تشوفين موضوعي بملفي الشخصي

بسكن واااااااااايد دلعتكمن تراني

هههههه

والله انكن تستاهلن وزووود ربي يحفظكن

انزين حبوبات

بغيت اعرف شو المميز في محلات احمد المغربي

شو المخلطات والعطورات العربيه والمخمريات المميزه اللي عندهم

واذا عندهم عووووود معطر غاوي وريحته خنينه تدوووم وتثبت بعد

ياليت كل من تعرف شي او قدها يربت شي من عندهم ومميز

تضيفه للموضوع وعلى شان يكون مرجع بعد

دخلييييييييلكن لاتهملوووووون الموضوع

وتسلمووووووون لي يا قمووووراات

لا خلا ولا عدم من طلتكن

انزين لو انرفع لي الموضوع صدقوني ماراح تخسرن شي

جربت من عندهم عطر ولوشن 10 أكتوبر روعة فرنسي على عربي ينفع للمناسبات
جربت دخون شي شي ما عليه كلام وبعد مخلط شيخ

شحالكم خواتي ،،

بختصر الموضوع..

حابه اعرف طريقة عمل الدخون والمخمريه و العطور

وأرجو الشرح بدون تعقيدات لني حدرت وايد مدونة شفت الطريقه بس مش حاطين شرح وافي يعني طريقه مش مفهومه مول

ان شاء الله تكون الطريقه باللهجه الاماراتيه واتكون سهله وبسيطه
لاني محتاجتنها وايد والله.. واتمنى انكم تفيدوني واتساعدوني..وبيكون هالشي بميزان حسناتكم ان شاء الله

اختكم: بدر النساء

up

up

ممكن تاخذين دورات تتعلمين

الدرس الثاني
https://www.uaewomen.net/showthread.php?t=134022

رابط ملفها
https://www.uaewomen.net/member.php?u=46676

المشاركة الأصلية كتبت بواسطة ورودة دبي

طلب غريب !
لان هالشي ماظن حد بيعطي اسراره في الدخون و السوةالف هاي خاصه ان كان مصدر رزق للبعض او اسرارهم الخاص

ممكن تاخذين دورات تتعلمين

يالغلا الانسان يسوي هالشي عسب يكسب اجر والثواب من الله

وفي بنات نعمه وشايفات خير والحمدلله وما اعتقد بيستبخلون علينا

لو حطو الطريقه انا مابغيت وصفتهن بصناعة العطور او البخور او المخمريه

انا بس بغيت الطريقه كيف وانا روحي بسويها

ومشكورة على مرورج اختي

المشاركة الأصلية كتبت بواسطة zoomyat

الدرس الاول
https://www.uaewomen.net/showthread.php?t=131084

الدرس الثاني
https://www.uaewomen.net/showthread.php?t=134022

رابط ملفها
https://www.uaewomen.net/member.php?u=46676

تسلم يمناج وما قصرتي

السموحه تعبتج ويايه

الله يحفظج يارب