ولدي يدرس بمدرسة ****كي جي 1والصراحة من البداية مب أوكي كانت في البداية كل ما شافتني مشرفة الروضة تقول لي ولدج لازم تعرضينه على أخصائية نفسية بجميرا أنا أعرفها وعطتني أسمها ورقمها وقالت لي أ قول ألها أني من طرف مشرفة الروضة بمدرسة ****(جأنها متعودة طرش ألها ياهال من قبل) لأن ولدج عنده مرض كثرة الحركة يوم يطلع الساحة في البريك بصعوبة يرد يدش القسم كله يحب يلعب و يتحرك عنده طاقة زيادة عن الطبيعي و لازم تشوفه الدكتورة اللي قلت لج عنها كل ما شافتني قالت لي هالكلام . ولدي قال لي ما أبا أسير المدرسة و يصيح يوم أكون موديتنه و يشتكي من ميس ***هاي مشرفة الروضة هناك و يوم سألت الناني قالت كان في البريك ما يطيع يدش الكلاس فخبرنا ميس ***و خذته عندها المكتب عقبها كل ما نهدده بيها يتم يصيح سألتهم أبغي أعرف شو سوت فيه فمكتبها خلا الولد كاره المدرسة كالكثر و يصيح يوم ينطرى أسمها بس .أشتكيت للمديرة حرمة مواطنة محترمة الصراحة وعدتني المديرة أنها بتشوف حل لهالموضوع وقالت كثرة الحركة في الياهل لاتعني لزوم عرضه عأخصائية نفسيةوكثرة حركته عادي للي في سنه ولو هن شاطرات المفروض هن يجدبن الياهل للقسم ويحببونه فيه وقالت بطريقتها راح تعرف كيف الميس نادين تتصرف ويا الياهال و ليش ولدي يخاف منها هالكثر.
أوهموني أنهم تغيروا وبالصدفة مدرسته استقالت فصارت مشرفة الروضة تقول لي ولدج ما فيه شي العيب كان من المدرسة لأنه المدرسة اليديدة كله تمدحه وما عندها معاه أي مشاكل. لين ما مؤخرا رد الولد ثاني يخاف يسير المدرسة ويصيح و يقول لي ماما تمي وياي لا تخليني بروحي في المدرسة أنا أخاف أو ودييني مدرسة ثانية أنا ما أحب هالمدرسة و يوم نوصل القسم يصيح والصبح بصعوبة أقنعه يلبس زي المدرسة وبصعوبة أقنعه نطلع نسير المدرسة ونوصل أغلب الوقت متأخرين فالمدرسات في باقي الأقسام معتقدات أنه كل أولياء الأمور ما حد عشان الوقت متأخر وأسمعهن يصرخن عالياهال أنا زغت كل ما اسمع وحدة منهن تصرخ جسمي تلقائيا ينتفض فما بالك ياهال كي جي لين الخميس اللي طاف كالعادة و أنا قاعدة أحاول مع ولدي عشان يدخل القسم اسمع الميس **تصرخ عالياهال وقاعدات يدربونهم عحفلة التخرج و الأدوات اللي بيستعملوا في الرقص كمن خيزرانة أشوفهن يهددون الياهال بالخيزرانة ما ضربوهم بس يهددوهم ويصرخن عليهم بشكل مب طبيعي و عقب شوي شفت مدرسة كي جي 2 وأسمها ***سحبت ولد من ملابسه من عند كتفه بطريقة فظيعة جأنها ساحبة بهيمة مب ولد صغير يمكن البهيمه عند الناس العاديين الي ف قلبهم رحمة ما يسحبونها جذيه.(المشكلة فيه كاميرات يعني الإدارة يشوفون هالي قاعد يستوي و ساكتين عنهن و المدرسات بعد عارفات فيه كاميرات و مب خايفات من الإدارة جأنهن عارفات أنه الإدارة ما بيحاسبونهن, وبالصدفة كل ما كنت أسمع صريخهن عالياهال سواءا الخميس اللي طاف أو باقي الايام كانت تكون متواجدة موظفة إماراتية مسؤولة عن تسجيل الغياب وكانت تسمعهن نفس ما أنا أسمعهن و الخميس اللي طاف كانت بعد متواجدة وأكيد سمعتهن). بس شفت هالمنظر و قررت أني أغير هالمدرسة بس المشكلة متأخرة وايد طول يوم الخميس وانا اتصل المدارس اللي أوكي كلهم وقفوا التسجيل أتصلت عالشويفات عمدرسة فكتوريا و ويس غرين ومدرسة الشارجة البريطانية وعلى يمكن أكثر من عشرين مدرسة والمدرسة الأسترالية قالو أوكي بس مشكلته في شهر تسعة عمره بيكون أربع سنين و أربع شهور هم يقولون لازم يكون أربع سنين و ست شهور وما أبا أسجله بأي مدرسة وخلاص أنا الصراحة أفضل مدرسة الإنجليزي تكون بريطانية أو أمريكية أو أسترالية عشان اللغة لازم يتعلمها من أهلها هو الحين درسه مدرسة أمريكية مب متجنسة هي أمريكية. أبوه قال لي سجليه في المدارس الحكومية بس أخاف ما يركزون فيها عالإنجليزي و ولد عمته بالحكومة يقول لي يضربونا يوم قلت حق أخته ليش ممنوع في العالم كله مب بس في الإمارات ضرب الياهال في المدارس قالت لي بس هاي مال الحكومة …ما أعرف شو أسوي لو عندكن أسم أو أسامي مدارس زينة في الشارجة وبعده التسجيل مفتوح عندهم ردوا عموضوعي ويزاكن الله خير.
أسفة طولت عليكن .
تعرفين فيه أولياء أمور يخلون الخدامات ويا عيالهم بالمدرسة أنا أشوف هذا أحسن شي للي تشتغل و عندها خدامتين أو للي ما تشتغل تجابل بيتها فهالكم من ساعة لين الياهل يرد من المدرسة هو والخدامة. والخدامات ما ييلسن في القسم داخل بس ييلسن في الساحة. لأن ما يندرى شو قاعد يستوي في المدرسة.
[/url][/IMG]
[/url][/IMG]
[/url][/IMG]
[/url][/IMG]
